টাৱাংত ২৫,৫১২ গৰাকী ভোটাৰ: খচৰা তালিকা প্ৰকাশ, নাম সংশোধনৰ বাবে ২০ আগষ্ট শেষ তাৰিখ

ভাৰতৰ নিৰ্বাচন আয়োগে (ECI) অধিসূচনা কৰা সময়সূচী অনুসৰি চলি থকা ভোটাৰ তালিকাৰ বিশেষ নিবিড় সংশোধনী (SIR) প্ৰক্ৰিয়াৰ অধীনত Tawang জিলাৰ তিনিওটা বিধানসভা সমষ্টি – ১-লুমলা (ST), ২-টাৱাং (ST), আৰু ৩-মুক্তো (ST) ৰ বাবে খচৰা ভোটাৰ তালিকা প্ৰকাশ কৰা হৈছে।
খচৰা ভোটাৰ তালিকাসমূহ জিলা নিৰ্বাচন বিষয়া (DEO)ৰ কাৰ্যালয়, সম্পৰ্কীয় নিৰ্বাচনী পঞ্জীয়ন বিষয়া (ERO), সহকাৰী নিৰ্বাচনী পঞ্জীয়ন বিষয়া (AERO) আৰু নিৰ্ধাৰিত বুথ পৰ্যায়ৰ বিষয়া (BLO) সকলৰ কাৰ্যালয়ত ৰাজহুৱা পৰিদৰ্শনৰ বাবে উপলব্ধ।

প্ৰকাশিত খচৰা তালিকা অনুসৰি, Tawang জিলাত মুঠ ২৫,৫১২ গৰাকী ভোটাৰ আছে। ইয়াৰে ১২,২২৭ গৰাকী পুৰুষ ভোটাৰ আৰু ১৩,২৮৫ গৰাকী মহিলা ভোটাৰ | গণনা প্ৰক্ৰিয়াৰ সময়ত বুথ পৰ্যায়ৰ বিষয়াসকলে বিভিন্ন শ্ৰেণীত ৩,০২৩ গৰাকী ভোটাৰৰ নাম খচৰা ভোটাৰ তালিকাত অন্তৰ্ভুক্ত নোহোৱা বুলি পৰীক্ষা কৰি চিনাক্ত কৰে। ইয়াৰে
৬২৮ গৰাকী মৃত ভোটাৰ ,২,০২ গৰাকী স্থানান্তৰিত ভোটাৰ ,২৬৯ গৰাকী অনুপস্থিত/ বিচাৰি নোপোৱা ভোটাৰ , ৮৫ গৰাকী অন্য ঠাইত ইতিমধ্যে নামভৰ্তি থকা ভোটাৰ
৩৯ গৰাকী অন্যান্য শ্ৰেণীৰ ভোটাৰ
দাবী আৰু আপত্তি দাখিলৰ সময়সীমা ২১ জুলাই, ২০২৬ ৰ পৰা আৰম্ভ হৈছে আৰু ২০ আগষ্ট, ২০২৬ লৈকে চলিব।এই সময়ছোৱাত যোগ্য নাগৰিকে নাম অন্তৰ্ভুক্তি, তথ্য শুদ্ধিকৰণ, নাম বাতিল বা আন যিকোনো প্ৰয়োজনীয় পৰিৱৰ্তনৰ বাবে নিৰ্ধাৰিত ফৰ্ম অনলাইন বা অফলাইনযোগে দাখিল কৰিব পাৰিব।
দাবী আৰু আপত্তি নিষ্পত্তিৰ বাবে জাননী আৰু শুনানি ২১ জুলাই ৰ পৰা ১৮ ছেপ্টেম্বৰ, ২০২৬ লৈকে চলিব।আবেদনকাৰীক শুনানিৰ তাৰিখ, সময় আৰু স্থান উল্লেখ কৰি ব্যক্তিগত জাননী দিয়া হ’ব আৰু শুনানিৰ পিছত সম্পৰ্কীয় নিৰ্বাচনী পঞ্জীয়ন বিষয়াই আবেদনসমূহৰ ওপৰত সিদ্ধান্ত ল’ব।
সকলো দাবী আৰু আপত্তি নিষ্পত্তিৰ পিছত চূড়ান্ত ভোটাৰ তালিকা ২ ছেপ্টেম্বৰ, ২০২৬ ত প্ৰকাশ কৰা হ’ব।
স্বচ্ছ সংশোধনী প্ৰক্ৰিয়াৰ অংশ হিচাপে খচৰা ভোটাৰ তালিকাৰ কপি জিলাৰ স্বীকৃতিপ্ৰাপ্ত ৰাষ্ট্ৰীয় আৰু ৰাজ্যিক ৰাজনৈতিক দলসমূহৰ অনুমোদিত প্ৰতিনিধিসকলক দিয়া হৈছে।
মঙলবাৰে ERO, AERO আৰু ৰাজনৈতিক দলসমূহৰ প্ৰতিনিধিৰ সৈতে এখন পৰ্যালোচনা বৈঠক অনুষ্ঠিত হয়। লগতে সংশোধনীৰ সময়ছোৱাত পোৱা দাবী আৰু আপত্তিৰ তালিকা সাপ্তাহিকভাৱে ৰাজনৈতিক দলসমূহক যোগান ধৰা হ’ব।