মন্দিৰত পদপিষ্ট হৈ ৭ জন ভক্তৰ মৃত্যু

বিহাৰৰ লক্ষীচৰাই জিলাৰ অশোকধাম মন্দিৰত সোমবাৰে পুৱা পদপিষ্ট হৈ ৭ জন ভক্তৰ মৃত্যু হোৱাৰ লগতে বহু লোক আহত হৈছে ৷ শাওণ মাহৰ তৃতীয়টো সোমবাৰত জলাভিষেকৰ বাবে মন্দিৰটোত প্ৰায় ৫০ হাজাৰ ভক্তৰ সমাগম হৈছিল ৷ ভিৰৰ ফলত সৃষ্টি হোৱা হুলস্থূলীয়া পৰিৱেশৰ মাজতে হঠাতে এই অঘটনটো সংঘটিত হয় ।এই ঘটনাৰ তথ্য লাভ কৰাৰ পাছতেই ঘটনাস্থলীত আৰক্ষী আৰু প্ৰশাসনৰ লোক উপস্থিত হৈ উদ্ধাৰ অভিযান আৰম্ভ কৰে আৰু আহতসকলক চিকিৎসালয়লৈ প্ৰেৰণ কৰে ৷ ইফালে মৃত লোকসকলৰ মাজৰ তিনিগৰাকী ভগ্নী বুলি চিনাক্ত কৰা হৈছে ৷