বিশ্ব চাইকেল দিৱস পালন

বিশ্বজুৰি আজি পালন কৰা হৈছে বিশ্ব চাইকেল দিৱস। ৰাষ্ট্ৰসংঘই স্বীকৃতি দিয়া এই বিশেষ দিৱসৰ মূল উদ্দেশ্য হৈছে চাইকেলক এক পৰিৱেশ-অনুকূল, সুলভ আৰু স্বাস্থ্যসন্মত যাতায়াতৰ মাধ্যম হিচাপে প্ৰচাৰ কৰা। ইয়াৰ জৰিয়তে জনস্বাস্থ্য উন্নত কৰাৰ লগতে যানজঁট আৰু কাৰ্বন নিঃসৰণ হ্ৰাস কৰাৰ বাৰ্তাও প্ৰচাৰ কৰা হয়। বিশ্ব চাইকেল দিৱস উপলক্ষে গুৱাহাটী বিশ্ববিদ্যালয়ত “Cycling for a Greener Future” অৰ্থাৎ “সেউজ ভৱিষ্যতৰ বাবে চাইক্লিং” শীৰ্ষক বিষয়বস্তুৰে এক চাইকেল ৰেলী উলিওৱা হয়। বিশ্ববিদ্যালয় চৌহদৰ পৰা আৰম্ভ হোৱা এই ৰেলীত ছাত্ৰ-ছাত্ৰী, অধ্যাপক, NSS স্বেচ্ছাসেৱক, বিভিন্ন স্বেচ্ছাসেৱী সংস্থা আৰু গুৱাহাটীৰ বহু চাইক্লিং অনুৰাগীয়ে অংশগ্ৰহণ কৰে।