১০ মাহত ৬১,৬০৭খন বাহন বিক্ৰীৰ অভিলেখ সৃষ্টি কৰি অক্টোবৰ মাহত এতিয়ালৈকে সৰ্বোত্তম প্ৰদৰ্শন আগবঢ়াইছে স্কোডা অটো ইণ্ডিয়াই

২০২৫ বৰ্ষটো স্কোডা অটো ইণ্ডিয়াৰ বাবে এক যুগান্তকাৰী বছৰ, কিয়নো দেশত ব্যৱসায়িক যাত্ৰাৰ ২৫ বছৰ সম্পূৰ্ণ হৈছে। ২০২৫ চনৰ অক্টোবৰ মাহত ব্ৰেণ্ডটোৱে দেশৰ ভিতৰতে সৰ্বাধিক বিক্ৰী লাভ কৰি আন এক মাইলৰ খুঁটি অৰ্জন কৰে। ২০২৫ চনৰ জানুৱাৰীৰ পৰা অক্টোবৰৰ ভিতৰত স্কোডা অটো ইণ্ডিয়াই ৬১,৬০৭খন গাড়ী বিক্ৰী কৰিছিল। ইতিমধ্যে নিজৰ সৰ্বোত্তম ত্ৰিমাসিক আৰু ডেৰ বছৰীয়া বিক্ৰী অন্তৰ্ভুক্তকৰণেৰে এই শক্তিশালী প্ৰদৰ্শনক যোগ দি এতিয়া ব্ৰেণ্ডটোৱে এতিয়ালৈকে সৰ্বাধিক মাহেকীয়া বিক্ৰীৰ অভিলেখ ৰচিছে, ২০২৫ চনৰ অক্টোবৰ মাহত ৮,২৫২খন গাড়ী বিক্ৰী কৰিবলৈ সক্ষম হৈছে। স্কোডা অটো ইণ্ডিয়াৰ প্ৰথমখন চাব-৪ মিটাৰ এছইউভি কাইলাকৰ লগতে এই বৃদ্ধিৰ মূলতে আছে ক’ডিয়াক, স্কোডাৰ ফ্লেগশ্বিপ বিলাসী ৪x৪ৰ অবিৰত চাহিদা, কুশ্বাক আৰু শ্লাভিয়াৰ নিয়মীয়া অৱদান আৰু ২০ মিনিটৰ ভিতৰতে উচ্চ কাৰ্যক্ষমতাসম্পন্ন স্কোডা অক্টাভিয়া আৰ এছ বিক্ৰীৰ বৃদ্ধি আদি অন্যতম।

এই যুগান্তকাৰী ব্যৱসায়িক সাফল্যৰ বিষয়ে সদৰি কৰি স্কোডা অটো ইণ্ডিয়াৰ ব্ৰেণ্ড সঞ্চালক আশিস গুপ্তাই কয় যে, “ভাৰতত ব্ৰেণ্ডটোক যথেষ্ট শক্তিশালী কৰাৰ আৰু আগবাঢ়ি যোৱাৰ উদ্দেশ্যেৰে আমি ২০২৫ বৰ্ষটো আৰম্ভ কৰিছিলো। আমাৰ “এতিয়ালৈকে সৰ্বাধিক বিক্ৰী”ৰ এই মাইলৰ খুঁটি হৈছে উদ্দেশ্যৰ শক্তি, দৃষ্টিশক্তিৰ স্পষ্টতা আৰু নিষ্পাদনৰ চঞ্চলতাৰ প্ৰমাণ, যি সমগ্ৰ ভাৰতত আমাৰ উত্থানৰ বাবে গুৰুত্বপূৰ্ণ।” স্কোডা অটো ইণ্ডিয়াৰ আটাইতকৈ ডাঙৰ বছৰটো নিজৰ সামগ্ৰীৰ আকৰ্ষণীয় ৰূপ আৰু নেটৱৰ্ক সম্প্ৰসাৰণ কৌশলৰ দ্বাৰা অৰ্জন সম্ভৱ হৈছে। এই বছৰ মুকলি হোৱাৰ পিছত কাইলাকৰ বিক্ৰী প্ৰায় ৪০,০০০খন বাহনলৈ বৃদ্ধি হৈছে। কুশ্বাক আৰু শ্লাভিয়াৰ সীমিত সংস্কৰণে মূল্যৰ অফাৰসমূহ অধিক বৃদ্ধি কৰিলে, আনহাতে ফ্লেগশ্বিপ ৪x৪ ক’ডিয়াকে বিলাসিতাৰ পৰিমাণ বৃদ্ধি কৰিলে।

আইকনিক অক্টাভিয়া আৰ এছে অনুৰাগীসকলৰ মাজত প্ৰদৰ্শনৰ প্ৰতি ক্ষুধা বৃদ্ধি কৰিছিল। স্কোডাই এতিয়া ২০০,০০০তকৈ অধিক স্থানীয়ভাৱে উৎপাদিত গাড়ী বিক্ৰীৰ মাইলৰ খুঁটি অৰ্জন কৰিছে – শ্লাভিয়া, কুশ্বাক আৰু কাইলাক এতিয়া ভাৰতৰ ১৮০খন চহৰত ৩১৮টা গ্ৰাহক টাচপইণ্টৰ প্ৰসাৰতাৰে উপলব্ধ। জনপ্ৰিয় ‘আই লাভ মাই ড’ডা’ অভিযানে স্কোডাৰ গ্ৰাহকক কাহিনীৰ সমুখত ৰাখি ব্ৰেণ্ডটোৰ ‘ফেনছ, নট অ’নাৰ্ছ’ সাৰমৰ্মক উজ্জ্বল কৰি তুলিছে। গ্ৰাহক আৰু সেৱাৰ উৎকৃষ্টতাৰ ওপৰত গুৰুত্ব আৰোপেৰে স্কোডা অটো ইণ্ডিয়াই আত্মবিশ্বাস শক্তিশালী কৰি আহিছে। স্কোডা অটো ইণ্ডিয়াৰ ৱেবছাইট – www.skoda-auto.co.in.