আজি মুকলি হ’ল কেদাৰনাথ ধামৰ দুৱাৰ

আজি মুকলি হ’ল কেদাৰনাথ ধামৰ দুৱাৰ। পুৱা ৮ বজাৰ পিছত খোল খালে মন্দিৰৰ দুৱাৰ। ইয়াৰ পূৰ্বে সুন্দৰ ৰূপত সজাই তোলা হয় কেদাৰনাথ মন্দিৰ। অসমৰ জাঁপি আৰু প্ৰায় ৫১ কুইণ্টল ফুলৰ সহায়ত সজাই তোলা হয় বাবাৰ ধাম। মুকলিৰ সময়ত উত্তৰাখণ্ডৰ মুখ্যমন্ত্ৰী পুষ্কৰ সিং ধামীও উপস্থিত থাকে, তেওঁ প্ৰধানমন্ত্ৰী নৰেন্দ্ৰ মোদীৰ বাবে প্ৰাৰ্থনা কৰে। কেদাৰনাথ ধামত এই সময়ত প্ৰচণ্ড ঠাণ্ডাৰ মাজতো উপস্থিত হৈছে হাজাৰ হাজাৰ ভক্ত। এতিয়া ২২ এপ্ৰিলৰ পৰা অহা ৬ মাহলৈ কেদাৰনাথ ধামৰ দুৱাৰ খোলা থাকিব।