সমাজ-কেন্দ্ৰিক শক্তি এক, ৰূপ অনেক পদক্ষেপৰ জৰিয়তে দুৰ্গা পূজাৰ অভিযানক উৎসৱ উদযাপনৰ গণ্ডীৰ উৰ্ধ্বলৈ লৈ গৈছে শ্যাম মেটালিক্সে

শ্যাম মেটালিক্সে সমগ্ৰ কলকাতাত এক আৱেগিক প্ৰদৰ্শনী আৰু সামাজিক পদক্ষেপৰ জৰিয়তে আশা, সাংস্কৃতিক ঐতিহ্য আৰু সমাজ কল্যাণ উদযাপন কৰিবলৈ শক্তি এক, ৰূপ অনেক নামৰ এক দুৰ্গা পূজাৰ অভিযান আৰম্ভ কৰিছে।
শক্তি, সুৰক্ষা আৰু সমবেদনাৰ প্ৰমূল্যৰ ওপৰত আধাৰিত এই অভিযান মূলতঃ তিনিটা বিষয়বস্তুৰ ওপৰত কেন্দ্ৰিত: উম্মিদ (আশা), য়াদে (স্মৃতি) আৰু ছুকুন (আৰাম আৰু যত্ন)। ইয়াৰ প্ৰধান আকৰ্ষণসমূহৰ ভিতৰত আছে ৱাল অৱ শক্তি, য’ত ছেল টাইগাৰ টিএমটি বাৰ ব্যৱহাৰ কৰি নিৰ্মাণ কৰা দেৱী দুৰ্গাৰ এক অবয়ব প্ৰদৰ্শন কৰা হৈছে। ইয়াত দৰ্শনাৰ্থীসকলে নিজৰ ইচ্ছা বা কামনা ব্যক্ত কৰিব পাৰিব আৰু কোম্পানীয়ে স্বপ্নে পূৰে হোংগে পদক্ষেপৰ অধীনত নিৰ্বাচিত আশা-আকাংক্ষাসমূহ পূৰণ কৰাৰ প্ৰতিশ্ৰুতি দিছে।
‘শক্তি টানেলে’ নিমজ্জিত ভিজুৱেল আৰু চেলফি জ’নৰ জৰিয়তে বংগৰ কলা আৰু সংস্কৃতিক প্ৰদৰ্শন কৰিব। ফেষ্টিভ ছিজনত নিয়োজিত হৈ থকা বংগ আৰক্ষীৰ কৰ্মীসকলৰ বাবে শক্তি বুথে জিৰণিৰ ঠাই প্ৰদান কৰিব, য’ত দৰ্শনাৰ্থীসকলে এইসকল লোকৰ বাবে প্ৰশংসাসূচক বাৰ্তা এৰি থৈ যাব পাৰিব।
মূল প্ৰদৰ্শনীসমূহ মুদিয়ালী ক্লাব, নিউ টাউন সাৰ্বজনীন দুৰ্গোৎসৱ সমিতি আৰু টালা বাৰোৱাৰী দুৰ্গোৎসৱ সমিতিৰ মণ্ডপত দেখিবলৈ পোৱা যাব। সমগ্ৰ পশ্চিম বংগৰ ৩০টা দুৰ্গা পূজা মণ্ডপত শক্তি বুথসমূহ স্থাপন কৰা হ’ব।
এই অভিযানে সকলোৰে বাবে উৎকৃষ্ট উদাহৰণ দাঙি ধৰিছে, য’ত কেনেকৈ ব্ৰেণ্ডসমূহে সাংস্কৃতিক উদযাপন, সামাজিক সংযোগ আৰু সামাজিক দায়বদ্ধতাৰ জৰিয়তে গ্ৰাহকৰ সৈতে সম্পৰ্ক স্থাপন কৰিব পাৰে সেই বিষয়ে উপস্থাপন কৰা হৈছে। এনে পদক্ষেপে অসমৰ ব্যৱসায়ীসকলকো ডাঙৰ উৎসৱসমূহৰ সময়ত স্থানীয় লোকৰ সৈতে সম্পৰ্ক দৃঢ় কৰাৰ সুযোগ দিব পাৰে।
শ্যাম মেটালিক্সৰ সঞ্চালক সুমিত চক্ৰৱৰ্তী আৰু চিঅ’অ’ নিৰ্মল উদয়ে কয় যে এই পদক্ষেপৰ উদ্দেশ্য হৈছে সাংস্কৃতিক উদযাপনৰ সৈতে ব্যৱহাৰিক সামাজিক সহযোগিতাক একত্ৰিত কৰি দুৰ্গা পূজাক অধিক অন্তৰ্ভুক্ত আৰু অৰ্থপূৰ্ণ কৰি তোলা।