মিছানোত টিআৰআইচিৰ প্ৰথম প্ৰদৰ্শনেৰে গোলকীয় মটৰচাইকেল যাত্ৰা ইউৰোপলৈ সম্প্ৰসাৰণ  টিভিএছ মটৰ কোম্পানীৰ

বিশ্বৰ তৃতীয় বৃহত্তম দ্বি-চকীয়া বাহন নিৰ্মাতা আৰু ত্ৰি-চকীয়া বাহন নিৰ্মাণৰ গোলকীয় প্ৰতিষ্ঠান টিভিএছ মটৰ কোম্পানীয়ে ইটালীৰ মিছানো এড্ৰিয়াটিকোৰ ঐতিহাসিক মিছানো ৱৰ্ল্ড চাৰ্কিটত ২০২৬ টিভিএছ ৰেচিং ইণ্টাৰনেচনেল চেম্পিয়নশ্বিপৰ ইউৰোপীয় প্ৰথম প্ৰদৰ্শনেৰে নিজৰ গোলকীয় মটৰচাইকেল উচ্চাকাংক্ষাক অধিক সুদৃঢ় কৰি তুলিছে। ২০২৬ চনৰ ২-৪ অক্টোবৰত অনুষ্ঠিত ইটালীৰ এই প্ৰতিযোগিতাখনে টিভিএছ মটৰৰ আন্তঃৰাষ্ট্ৰীয় যাত্ৰাত এক গুৰুত্বপূৰ্ণ নতুন অধ্যায়ৰ সূচনা কৰে, যিয়ে ইয়াৰ ৰেচিং ঐতিহ্য, অভিযান্ত্ৰিক দক্ষতা আৰু প্ৰদৰ্শন-ভিত্তিক দৰ্শনক বিশ্বৰ অন্যতম প্ৰতিষ্ঠিত মটৰচাইকেল পৰিস্থিতিতন্ত্ৰলৈ লৈ আহিছে।

ইটালী ৰাউণ্ডত ৪খন মহাদেশৰ ১২খন দেশক প্ৰতিনিধিত্ব কৰা ১৪ গৰাকী দ্ৰুততম ৰেচাৰে টিআৰআইচি ৰেচ-স্পেক টিভিএছ আপাচে আৰআৰ ৩১০ত প্ৰতিযোগিতাত অৱতীৰ্ণ হৈছিল। টিআৰআইচিৰ এই ইউৰোপীয় আত্মপ্ৰকাশ এই যাত্ৰাৰ আন এক গুৰুত্বপূৰ্ণ পদক্ষেপ, যিয়ে টিভিএছ মটৰৰ গোলকীয় সম্প্ৰসাৰণত ইউৰোপৰ বৰ্ধিত গুৰুত্বক প্ৰতিফলিত কৰে। ৯০+তকৈও অধিক আন্তঃৰাষ্ট্ৰীয় বজাৰত বৰ্ধিত উপস্থিতিৰে টিভিএছ মটৰ কোম্পানীয়ে নিজৰ সামগ্ৰীৰ উদ্ভাৱন, প্ৰিমিয়ামকৰণ, উন্নত অভিযান্ত্ৰিকী আৰু গোলকীয় বিশেষজ্ঞতাৰ ধাৰাবাহিক সম্প্ৰসাৰণৰ জৰিয়তে গোলকীয় মটৰচাইকেল ব্ৰেণ্ড হিচাপে নিজৰ স্থিতি শক্তিশালী কৰি তুলিছে।

টিআৰআইচি ক্ৰমান্বয়ে বিকশিত হৈছে আৰু মালয়েছিয়া, থাইলেণ্ড, জাপান, ইণ্ডোনেছিয়াক ধৰি ৪ খন দেশ আৰু ৫টা ৰাউণ্ডত গুৰুত্বপূৰ্ণ আন্তঃৰাষ্ট্ৰীয় ক্ষেত্ৰত অনুষ্ঠিত হৈছে। ইটালীৰ সংযোজনেৰে টিআৰআইচিয়ে এতিয়া নিজৰ ৰেচিং পদচিহ্ন ইউৰোপলৈ সম্প্ৰসাৰিত কৰিছে, যাৰ ফলত গোলকীয় ৰেচিং প্ৰতিভাক এক উমৈহতীয়া মঞ্চত একত্ৰিত কৰা হৈছে। এই চেম্পিয়নশ্বিপে ৰাইডাৰসকলক বিভিন্ন আন্তঃৰাষ্ট্ৰীয় ৰেচাৰৰ বিৰুদ্ধে প্ৰতিযোগিতাত অৱতীৰ্ণ হোৱাৰ, নিজৰ নিজৰ দক্ষতা প্ৰত্যাহ্বান জনোৱাৰ আৰু ৰেচিং সামৰ্থ্য প্ৰদৰ্শন কৰাৰ সুযোগ প্ৰদান কৰিছিল।

