গুজৰাট টাইটানছৰ হাতত চাৰাইনজাৰ্ছ হায়দৰাবাদ ৮২ ৰাণত পৰাস্ত

মঙলবাৰে ইয়াত অনুষ্ঠিত ইণ্ডিয়ান প্ৰিমিয়াৰ লীগৰ এক মুখামুখিত চাই সুদৰ্শন আৰু ৱাশ্বিংটন সুন্দৰৰ অৰ্ধশতকৰ সহায়ত গুজৰাট টাইটানছে চাৰাইনজাৰ্ছ হায়দৰাবাদৰ বিৰুদ্ধে ৮২ ৰাণৰ এক বৃহৎ জয় | প্ৰথমে বেটিং কৰিবলৈ আমন্ত্ৰণ লাভ কৰি সুদৰ্শনে ৪৪ টা বলত ৬১ ৰাণ (পাঁচটা চাৰি আৰু দুটা ছয়) আৰু ৱাশ্বিংটনে ৩৩ টা বলত ৫০ ৰাণ সংগ্ৰহ কৰে। গুজৰাট টাইটানছে ৫ উইকেটৰ বিনিময়ত ১৬৮ ৰাণ সংগ্ৰহ কৰে।নিশান্ত সিন্ধুৱে ২২ ৰাণৰ অৱদান আগবঢ়ায়। প্ৰত্যুত্তৰত চাৰাইনজাৰ্ছ হায়দৰাবাদৰ ইনিংছ ১৪.৫ অভাৰত মাত্ৰ ৮৬ ৰাণতে সমাপ্ত হয়। দলটোৰ মাত্ৰ চাৰিজন বেটাৰেহে দুই অংকৰ ৰাণ স্পৰ্শ কৰিবলৈ সক্ষম হয়। গুজৰাটৰ হৈ কাগিচো ৰাবাদা (৩/২৮) আৰু জেচন হোল্ডাৰে (৩/২০) তিনিটাকৈ উইকেট দখল কৰে। লগতে প্ৰসিদ্ধ কৃষ্ণ (২/২৩) আৰু মহম্মদ চিৰাজেও (১/১১) উইকেট লাভ কৰে| চাৰাইনজাৰ্ছৰ হৈ প্ৰফুল্ল হিঙে (২/১৭), অধিনায়ক পেট কামিন্স (১/২০) আৰু চাকিব হুছেইনে (২/৩৭) উইকেটসমূহ ভগাই লয়।