এইছএছবিচি মিউচুৱেল ফাণ্ডে গ্ৰাহকৰ বাবে মুকলি কৰিলে ৰেডহেক্স হাইব্ৰিড লং-শ্বৰ্ট ফাণ্ড

এইছএছবিচি মিউচুৱেল ফাণ্ডে গ্ৰাহকৰ বাবে মুকলি কৰিলে ৰেডহেক্স হাইব্ৰিড লং-শ্বৰ্ট ফাণ্ড, যি হৈছে এক স্পেচিয়েলাইজড ইনভেষ্টমেণ্ট ফাণ্ড (এছআইএফ) কৌশল, এই বিশেষ বিনিয়োগ পুঁজিৰ লক্ষ্য হৈছে দীৰ্ঘম্যাদী মূলধন বৃদ্ধিৰ লগতে নিয়মীয়া ৰিটাৰ্ন বিচৰা বিনিয়োগকাৰীসকলক আকৰ্ষিত কৰা। এই নতুন ফাণ্ড অফাৰ ২ জুনত মুকলি কৰা হৈছে আৰু ১৬ জুনলৈকে গ্ৰাহকভুক্তিৰ বাবে উপলব্ধ থাকিব। এই ফাণ্ডে ফিক্সড ইনকাম, ইকুইটি আৰ্বিট্ৰেজ, আৰইআইটিএছ আৰু আইএনভিআইটিএছকে ধৰি একাধিক সম্পদ শ্ৰেণীত বিনিয়োগক একত্ৰিত কৰে, যাৰ উদ্দেশ্য হৈছে বিভিন্ন বজাৰ চক্ৰত বিপদাশংকা-সমন্বিত ৰিটাৰ্ন প্ৰস্তুত কৰা। এই কৌশলক ‘নিফটি ৫০ হাইব্ৰিড কম্পজিট ডেব্ট ৫০:৫০ ইণ্ডেক্স’ৰ বিপৰীতে বেঞ্চমাৰ্ক কৰা হৈছে।

এইছএছবিচি মিউচুৱেল ফাণ্ডে কয় যে এই বিকল্প “মধ্যমীয়া স্তৰৰ” বিনিয়োগকাৰীসকলৰ বাবে প্ৰস্তুত কৰা হৈছে আৰু ইয়াৰ বাবে সৰ্বনিম্ন ১০ লাখ টকাৰ বিনিয়োগৰ প্ৰয়োজন, আনহাতে স্বীকৃত বিনিয়োগকাৰীসকলে সৰ্বনিম্ন ১ লাখ টকাৰ বিনিয়োগেৰে অংশগ্ৰহণ কৰিব পাৰিব। পৰম্পৰাগত মিউচুৱেল ফাণ্ড আৰু উচ্চ স্তৰৰ বিনিয়োগ সামগ্ৰী যেনে প’ৰ্টফলিঅ’ মেনেজমেণ্ট চাৰ্ভিচেছ আৰু অল্টাৰনেটিভ ইনভেষ্টমেণ্ট ফাণ্ডৰ মাজৰ এক বিনিয়োগ শ্ৰেণী হিচাপে এছআইএফসমূহে জনপ্ৰিয়তা লাভ কৰাৰ সময়তে এই ফাণ্ড মুকলি কৰা হৈছে। এইছএছবিচি মিউচুৱেল ফাণ্ডৰ মুখ্য কাৰ্যবাহী বিষয়া কৈলাশ কুলকাৰ্ণীয়ে এই বিষয়ে কয় যে, এই ফাণ্ডে পেচাদাৰী পৰিচালনা, কম তাৰতম্য আৰু কৰ-সঞ্চয়ী বিপদাশংকা-সমন্বিত ৰিটাৰ্ন বিচৰা বিনিয়োগকাৰীসকলৰ বাবে এক সন্তুলিত সেৱা প্ৰদান কৰে।

স্থায়ী উপাৰ্জন শাখাৰ মুখ্য বিনিয়োগ বিষয়া শ্ৰীৰাম ৰামনাথনে এই বিষয়ে কয় যে, এই কৌশলে শক্তিশালী ঋণ বাছনি, বিপদাশংকা নিয়ন্ত্ৰণ আৰু আৰইআইটিএছ আৰু আইএনভিআইটিএছ-ৰ দৰে ক্ৰমবৰ্ধমান সম্পদ শ্ৰেণীসমূহৰ প্ৰতি নিৰ্বাচিত এক্সপ’জাৰৰ ওপৰত গুৰুত্ব আৰোপ কৰে। গুৱাহাটী মহানগৰীত, চহৰখনৰ সম্পদ উপদেষ্টা আৰু উচ্চ-অৰ্থ-মূল্যৰ বিনিয়োগকাৰীসকলে পৰম্পৰাগত মিউচুৱেল ফাণ্ড আৰু ফিক্সড ডিপজিটৰ বাহিৰেও ক্ৰমান্বয়ে বৈচিত্ৰ্যময় বিনিয়োগ বিকল্পসমূহৰ সন্ধান কৰিছে। উদ্যোগ পৰ্যবেক্ষকসকলে বিশ্বাস কৰে যে এছআইএফ-ৰ দৰে সামগ্ৰীসমূহে বজাৰৰ পৰিৱৰ্তিত পৰিস্থিতিৰ মাজত সুস্থিৰ উপাৰ্জনৰ সুযোগ, প’ৰ্টফলিঅ’ৰ বৈচিত্ৰ্যকৰণ আৰু পেচাদাৰীভাৱে পৰিচালিত বিনিয়োগ সমাধান বিচৰা গুৱাহাটী মহানগৰীৰ চহকী বিনিয়োগকাৰীসকলৰ আগ্ৰহ আকৰ্ষণ কৰিব পাৰে। মূলতঃ এক ইণ্টাৰভেল ইনভেষ্টমেণ্ট ফাণ্ড (বিৰতিৰ বিনিয়োগ পুঁজি) হিচাপে গঠিত ৰেডহেক্স হাইব্ৰিড লং-শ্বৰ্ট ফাণ্ডে যিকোনো কাৰ্যদিৱসত গ্ৰাহকভুক্তিৰ অনুমতি দিয়ে আৰু সক্ৰিয় প’ৰ্টফলিঅ’ পৰিচালনা তথা কঠোৰ বিপদাশংকা নিয়ন্ত্ৰণৰ দ্বাৰা সমৰ্থিত সাপ্তাহিক ৰিডেম্পচন বা ধন উলিওৱাৰ সুযোগ প্ৰদান কৰে।