এআই-ৰ ব্যৱহাৰে গতি লাভ কৰিছে, ৫৭% এমএছএমই-এ মূল বৃদ্ধিৰ চালক হিচাপে গণ্য:ভি-ৰ ব্যৱসায়িক অধ্যয়ন

ভাৰতৰ ক্ষুদ্ৰ, লঘু আৰু মজলীয়া উদ্যোগসমূহৰ বাবে কৃত্ৰিম বুদ্ধিমত্তাই এক অন্যতম বৃদ্ধিৰ অনুঘটক হিচাপে আত্মপ্ৰকাশ কৰিছে, ৫৭ শতাংশ ব্যৱসায়ীয়ে এআইক সম্প্ৰসাৰণৰ এক গুৰুত্বপূৰ্ণ চালক হিচাপে গণ্য কৰিছে আৰু প্ৰতি চাৰিজনৰ ভিতৰত এজনে ইতিমধ্যে নিজৰ কাৰ্য-কলাপত এআই সঁজুলি প্ৰয়োগ-নিয়োজিত কৰিছে। ভি বিজনেছৰ ৰেডী ফৰ নেক্সট প্লেটফৰ্মৰ জৰিয়তে ১৬টা খণ্ডৰ ২.৫ লাখতকৈ অধিক এমএছএমইৰ পৰা অন্তৰ্দৃষ্টি লাভ কৰি ভাৰতৰ ডিজিটেল মেচ্যৰিটী ইণ্ডেক্স (ডিএমআই) ২০২৬ত যোৱা বছৰৰ ৫৮.০ৰ পৰা ৬০.৮লৈ বৃদ্ধিৰ কথাও প্ৰকাশ কৰিছে।

প্ৰতিবেদনত দেখা গৈছে যে ৪৬.৩ শতাংশ এমএছএমই-এ বৰ্ধিত ডিজিটেল ভাবুকিৰ সৈতে মোকাবিলা কৰিবলৈ চাইবাৰ সুৰক্ষা সেৱা গ্ৰহণ কৰিছে, আনহাতে, মহিলা নেতৃত্বাধীন উদ্যোগসমূহে ৬০.৪ৰ বিপৰীতে ৬১.৬ ডিএমআই স্ক’ৰেৰে পুৰুষ নেতৃত্বাধীন ব্যৱসায়সমূহক অতিক্ৰম কৰিছে। ভি বিজনেছে ডিজিটেল গ্ৰাহক, ডিজিটেল কৰ্মক্ষেত্ৰ আৰু ডিজিটেল অপাৰেচনৰ সমান্তৰালভাৱে ‘বিত্তীয় প্ৰস্তুতি’ক চতুৰ্থ মূল্যায়ন স্তম্ভ হিচাপেও প্ৰৱৰ্তন কৰি পুঁজিৰ প্ৰস্তুতি আৰু ব্যৱসায়িক স্থিতিস্থাপকতাৰ মূল্যায়ন কৰে। ডিজিটেল পৰিপক্কতাৰ ক্ষেত্ৰত তেলেংগানা আৰু কৰ্ণাটক ৰাজ্যৰ ৰেংকিঙত শীৰ্ষস্থান দখল কৰাৰ বিপৰীতে অন্ধ্ৰ প্ৰদেশে প্ৰথমবাৰৰ বাবে শীৰ্ষ দহটা স্থানত প্ৰৱেশ কৰিছে। আইটি এণ্ড আইটিইএছ, পৰিবহণ, শক্তি আৰু উপযোগিতা আৰু পৰ্যটন তথা আতিথ্যতকৈ আগবাঢ়ি বিত্তীয় সেৱাই ভাৰতৰ আটাইতকৈ ডিজিটেলভাৱে পৰিপক্ক খণ্ড হিচাপে আত্মপ্ৰকাশ কৰে।

যদিও কোনো পূব ভাৰতৰ ৰাজ্যই দেশৰ শীৰ্ষ ১০ খন ডিজিটেলভাৱে পৰিপক্ক এমএছএমই পৰিৱেশ তন্ত্ৰৰ ভিতৰত স্থান লাভ কৰা নাছিল, তথাপিও এই তথ্যই গুৱাহাটী আৰু বিস্তৃত উত্তৰ-পূৰ্বাঞ্চলৰ ব্যৱসায়ীসকলৰ বাবে উল্লেখযোগ্য সুযোগসমূহ উজ্জ্বল কৰি তুলিছে। স্থানীয় উদ্যোগসমূহে এআই, ডিজিটেল পেমেণ্ট, ক্লাউড প্লেটফৰ্ম আৰু চাইবাৰ সুৰক্ষা সেৱা ক্ৰমান্বয়ে গ্ৰহণ কৰাৰ লগে লগে প্ৰযুক্তি প্ৰদানকাৰী আৰু বিত্তীয় প্ৰতিষ্ঠানসমূহে ডিজিটেল ৰূপান্তৰ ত্বৰান্বিত কৰা আৰু অঞ্চলটোৰ এমএছএমই খণ্ডৰ প্ৰতিযোগিতামূলক ক্ষমতা উন্নত কৰাত গুৰুত্বপূৰ্ণ ভূমিকা পালন কৰিব বুলি আশা কৰা হৈছে।