২০% বৃদ্ধিৰে ব্যক্তিগত জীৱন বীমা উদ্যোগক আউটপেচ কৰিছে এক্সিছ মেক্স লাইফে

মেক্স ফাইনেন্সিয়েল চাৰ্ভিচেছ লিমিটেডে ২০২৬ বিত্তীয় বৰ্ষৰ প্ৰথম ৯ মাহৰ বাবে শক্তিশালী বিত্তীয় প্ৰদৰ্শনৰ প্ৰতিবেদন দাখিল কৰিছে, বিনিয়োগৰ আয় বাদ দি একত্ৰিত ৰাজহ বছৰৰি ১৮% বৃদ্ধিৰে ২৪,৬২৫ কোটি টকা হৈছে। বিনিয়োগৰ আয়কে ধৰি সমন্বিত ৰাজহ ৩৬,৮৯১ কোটি টকা হোৱাৰ বিপৰীতে কৰৰ পিছত লাভ ১৩৭ কোটি টকা হৈছে।

প্ৰতিষ্ঠানটোৰ জীৱন বীমা শাখা এক্সিছ মেক্স লাইফ ইঞ্চুৰেন্সে ব্যক্তিগত উদ্যোগক অতিক্ৰম কৰিছে, ব্যক্তিগত সমন্বিত প্ৰথম বছৰৰ প্ৰিমিয়াম (এফ ৱাই পি) বছৰি ২০% বৃদ্ধি পাই ৬,৩৯৬ কোটি টকালৈ আৰু ব্যক্তিগত বজাৰৰ অংশীদাৰিত্বত ৫৩ বেছিছ পইণ্ট অৰ্জন কৰি ৯.৮% পৰ্যন্ত প্ৰদৰ্শন কৰিবলৈ সক্ষম হৈছে। গ্ৰাছ ৰিটেন প্ৰিমিয়াম ১৮% বৃদ্ধি পাই ২৫,১৯৫ কোটি টকা হৈছে, আনহাতে নবীকৰণৰ প্ৰিমিয়াম ১৭% বৃদ্ধি পাই ১৫,৫৫১ কোটি টকা হৈছে। কোম্পানীটোৰ লাভজনকতা সূচক, ভেলু অৱ নিউ বিজনেছ (ভিএনবি) ৩০% বৃদ্ধি পাই ১,৬৩৩ কোটি টকা হৈছে, নতুন ব্যৱসায়ৰ ব্যৱধান ২৩.৬%লৈ উন্নত হৈছে। পৰিচালনাৰ অধীনত থকা সম্পদ ১২% বৃদ্ধি পাই ১.৯৩ লাখ কোটি টকা হৈছে আৰু এম্বেডেড মূল্য ১৬% বৃদ্ধি পাই ২৮,১১০ কোটি টকা হৈছে।

পৰিচালন সঞ্চালক আৰু মুখ্য কাৰ্যবাহী বিষয়া সুমিত মাদানে এই বিষয়ে কয় যে, কোম্পানীটোৰ “ধাৰাবাহিক দ্বিগুন অংকৰ বিকাশ” শক্তিশালী স্বত্বাধিকাৰী চেনেল, ডিজিটেল উদ্ভাৱন আৰু ৫১টা নতুন ব্যৱসায়িক সহযোগিতাসহ অংশীদাৰিত্বৰ সম্প্ৰসাৰণৰ দ্বাৰা চালিত হৈছে। সুৰক্ষা আৰু সঞ্চয় সামগ্ৰীৰ স্থিৰ বিকাশ গুৱাহাটীকে ধৰি উত্তৰ-পূৰ্বাঞ্চলৰ বজাৰতো প্ৰতিফলিত হৈছে, য’ত বৃদ্ধি পোৱা বিত্তীয় সজাগতা আৰু বৰ্ধিত সংস্থাৰ নেটৱৰ্কে জীৱন বীমাৰ সেৱা-সামগ্ৰীৰ শক্তিশালী চাহিদাৰ ক্ষেত্ৰত অৰিহণা যোগাইছে, যিয়ে প্ৰতিষ্ঠানটোৰ আঞ্চলিক সম্প্ৰসাৰণ কৌশলক সমৰ্থন কৰিছে।