নগাঁৱত টাইকোৱান্দো একাডেমীৰ শুভাৰদ্ভ: স্থানীয় প্ৰতিভা বিকাশৰ নতুন দিগন্ত

নগাঁৱৰ ক্ৰীড়া জগতত এক নতুন মাত্ৰা যোগ কৰি আজি চহৰৰ ইনড’ৰ ষ্টেডিয়াম প্ৰাংগণত অত্যাধুনিক ‘নেচনেল টাইকোৱান্দো একাডেমী’ আনুষ্ঠানিকভাৱে মুকলি কৰা হয়। নগাঁও জিলা ক্ৰীড়া সন্থাৰ উদ্যোগত আৰু স্থানীয় ক্ৰীড়ানুৰাগীৰ সহযোগত এই প্ৰশিক্ষণ কেন্দ্ৰটো গঢ়ি তোলা হৈছে।উদ্বোধনী অনুষ্ঠানৰ আলোকপাত:
আজিৰ এই বিশেষ অনুষ্ঠানত মুখ্য অতিথি হিচাপে উপস্থিত থাকি একাডেমীখনৰ দ্বাৰ মুকলি কৰে নগাঁও সমষ্টিৰ বিধায়ক তথা নগাঁও ক্ৰীড়া সন্থাৰ সভাপতি ৰূপক শৰ্মাই। তেওঁ নিজৰ ভাষণত উল্লেখ কৰে যে এই একাডেমীখনে থলুৱা প্ৰতিভাক ৰাষ্ট্ৰীয় আৰু আন্তঃৰাষ্ট্ৰীয় পৰ্যায়লৈ লৈ যোৱাত এক গুৰুত্বপূৰ্ণ ভূমিকা পালন কৰিব।
অনুষ্ঠানত নগাঁও ক্ৰীড়া সন্থাৰ সাধাৰণ সম্পাদক তপন কুমাৰ দাস, বিশিষ্ট ক্ৰীড়া সংগঠক অমিয় কুমাৰ বৰা আৰু কিশোৰ দাসৰ লগতে বহুকেইগৰাকী গণ্য-মান্য ব্যক্তি উপস্থিত থাকে। কেৱল শাৰীৰিক কছৰত নহয়, টাইকোৱান্দোৰ জৰিয়তে ছাত্ৰ-ছাত্ৰীসকলৰ মাজত অনুশাসন আৰু আত্মৰক্ষাৰ কৌশল গঢ়ি তোলাটোৱেই এই প্ৰকল্পৰ মূল উদ্দেশ্য। একাডেমীখনত আধুনিক প্ৰশিক্ষণৰ সকলো সুবিধা উপলব্ধ কৰা হৈছে যাতে জিলাখনৰ উদীয়মান খেলুৱৈসকলে উপযুক্ত প্লেটফৰ্ম লাভ কৰিব পাৰে। এই নতুন একাডেমীখনে অনাগত দিনত নগাঁৱলৈ গৌৰৱ কঢ়িয়াই আনিব বুলি ক্ৰীড়াপ্ৰেমীসকলে আশা প্ৰকাশ কৰিছে ।