ভাৰাত্তোলনত মণিপুৰৰ বিন্দিয়াৰাণী দেৱীৰ ব্ৰঞ্জৰ পদক

গ্লাছগো কমনৱেলথ গেমছত ভাৰতীয় খেলুৱৈসকলৰ আকৰ্ষণীয় প্ৰদৰ্শন অব্যাহত আছে। ভাৰাত্তোলনত মীৰাবাঈ চানুৰ স্বৰ্ণ হেট্ৰিক, ঋষিকান্ত সিং আৰু ৰাজা মুথুপাণ্ডিয়ে ৰূপৰ পদক লাভ কৰাৰ পিছতে জ্ঞানেশ্বৰী দেৱীয়ে মহিলাৰ ৫৩ কেজি শাখাত ৰূপৰ পদক লাভ কৰি দেশলৈ গৌৰৱ কঢ়িয়াই আনে। আনহাতে মণিপুৰৰ বিন্দিয়াৰাণী দেৱীয়ে মহিলাৰ ৫৮ কেজি শাখাত ব্ৰঞ্জৰ পদক লাভ কৰে।

ছত্তীশগড়ৰ ভণ্ডিয়া গাঁৱৰ বাসিন্দা জ্ঞানেশ্বৰীয়ে মুঠ ১৯৯ কেজি (৮৮ কেজি স্নেচ + ১১১ কেজি ক্লিন এণ্ড জাৰ্ক) ওজনেৰে ৰূপৰ পদক লাভ কৰে। নাইজেৰিয়াৰ অনোমে ওমোলোলা ডিদাহে মুঠ ২০৬ কিলোগ্ৰাম (৯৩ কেজি + ১১৩ কিলোগ্ৰাম) ওজনেৰে সোণৰ পদক লাভ কৰে। মুঠ ওজন আৰু ক্লিন এণ্ড জাৰ্ক দুয়োটা দিশতে কমনৱেলথ আৰু কমনৱেলথ গেমছৰ নতুন অভিলেখ গঢ়িছিল। বিন্দিয়াৰাণী দেৱীয়ে স্নেচত ৮৭ কেজি আৰু ক্লিন এণ্ড জাৰ্কত ১১২ কেজি ওজন তুলি মুঠ ১৯৯ কেজিৰে তৃতীয় স্থান দখল কৰে।

এই ইভেণ্টত স্বৰ্ণ পদক লাভ কৰে নাইজেৰিয়াৰ ৰাফিয়াতু লাৱালে। লাৱালে কমনৱেলথ গেমছৰ নতুন অভিলেখ গঢ়িলে আৰু মুঠ ওজন ২২৯ কিলোগ্ৰাম (১০৩ কিলোগ্ৰাম + ১২৬ কিলোগ্ৰাম)। কানাডাৰ ছফী এনে মুঠ ২১৫ কেজি উঠাই ৰূপৰ পদক লাভ কৰে। ছফীয়ে স্নেচত ৯৪ কেজি আৰু ক্লিন এণ্ড জাৰ্কত ১২১ কেজি ওজন তুলিছিল।