খাদ্য সংসাধন আৰু উদ্ভাৱন শক্তিশালী কৰাৰ বাবে এমঅ’এফপিআইৰ সৈতে বুজাবুজি চুক্তি স্বাক্ষৰ গড্ৰেজ এগ্ৰ’ভেটৰ

ভাৰতৰ অন্যতম আগশাৰীৰ কৃষি খাদ্য প্ৰতিষ্ঠান গড্ৰেজ এগ্ৰ’ভেট লিমিটেডে খাদ্য সংসাধন উদ্যোগ মন্ত্ৰালয়ৰ সৈতে অধিক উৎপাদন আৰু আপষ্ট্ৰিম উদ্ভাৱনৰ সুবিধা স্থাপনৰ বাবে এক অ-বাধ্যতামূলক বুজাবুজিৰ চুক্তিত স্বাক্ষৰ কৰিছে, যাৰ আনুমানিক বিনিয়োগ হ’ব ৯৬০ কোটি টকা। ৱৰ্ল্ড ফুড ইণ্ডিয়া ২০২৫ৰ আঁৰত এমঅ’এফপিআইৰ সচিব অবিনাশ যোশী আৰু গড্ৰেজ ইণ্ডাষ্ট্ৰীজ গ্ৰুপৰ কৰ্পৰেট পৰিক্ৰমা বিভাগৰ গ্ৰুপ সভাপতি ৰাকেশ স্বামীৰ উপস্থিতিত এই বুজাবুজি চুক্তি স্বাক্ষৰিত হয়।

এই বিনিয়োগে সমগ্ৰ অসম, অন্ধ্ৰ প্ৰদেশ, ত্ৰিপুৰা, তেলেংগানা, আৰু মহাৰাষ্ট্ৰত কোম্পানীটোৰ তৈলপাম আৰু পশুখাদ্য ব্যৱসায়ৰ ওপৰত গুৰুত্ব আৰোপ কৰিব। গড্ৰেজ এগ্ৰ’ভেটৰ চিইঅ’ এণ্ড এমডি সুনীল কাটাৰিয়াই এই বিষয়ে সদৰি কয় যে, এই পদক্ষেপ সমগ্ৰ যোগান শৃংখলতে বহনক্ষম মূল্য সৃষ্টি কৰাৰ লগতে খাদ্য সংসাধন আৰু অনুসন্ধান আৰু বিকাশৰ সামৰ্থ্য বৃদ্ধিৰ বাবে প্ৰতিষ্ঠানটোৰ কৌশলৰ সৈতে সংগতি আছে। অবিনাশ যোশীয়ে ভাৰতৰ কৃষি খাদ্য পৰিৱেশ তন্ত্ৰক আগুৱাই নিয়াত আৰু গ্ৰাম্য উন্নয়নৰ লক্ষ্যক সমৰ্থন কৰাত সহযোগিতাৰ ভূমিকাত গুৰুত্ব আৰোপ কৰিছে।

গুৱাহাটীৰ এই বিনিয়োগে আঞ্চলিক নিয়োগ বৃদ্ধি কৰিব আৰু স্থানীয় কৃষক আৰু যোগান ধৰোঁতাসকলক তৈলপাম আৰু আনুষংগিক সামগ্ৰীৰ বাবে উন্নত বজাৰ প্ৰৱেশাধিকাৰ প্ৰদান কৰিব বুলি আশা কৰা হৈছে।  উদ্যোগ বিশেষজ্ঞসকলে বিশ্বাস কৰে যে এনে উদ্যোগসমূহে অসমত খাদ্য সংসাধন খণ্ডক শক্তিশালী কৰিব, উদ্ভাৱন-নেতৃত্বাধীন বিকাশৰ সুযোগ সৃষ্টি কৰিব আৰু চহৰখনৰ খুচুৰা বজাৰত উচ্চ মানদণ্ডৰ সংসাধিত খাদ্যৰ গ্ৰাহকৰ উপলব্ধতা বৃদ্ধি কৰিব।

২০২৬-২৭ বিত্তীয় বৰ্ষৰ ভিতৰত সম্পূৰ্ণ হোৱাৰ আশা কৰা এই সুবিধাসমূহে উল্লেখযোগ্য নিয়োগ সৃষ্টিৰ জৰিয়তে আঞ্চলিক উন্নয়ন আৰু দক্ষতা বৃদ্ধিতো সমানে অৰিহণা যোগাব।