এইচ পিয়ে ভাৰতত ২০+ এআই-চালিত ডিভাইচ আৰু সমাধান মুকলি কৰিছে

এইচ পি ইণ্ডিয়াই সোমবাৰে পাৰ্ছনেল চিষ্টেম, প্ৰিণ্টিং আৰু কৰ্মশক্তিৰ প্ৰযুক্তিৰ মাজেৰে ২০তকৈও অধিক নতুন সামগ্ৰী আৰু সমাধান মুকলি কৰে, যিয়ে কাম আৰু এআই-চালিত কম্পিউটিঙৰ ভৱিষ্যতক সমৰ্থন কৰাৰ লক্ষ্যৰে প্ৰতিষ্ঠানটোৰ অন্যতম বৃহৎ ভাৰতকেন্দ্ৰিক সামগ্ৰী মুকলিৰ সূচনা কৰিলে। প্ৰতিষ্ঠানটোৱে ভাৰতৰ প্ৰথমটো এইচপি অম্নি পেড ১২ টেবলেট আৰু এইচপি এলিট ব’ৰ্ড জি১এ নেক্সট জেন এআই পিচি মুকলি কৰিছে, যাক সহযোগিতামূলক কৰ্মক্ষেত্ৰৰ বাবে ডিজাইন কৰা বিশ্বৰ প্ৰথম এআই কিবৰ্ড পিচি হিচাপে বৰ্ণনা কৰা হৈছে। এইচপিয়ে কয় যে, নমনীয় আৰু বুদ্ধিদীপ্ত প্ৰযুক্তি সেৱাৰ চাহিদা বৃদ্ধিৱাৰ মাজতে নতুন বিকল্পসমূহ ছাত্ৰ, সৃষ্টিকৰ্তা, পেছাদাৰী আৰু উদ্যোগসমূহক লক্ষ্য কৰি লৈছে।

এইচপি অম্নি পেড ১২ টেবলেট পৰ্টেবিলিটীৰ সৈতে পিচি-শৈলীৰ উৎপাদনশীলতাৰ সংমিশ্ৰণ ঘটাইছে আৰু এণ্ড্ৰইড অ’এছ সমৰ্থনৰ সৈতে এই ডিভাইচটো কোৱালকম স্নেপড্ৰেগন প্ৰচেছৰত চলে। এইচ পিয়ে জনোৱা অনুসৰি এই ডিভাইচটোৱে ১৮ ঘণ্টা পৰ্যন্ত বেটাৰী লাইফ প্ৰদান কৰে আৰু ইয়াক শিক্ষাৰ্থী আৰু প্ৰথমবাৰৰ বাবে ব্যৱহাৰ কৰা লোকসকলক লক্ষ্য কৰি লোৱা হৈছে। ইফালে, এলিট বৰ্ড জি১এ উন্নত এএমডি প্ৰচেছৰৰ দ্বাৰা চালিত আৰু হাইব্ৰিড কৰ্মক্ষেত্ৰৰ বাবে এআই-সক্ষম সহযোগিতা বিকল্পও সমৰ্থন কৰে। কোম্পানীটোৱে ইণ্টেল, এএমডি আৰু কোৱালকম প্ৰচেছৰৰ দ্বাৰা চালিত নতুন এইচ পি এলিট বুক, প্ৰ’ বুক আৰু অম্নি বুক ছিৰিজৰ জৰিয়তে নিজৰ এআই পিচি পৰ্টফলিঅ’ৰ সম্প্ৰসাৰণ কৰিছে। এইচপিয়ে মুকলি কৰিছে এইচপি আইকিউ, যি এক অন-ডিভাইচ এ আই প্লেটফৰ্ম যিয়ে প্ৰসংগভিত্তিক সহায়, মিটিং নোট কেপচাৰ আৰু এইচ পি নিয়েৰ চেন্স প্ৰযুক্তিৰ জৰিয়তে নিৰৱচ্ছিন্ন ডিভাইচ সংযোগ প্ৰদান কৰে। এইচপিয়ে অতিৰিক্তভাৱে নতুন জেড ৱৰ্কষ্টেচন, পলি পৰ্টফলিঅ’ৰ অধীনত এআই-সক্ষম কনফাৰেন্সিং সেৱা আৰু স্মাৰ্ট প্ৰিণ্টিং অভিজ্ঞতাৰ বাবে এআই-চালিত প্ৰিণ্ট ফৰ্মেটিং প্ৰযুক্তি আগবঢ়াইছে।

এইচপিৰ ভাৰত, শ্ৰীলংকা আৰু বাংলাদেশৰ জ্যেষ্ঠ উপাধ্যক্ষ তথা পৰিচালন সঞ্চালক ঈপ্সিতা দাসগুপ্তই কয় যে, ভাৰতত প্ৰযুক্তিৰ ব্যৱহাৰ-প্ৰয়োগ দ্ৰুতগতিত বিকশিত হৈ আছে আৰু এইচপিৰ লক্ষ্য হৈছে শিক্ষা, কাম আৰু উৎপাদনশীলতাক সমৰ্থন কৰিবলৈ পিচি, প্ৰিণ্টাৰ আৰু এআই সেৱাসমূহত এক সংযুক্ত পৰিৱেশ তন্ত্ৰ সৃষ্টি কৰা। এই মুকলিয়ে উত্তৰ-পূব ভাৰতত প্ৰিমিয়াম এআই-চালিত লেপটপ আৰু হাইব্ৰিড ডিভাইচৰ চাহিদা শক্তিশালী কৰিব পাৰে, গুৱাহাটীকে ধৰি বিভিন্ন অঞ্চলত শিক্ষা প্ৰতিষ্ঠান, ষ্টাৰ্টআপ আৰু ক্ষুদ্ৰ ব্যৱসায়ে ক্ৰমান্বয়ে উন্নত ডিজিটেল সঁজুলিৰ ব্যৱহাৰ বাঢ়িছে। গুৱাহাটীৰ খুচুৰা বিক্ৰেতাসকলে কয় যে অম্নী পেড ১২ আৰু এআই-সক্ষম অম্নি বুক ছিৰিজৰ দৰে সামগ্ৰীবোৰে ছাত্ৰ-ছাত্ৰী, সমল সৃষ্টিকৰ্তা আৰু যুৱ পেছাদাৰীসকলক দীঘলীয়া বেটাৰী জীৱন আৰু এআই বৈশিষ্ট্যৰে বহনযোগ্য উৎপাদনশীলতা সঁজুলিৰ অন্বেষণ অধিক আকৰ্ষিত কৰিব পাৰে।