টিভিএছ মটৰ কোম্পানীৰ প্ৰিমিয়াম বিজনেচৰ মুৰব্বী বিমল চুম্বলীয়ে এই উপলক্ষে ভাষণ প্ৰদান কৰি কয় যে, “টিভিএছ ৰেচিং ইণ্টাৰনেচনেল চেম্পিয়নশ্বিপৰ ইউৰোপীয় প্ৰথম প্ৰদৰ্শন আমাৰ গোলকীয় ৰেচিং যাত্ৰাত এক সুনিৰ্দিষ্ট মাইলৰ খুঁটি। ২০২২ চনত ৯ খন দেশৰ ৰাইডাৰক লৈ এছিয়া-কেন্দ্ৰিক চেম্পিয়নশ্বিপ হিচাপে আৰম্ভ হোৱা এই যাত্ৰা এতিয়া ১৬ খন দেশৰ ৰাইডাৰৰ সৈতে এক প্ৰকৃত গোলকীয় মঞ্চলৈ ৰূপান্তৰিত হৈছে। ভাৰতীয় মূলৰ চেম্পিয়নশ্বিপ এখন ইউৰোপলৈ লৈ যোৱাটোৱে আমাৰ ৰেচিং বংশানুক্ৰমিকতা, অভিযান্ত্ৰিকতাৰ শক্তি আৰু বিশ্বমঞ্চত প্ৰতিযোগিতা কৰাৰ আমাৰ উচ্চাকাংক্ষাক প্ৰতিফলিত কৰে। ভাৰতৰ পৰা বিশ্বলৈ আমাৰ ৰেচিং বিশেষজ্ঞতা লৈ যোৱাৰ ক্ষেত্ৰত এয়াই হৈছে কাৰ্যক্ষেত্ৰত ‘ট্ৰেক টু ৰোড’।”

টু হুইলচ মটৰ ৰেচিঙৰ প্ৰমোচন ডাইৰেক্টৰ ৰন হগে কয় যে, “ইউৰোপত টিআৰআইচিৰ সম্প্ৰসাৰণে চেম্পিয়নশ্বিপশ্বিপৰ বাবে এক ৰোমাঞ্চকৰ অগ্ৰগতিৰ সূচনা কৰিছে আৰু এই মঞ্চৰ বৰ্ধিত আন্তঃৰাষ্ট্ৰীয় ভূমিকাক প্ৰতিফলিত কৰিছে। ই বিভিন্ন ৰাষ্ট্ৰীয়তাৰ ৰেচাৰসকলক একত্ৰিত কৰে, যাৰ ফলত ৰাইডাৰসকলে বিভিন্ন ৰেচিং শৈলী, কৌশল আৰু চেম্পিয়নশ্বিপৰ দৃষ্টিভংগীৰ বিৰুদ্ধে নিজকে প্ৰত্যাহ্বান জনাবলৈ এক শক্তিশালী প্ৰতিযোগিতামূলক পৰিৱেশৰ সৃষ্টি কৰে। এই মঞ্চই ৰেচাৰসকলক নিজৰ সীমা অতিক্ৰম কৰিবলৈ, প্ৰতিযোগিতাৰ পৰা শিকিবলৈ আৰু এক আন্তঃৰাষ্ট্ৰীয় মঞ্চত নিজৰ নিজৰ প্ৰদৰ্শন উন্নত কৰিবলৈ সুযোগ দিয়ে। টিভিএছ ৰেচিঙৰ সৈতে আমাৰ অংশীদাৰিত্ব সদায় ৰাইডাৰসকলৰ বাবে অৰ্থপূৰ্ণ ৰেচিং অভিজ্ঞতা সৃষ্টি কৰাৰ লগতে চেম্পিয়নশ্বিপটোক নতুন ভূখণ্ডলৈ লৈ যোৱা আৰু ধাৰাবাহিকভাৱে প্ৰতিযোগিতাৰ স্তৰ বৃদ্ধি কৰাৰ উচ্চাকাংক্ষাৰে পৰিচালিত হৈ আহিছে। আমি নিশ্চিত যে মিছানো ৱৰ্ল্ড চাৰ্কিটত ৰাইডাৰ আৰু দলৰ সদস্যসকলে সংগ্ৰহ কৰা অভিজ্ঞতা ভৱিষ্যতৰ খেলৰ লগতে এফআইএম এছিয়া ৰোড ৰেচিং চেম্পিয়নশ্বিপৰ বাবেও অমূল্য হ’ব।”

