ধুমুহা-বৰষুণত উত্তৰ প্ৰদেশত এদিনত ৯৪ জনৰ মৃ*ত্যু

উত্তৰ প্ৰদেশৰ প্ৰয়াগৰাজ, অযোধ্যাকে ধৰি ৩০খন বুধবাৰে জিলাত ধুমুহা-বৰষুণ আৰু বজ্ৰপাতৰ ফলত ৯৪ জন লোকৰ মৃত্যু হয়। প্ৰায়াগৰাজত সৰ্বাধিক ১৭ জন আৰু ভাদোহীত ১৬ জন লোকৰ মৃত্যু হৈছে। ঘণ্টাত ৮০ কিলোমিটাৰ বেগত ধুমুহাই বৰেলীত এজন যুৱক আৰু এটা টিনৰ চেড উৰুৱাই লৈ যায়। ৰাজ্যখনৰ বাণ্ডা চহৰৰ তাপমাত্ৰা ৪৫.৪ ডিগ্ৰী চেলছিয়াছ। আজি ৫১খন জিলাৰ বাবে তীব্ৰ ধুমুহা আৰু বৰষুণৰ সতৰ্কবাণী জাৰি কৰা হৈছে।

ৰাজস্থানতো প্ৰচণ্ড গৰম আৰু গৰমৰ ঢৌৰ প্ৰভাৱ পৰে। বুধবাৰে ৰাজ্যৰ জয়ছালমেৰত একেৰাহে চতুৰ্থ দিনৰ বাবে দেশৰ ভিতৰতে আটাইতকৈ উষ্ণ চহৰ হিচাপে পৰিগণিত হয়, য’ত উষ্ণতা ৪৬.১ ডিগ্ৰী চেলছিয়াছ। বতৰ বিজ্ঞান বিভাগৰ তথ্য অনুসৰি আজি বিকানেৰ, যোধপুৰ, জয়ছালমেৰ, আৰু বৰমেৰৰ বাবে প্ৰচণ্ড গৰমৰ বাবে ৰেড এলাৰ্ট স্থাপন কৰা হৈছে। ১৩খন জিলাৰ বাবে গৰমৰ ঢৌৰ সতৰ্কবাণী জাৰি কৰা হৈছে।

ইফালে মধ্যপ্ৰদেশৰ ২৫খনতকৈও অধিক জিলাত গৰমে দহিছে। যিটো ১৮ মে’লৈকে চলি থাকিব পাৰে। বুধবাৰে খাজুৰাহোৰ তাপমাত্ৰা ৪৫.৪ ডিগ্ৰী চেলছিয়াছত উপনীত হয়। আজি ইন্দোৰ, উজ্জয়ন, ধৰ, আৰু ৰাতলামৰ বাবে কমলা ৰঙৰ গৰমৰ তৰংগ সতৰ্কবাণী জাৰি কৰা হৈছে।