নতুন অ’টমেটিক আৰু এআই-চালিত বৈশিষ্ট্যসমৃদ্ধ স্কোডা শ্লেভিয়াৰ মূল্য ৯.৯৯ লাখৰ প্ৰাৰম্ভিক মূল্যত উপলব্ধ

স্কোডা অট’ ইণ্ডিয়াই নতুন শ্লেভিয়া বাহনৰ মূল্য সদৰি কৰিছে, য’ত উন্নীতকৰণ কৰা চেডানখনৰ মূল্য ৯.৯৯ লাখ টকা(এক্স-শ্ব’ৰুম)ৰ পৰা আৰম্ভ হৈছে আৰু অহা সপ্তাহৰ পৰা বাহনখনৰ ডেলিভাৰী আৰম্ভ হ’ব। ভাৰতৰ বাবে বিশেষভাৱে প্ৰস্তুত কৰা এমকিউবি-এ০-আইএন প্লেটফৰ্মৰ ওপৰত প্ৰস্তুত নতুন শ্লেভিয়াখন ৬টা ট্ৰিম ক্ৰমে— ক্লাছিক, ক্লাছিক+, চিগনেশ্বাৰ, স্পৰ্টলাইন, প্ৰেষ্টিজ আৰু মণ্টে কাৰ্লোত উপলব্ধ কৰা হৈছে। ইয়াৰ ১.০ টিএছআই ইঞ্জিনটো এটা ছয়-স্পীড মেনুৱেল আৰু এটা নতুন আঠ-স্পীড টৰ্ক কনভাৰ্টাৰ অ’টমেটিকৰ সৈতে উপলব্ধ হ’ব, যাক এই শ্ৰেণীত প্ৰথম বুলি দাবী কৰা হৈছে; আনহাতে ১.৫ টিএছআই ইঞ্জিনটো এটা সাত-স্পীড ডিএছজিৰ সৈতে সংযোজিত কৰা হৈছে।
বাহনখনে নতুন এলইডি হেডলেম্প আৰু টেইললেম্প, চিকুৱেন্সিয়েল ৰিয়াৰ ইণ্ডিকেটৰ, মডিফাইড বাম্পাৰ, এটা অনুভূমিক ক্ৰ’ম গ্ৰীল ষ্ট্ৰীপ আৰু নতুন এলয় হুইলৰ সৈতে এটা সতেজ ষ্টাইল প্ৰদান কৰিছে। ইয়াৰ ৰঙৰ তালিকাত আৰ্কটিক ছিলভাৰ আৰু কেপুচিন’ বেইজ অন্তৰ্ভুক্ত হৈছে, যাৰ ভিতৰত পিছৰটো বিকল্প ২০২৬ চনৰ ডিচেম্বৰ মাহৰ পৰা উপলব্ধ হ’ব।
প্ৰযুক্তিগত উন্নীতকৰণৰ ভিতৰত আছে এই শ্ৰেণীত প্ৰথমবাৰৰ বাবে পিছফালৰ আসনত মাছাজ কৰাৰ সুবিধা, ৩৬০-ডিগ্ৰী এৰিয়া ভিউ কেমেৰা, পাৰ্ক পাইলট আৰু উচ্চ শ্ৰেণীৰ ভেৰিয়েণ্টসমূহত এটা ২৬.০৩-চে.মি.ৰ ডিজিটেল ককপিট আদি। ইয়াৰ ২৫.৬-চে.মি.ৰ টাচ্চস্ক্ৰীন ইনফ’টেইনমেণ্ট চিষ্টেমটোৱে ৱায়াৰলেচ এণ্ড্ৰইড অ’ট’ আৰু এপল কাৰপ্লে’ সমৰ্থন কৰে আৰু ইয়াত জেমিনিৰ সৈতে এটা গুগল ক্লাউড-চালিত এআই ভইচ এচিষ্টেণ্ট আছে।
শ্লেভিয়াই নিজৰ ৫-ষ্টাৰ গ্লবেল এনচিএপি ৰেটিং ধৰি ৰাখিছে, য’ত ২৫তকৈও অধিক সুৰক্ষা বৈশিষ্ট্য ষ্টেণ্ডাৰ্ড হিচাপে আৰু উচ্চ শ্ৰেণীৰ ভেৰিয়েণ্টসমূহত ৪০তকৈও অধিক সুৰক্ষা বৈশিষ্ট্য আছে। স্কোডাই ৪ বছৰ/১,০০,০০০ কি.মি. ৱাৰেণ্টী, ৰ’ডচাইড এচিষ্টেণ্ট আৰু বিনামূলীয়া লেবাৰ চাৰ্ভিচো প্ৰদান কৰিছে।
গুৱাহাটী মহানগৰীত এই আকৰ্ষণীয় শ্লেভিয়াই প্ৰিমিয়াম চেডান শ্ৰেণীত স্কোডাৰ স্থিতিক অধিক সুদৃঢ় কৰিব পাৰে, বিশেষকৈ যিসকল ক্ৰেতাই প্ৰদৰ্শন, সুৰক্ষা আৰু ইউৰোপীয় শৈলীৰ সৈতে আপোচ নকৰাকৈ এছইউভিৰ এক বৈশিষ্ট্যপূৰ্ণ বিকল্প বিচাৰে। বৰ্তমান দেশৰ ১৯৩খন চহৰত কোম্পানীটোৰ ৩৪৫তকৈও অধিক গ্ৰাহক সেৱা কেন্দ্ৰ আছে। স্কোডা অট’ ইণ্ডিয়াই ২০২৫ চনত ৭২,৬৬৫খন বাহন বিক্ৰী কৰি ১০৭% বাৰ্ষিক বৃদ্ধি কৰিবলৈ সক্ষম হৈছে।