মহাৰাষ্ট্ৰ চৰকাৰৰ এটা বিশেষ সিদ্ধান্ত

শেহতীয়াকৈ মহাৰাষ্ট্ৰ চৰকাৰৰ এটা বিশেষ সিদ্ধান্তত পুনৰ স্পষ্ট হ’ল মাৰাঠীসকলৰ জাতীয়তাবাদ। মহাৰাষ্ট্ৰৰ পৰিবহণ বিভাগে অটো আৰু টেক্সি চালকসকলৰ বাবে ব্যৱহাৰিক (কথোপকথনৰ) মাৰাঠী ভাষাৰ জ্ঞান থকাটো বাধ্যতামূলক কৰিছে। যাতে স্থানীয় যাত্ৰীসকলৰ সৈতে ভাবৰ আদান-প্ৰদান সহজ হৈ পৰে। চৰকাৰে চালকসকলক মাৰাঠী শিকিবলৈ ১৫ আগষ্ট পৰ্যন্ত সময় নিৰ্ধাৰণ কৰি দিছে। যদিহে কোনো চালকে মাৰাঠী ভাষা নাজানে, তেন্তে তেওঁলোকৰ অনুজ্ঞাপত্ৰও বাতিল কৰাৰ সিদ্ধান্ত লৈছে চৰকাৰে। এই নিয়মৰ প্ৰতি লক্ষ্য ৰাখি বিভিন্ন অটো-টেক্সি চালক সংগঠনে চৰকাৰৰ ওচৰত অতিৰিক্ত ১০০ দিনৰ সময়সীমা দাবী কৰিছে।