১১৫ ইঞ্চিৰ ব্ৰাভিয়া ৯II মুকলি কৰি প্ৰিমিয়াম টিভি বজাৰত গুৰুত্ব আৰোপ কৰিছে ছনীয়ে

ছনী ইণ্ডিয়াই প্ৰিমিয়াম বৃহৎ স্ক্ৰীনৰ ঘৰুৱা মনোৰঞ্জন খণ্ডত নিজৰ উপস্থিতি শক্তিশালী কৰাৰ উদ্দেশ্যে কোম্পানীটোৰ এতিয়ালৈকে আটাইতকৈ ডাঙৰ ব্ৰাভিয়া টেলিভিচন— ১১৫ ইঞ্চি (২৯২ চেণ্টিমিটাৰ)ৰ ব্ৰাভিয়া ৯II মুকলি কৰি নিজৰ প্ৰিমিয়াম টেলিভিচনৰ তালিকাৰ সম্প্ৰসাৰণ কৰিছে। এই উন্মোচনী অনুষ্ঠানত ছনী ইণ্ডিয়াৰ পৰিচালন সঞ্চালক সুনীল নায়াৰ আৰু ছনী কৰ্পৰেচনৰ হোম প্ৰডাক্ট বিজনেছ ডিভিজনৰ গ্লবেল হেড নেজু ডাইচুকে উপস্থিত থাকে।

এই মুকলিৰ লগে লগে ছনীৰ ট্ৰু আৰজিবি ব্ৰাভিয়া শৃংখলাৰ স্ক্ৰীনৰ আকাৰ ৫৫ ইঞ্চি (১৪০ চেণ্টমিটাৰ)ৰ পৰা ১১৫ ইঞ্চি (২৯২ চেণ্টিমিটাৰ)লৈকে উপলব্ধ হৈছে। কোম্পানীটোৱে জানিবলৈ দিয়া মতে, এই নতুন ফ্লেগশ্বিপ টেলিভিচনত নিজস্ব আৰজিবি বেকলাইট মাষ্টাৰ ড্ৰাইভ প্ৰ’ আৰু ব্ৰাভিয়া এক্সআৰ প্ৰচেছৰ ব্যৱহাৰ কৰা হৈছে, যিয়ে উন্নত ৰঙৰ সঠিকতা, কন্‌ট্ৰাষ্ট আৰু চিনেমেটিক ছবিৰ মানদণ্ড প্ৰদান কৰে। এই মডেলটোত ১২টা স্পীকাৰযুক্ত একাউষ্টিক মাল্টি-অডিঅ’+ প্ৰণালী আছে আৰু ই গুগল টিভিৰ দ্বাৰা পৰিচালিত হয়। ভৱিষ্যতে এটা অ’ভাৰ-দ্য-এয়াৰ ছফ্টৱেৰ আপডেটৰ জৰিয়তে ইয়াত জেমিনী সংযোজনৰ পৰিকল্পনা কৰা হৈছে।

ছনীয়ে প্ৰকাশ কৰা অনুসৰি, এই সম্প্ৰসাৰণ চিনেমা ইজ কামিং হোম শীৰ্ষক দৃষ্টিভংগীৰ সৈতে সংগতিপূৰ্ণ, যাৰ প্ৰচাৰ চলচ্চিত্ৰ নিৰ্মাতা তথা ব্ৰেণ্ড এম্বেছেডৰ এছ এছ ৰাজামৌলীৰ সহযোগত কৰা হৈছে। কোম্পানীটোৱে উল্লেখ কৰিছে যে সমগ্ৰ ট্ৰু আৰজিবি পৰিসৰটো চিনেমা, গেমিং আৰু পোনপটীয়া খেল উপভোগৰ বাবে প্ৰিমিয়াম স্ক্ৰীনৰ আকাৰত ষ্টুডিঅ’ পৰ্যায়ৰ দৃশ্য আৰু নিমজ্জিত শব্দ প্ৰদান কৰিবলৈ ডিজাইন কৰা হৈছে।

ব্ৰাভিয়া ৯II শৃংখলাত ৭৫ ইঞ্চি, ৮৫ ইঞ্চি আৰু নতুনকৈ অন্তৰ্ভুক্ত কৰা ১১৫ ইঞ্চিৰ মডেলসমূহ আছে, আনহাতে ব্ৰাভিয়া ৭II শৃংখলাটো ৫৫ ইঞ্চি, ৬৫ ইঞ্চি, ৭৫ ইঞ্চি আৰু ৮৫ ইঞ্চিৰ ভেৰিয়েণ্টত উপলব্ধ। ১১৫ ইঞ্চিৰ ব্ৰাভিয়া ৯IIৰ সৰ্বোচ্চ খুচুৰা মূল্য ৪৫.৯৯ লাখ টকা ধাৰ্য কৰা হৈছে, যাৰ শ্ৰেষ্ঠ মূল্য হ’ব ২৮.৯৯ লাখ টকা আৰু ই অতি সোনকালে উপলব্ধ হ’ব। অন্যান্য মডেলসমূহ ইতিমধ্যে ছনীৰ ৰিটেইল আউটলেট, ShopatSC.com, আগশাৰীৰ ইলেকট্ৰনিক্স বিপণী আৰু প্ৰধান ই-কমাৰ্ছ প্লেটফৰ্মসমূহত উপলব্ধ হৈছে।

গুৱাহাটীকে ধৰি উঃ-পূৰ্বাঞ্চলত এই সম্প্ৰসাৰিত প্ৰিমিয়াম ব্ৰাভিয়া শৃংখলাটোৱে অঞ্চলটোৰ ক্ৰমবৰ্ধমান বিলাসী গ্ৰাহক ইলেকট্ৰনিক্স খণ্ডত ছনীৰ অৱস্থান শক্তিশালী কৰিব পাৰে। প্ৰিমিয়াম ঘৰুৱা মনোৰঞ্জন সামগ্ৰীৰ বৰ্ধিত চাহিদা, বিশেষকৈ চহকী পৰিয়াল, আতিথ্য খণ্ড আৰু কৰ্পৰেট ক্ৰেতাসকলৰ মাজত দেখা যোৱা সঁহাৰিয়ে গুৱাহাটী মহানগৰীৰ খুচুৰা বিক্ৰেতাসকলক উচ্চ-পৰ্যায়ৰ টেলিভিচনৰ সম্ভাৰ বৃদ্ধি কৰিবলৈ উৎসাহিত কৰিছে; য’ত ফেষ্টিভ ছিজনৰ চাহিদাই বৃহৎ স্ক্ৰীনৰ প্ৰিমিয়াম মডেলসমূহৰ বিক্ৰীত অধিক সহায় কৰিব বুলি আশা কৰা হৈছে।