ফেডাৰেচন মটৰচাইক্লিষ্টিকা ইটালীকানা(এফএমআই)ৰ স্পৰ্টিং ডাইৰেক্টৰ চিমোন ফোলগোৰীয়ে কয় যে, “আমি ইটালীত টিভিএছ ৰেচিং ইণ্টাৰনেচনেল চেম্পিয়নশ্বিপক আদৰণি জনাবলৈ পাই সুখী হৈছো আৰু ভাৰতীয় মূলৰ ৰেচিং চেম্পিয়নশ্বিপ এখনে মিছানোত ইউৰোপীয় আত্মপ্ৰকাশ কৰা দেখিবলৈ পাইছোঁ। মটৰচাইকেল ৰেচিঙৰ সৈতে ইটালীৰ এক শক্তিশালী সংযোগ আছে আৰু ৰেচাৰসকলৰ এক আন্তঃৰাষ্ট্ৰীয় ক্ষেত্ৰ আয়োজন কৰিলে এই ইভেণ্টটোত এক ৰোমাঞ্চকৰ আন্তঃৰাষ্ট্ৰীয় মাত্ৰা যোগ হয়। মিছানোৱে টিআৰআইচিৰ বাবে এই নতুন শাখা আয়োজন কৰা দেখি আমি আনন্দিত হৈছোঁ, যাৰ ফলত অংশগ্ৰহণকাৰীসকলে এক নতুন আৰু অত্যন্ত প্ৰতিযোগিতামূলক পৰিস্থিতিতন্ত্ৰত প্ৰতিযোগিতা কৰিবলৈ সুযোগ পাইছে। আমি আশা কৰিছোঁ যে এই আন্তঃৰাষ্ট্ৰীয় চাৰ্কিটে এই সমাৰোহলৈ যি শক্তি আৰু প্ৰতিযোগিতামূলক মনোভাৱ আনিব তাৰ সাক্ষী হ’বলৈ পাম।”

টিভিএছ ৰেচিঙৰ গোলকীয়কৰণ হৈছে টিভিএছ মটৰৰ দ্বি-চকীয়া বাহনৰ পৰ্টফলিঅ’ৰ ব্যাপক আন্তঃৰাষ্ট্ৰীয় বৃদ্ধিৰ অংশ। টিভিএছ ৰেচিঙে টিআৰআইচিক নতুন বজাৰলৈ সম্প্ৰসাৰিত কৰাৰ লগে লগে এই আন্তঃৰাষ্ট্ৰীয় জনপ্ৰিয়তাক টিভিএছ আপাচে শৃংখলাৰ সম্প্ৰসাৰিত পদচিহ্নই প্ৰতিফলিত কৰিছে, যিয়ে বিশ্বজুৰি ৭ মিলিয়ন গ্ৰাহক অতিক্ৰম কৰিছে। এই পৰিস্থিতিতন্ত্ৰক অধিক শক্তিশালী কৰি তুলিছে টিভিএছ আপাচে অ’নাৰ্চ গ্ৰুপে, যি হৈছে প্ৰদৰ্শন, দুঃসাহসিক অভিযান আৰু সৌহাৰ্দ্যৰ প্ৰতি থকা উৎসাহৰ দ্বাৰা একত্ৰিত হোৱা ৫,০০,০০০তকৈও অধিক সদস্যৰ এটা সম্প্ৰদায়। ইটালীৰ ৰাউণ্ডে এই গতিৰ ওপৰত ভিত্তি কৰি গঢ় লৈ উঠিছে, যাৰ ফলত টিভিএছ মটৰ কোম্পানীৰ ৰেচিং ঐতিহ্য ইউৰোপৰ অন্যতম প্ৰতিষ্ঠিত মটৰস্পৰ্ট অঞ্চললৈ আহিছে।