এনফিল্ডত অশ্ৰুসিক্ত বিদায়: ব্ৰেন্টফৰ্ডৰ বিৰুদ্ধে অন্তিম মেচ খেলি লিভাৰপুল এৰিলে ম’হামেদ ছালাহে

প্ৰিমিয়াৰ লীগ ছিজনৰ অন্তিম দিনা ব্ৰেন্টফৰ্ড এফ চিৰ বিৰুদ্ধে ১-১ গলত ড্ৰ হোৱা খেলখনত ক্লাবটোৰ হৈ নিজৰ অন্তিমখন মেচ খেলাৰ পিছত এক আৱেগিক বিদায়েৰে ম’হামেদ ছালাহে তেওঁৰ লিভাৰপুল কেৰিয়াৰৰ যৱনিকাপাত পেলায়।
ইজিপ্টৰ এই ফৰৱাৰ্ডগৰাকীয়ে লিভাৰপুলৰ হৈ খেলা তেওঁৰ ৪৪২ সংখ্যক তথা অন্তিমখন মেচৰ দ্বিতীয় অৰ্ধত খেলপথাৰৰ পৰা সলনি হোৱাৰ পিছত এনফিল্ডত দৰ্শকৰ থিয় হৈ জনোৱা অভিবাদন (standing ovation) লাভ কৰে। ক্লাবটোৰ সৈতে অতিবাহিত কৰা এক উজ্জ্বল ৯ বছৰীয়া খেলুৱৈ জীৱনৰ অন্তত ছালাহে খেলপথাৰৰ পৰা ওলাই যাওঁতে ঘাঁহনিত চুমা খায় আৰু তেওঁক স্পষ্টভাৱে আৱেগিক হৈ পৰা দেখা যায়।
ছালাহে এটা এচিষ্টেৰে (assist) বিদায় লয় আৰু ২৫৭ টা গলেৰে তেওঁৰ লিভাৰপুল কেৰিয়াৰ সমাপ্ত কৰে। ইয়াৰ সৈতেই তেওঁ নিজক ক্লাবটোৰ সৰ্বশ্ৰেষ্ঠ খেলুৱৈসকলৰ এজন আৰু প্ৰিমিয়াৰ লীগৰ আটাইতকৈ সফল ফৰৱাৰ্ডসমূহৰ ভিতৰত অন্যতম হিচাপে প্ৰতিষ্ঠা কৰে। – এজেন্সী