নলবাৰীৰ জাজিয়াবাৰীত সমগ্ৰ অসম অৰ্ধ মাৰাথান সম্পন্ন, বৰপেটাৰ ৰফিক আলী চেম্পিয়ন

নলবাৰী জিলাৰ জাজিয়াবাৰীস্থিত ‘অল ৰাউণ্ডাৰ ক্লাৱ’ৰ উদ্যোগত আয়োজিত সমগ্ৰ অসম অৰ্ধ মাৰাথান প্ৰতিযোগিতা যোৱা ২৪ মে’ত সফলভাৱে সামৰণি পৰে।

এই প্ৰতিযোগিতাত বৰপেটাৰ ৰফিক আলীয়ে প্ৰথম স্থান দখল কৰি চেম্পিয়নৰ সন্মান লাভ কৰে। বিজয়ী হিচাপে ৰফিকে ১০,০০০ টকাৰ নগদ পুৰস্কাৰ লাভ কৰে।
দ্বিতীয় স্থান অধিকাৰ কৰে হাজোৰ মাতিবৰ আলীয়ে আৰু তৃতীয় স্থান লাভ কৰে হাউলীৰ চাইফুল ইছলামে। তেওঁলোকে ক্ৰমে ৭,০০০ টকা আৰু ৫,০০০ টকাৰ পুৰস্কাৰ লাভ কৰে।
‘অল ৰাউণ্ডাৰ ক্লাৱ’ই জনোৱা মতে, ৰাজ্যৰ বিভিন্ন প্ৰান্তৰ খেলুৱৈয়ে এই অৰ্ধ মাৰাথানত অংশ লয়। ক্ৰীড়াৰ বিকাশ আৰু যুৱ প্ৰজন্মক সুস্থ জীৱনশৈলীৰ প্ৰতি আকৰ্ষিত কৰাৰ উদ্দেশ্যৰে এই প্ৰতিযোগিতাৰ আয়োজন কৰা হৈছিল।