BIMSTECৰ ধন সৰবৰাহ আৰু সন্ত্ৰাসবাদীৰ বিত্তীয় সাহায্য বিৰোধী বৈঠক শ্বিলঙত অনুষ্ঠিত

ভাৰত চৰকাৰৰ বিত্ত মন্ত্ৰালয়ৰ অধীনৰ ৰাজহ বিভাগে সফলতাৰে BIMSTEC ৰ Anti-Money Laundering আৰু Combating the Financing of Terrorism (SG-AML/CFT) ৰ ১৪ সংখ্যক উপ-গোটৰ বৈঠক সোমবাৰে শ্বিলঙত আয়োজন কৰে।
এই বৈঠকত BIMSTEC ৰ সকলো ৭ খন সদস্য ৰাষ্ট্ৰ প্ৰতিনিধি দলে অংশগ্ৰহণ কৰে। ধন সৰবৰাহ, সন্ত্ৰাসবাদীৰ বিত্তীয় সাহায্য, বিস্তাৰ বিত্তীয় সাহায্য আৰু অন্যান্য নতুন ধৰণৰ বিত্তীয় অপৰাধ প্ৰতিহত কৰাত আঞ্চলিক সহযোগিতা শক্তিশালী কৰাৰ প্ৰতি সকলোৱে পুনৰবাৰ দায়বদ্ধতা প্ৰকাশ কৰে।
বৈঠকত উপ-গোটৰ ১৩ সংখ্যক বৈঠকৰ পিছৰ অগ্ৰগতি পৰ্যালোচনা কৰা হয়। লগতে প্ৰতিখন দেশৰ AML/CFT ক্ষেত্ৰত হোৱা উন্নতি, নতুন বিপদ, সলনি হোৱা ধৰণ আৰু ভাল পদ্ধতিৰ বিষয়ে মত বিনিময় কৰা হয়। বিত্তীয় অপৰাধ বৰ্তমান আন্তঃৰাষ্ট্ৰীয় আৰু প্ৰযুক্তি-নিৰ্ভৰ হৈ পৰাৰ কথা স্বীকাৰ কৰি, সদস্য ৰাষ্ট্ৰসমূহে আঞ্চলিক সহযোগিতা, সময়মতে তথ্য আদান-প্ৰদান, ক্ষমতা বৃদ্ধি আৰু প্ৰযুক্তিৰ ফলপ্ৰসূ ব্যৱহাৰ ওপৰত গুৰুত্ব আৰোপ কৰে।
বৈঠকৰ গুৰুত্বপূৰ্ণ ফলাফল:
অবৈধ ধনৰ প্ৰবাহ (IFF) ৰ ওপৰত পত্ৰ আৰু BIMSTEC অঞ্চলত অবৈধ বিত্তীয় প্ৰবাহ ৰোধৰ কাৰ্য-পৰিকল্পনা চূড়ান্তকৰণ। ধন সৰবৰাহ আৰু সন্ত্ৰাসবাদীৰ বিত্তীয় সাহায্য প্ৰতিহত কৰাৰ বাবে ক্ষমতা বৃদ্ধিৰ বুজাবুজিৰ স্মাৰকপত্ৰ স্বাক্ষৰ। ২০২৬-২০২৮ ৰ বাবে BIMSTEC AML/CFT কাৰ্য্য-পৰিকল্পনা প্ৰস্তুত কৰাত একমত।
Financial Intelligence Units ৰ মাজত সহযোগিতা বৃদ্ধি কৰিবলৈ BIMSTEC AML/CFT Contact Point Network কাৰ্যক্ষম কৰাৰ ওপৰত গুৰুত্ব।
Asia/Pacific Group on Money Laundering (APG) ত BIMSTEC ৰ Observer Status ব্যৱহাৰ কৰি আঞ্চলিক ক্ষমতা বৃদ্ধি, জ্ঞান ভাগ-বতৰা আৰু FATF ৰ পৰৱৰ্তী mutual evaluation ৰ বাবে সদস্য ৰাষ্ট্ৰসমূহক প্ৰস্তুত কৰাৰ বিষয়েও আলোচনা হয়।
বৈঠকত Virtual Asset, Fintech Platform, কৃত্ৰিম বুদ্ধিমত্তা, ব্যৱসায়-ভিত্তিক ধন সৰবৰাহ, অনলাইন প্ৰতাৰণা আৰু Cyber-Enabled বিত্তীয় অপৰাধৰ দৰে নতুন বিপদৰ বিষয়েও গভীৰ আলোচনা হয়। এই নতুন প্ৰত্যাহ্বানসমূহ মোকাবিলা কৰিবলৈ শক্তিশালী নিয়ন্ত্ৰণ কাঠামো, চৰকাৰী-বেচৰকাৰী অংশীদাৰিত্ব, উন্নত বিশ্লেষণ ক্ষমতা আৰু আঞ্চলিক-আন্তঃৰাষ্ট্ৰীয় সহযোগিতাৰ প্ৰয়োজনীয়তাৰ ওপৰতো গুৰুত্ব দিয়া হয়।
শেষত বৈঠকৰ প্ৰতিবেদন গ্ৰহণ কৰি ইয়াক BIMSTEC ৰ Joint Working Group on Counter Terrorism and Transnational Crime (JWG-CTTC) ৰ ১ সংখ্যক বৈঠকলৈ বিবেচনাৰ বাবে প্ৰেৰণ কৰা হয়।
প্ৰতিনিধি দলসমূহে বৈঠকৰ সুন্দৰ আয়োজন আৰু আতিথ্যৰ বাবে ভাৰত চৰকাৰৰ বিত্ত মন্ত্ৰালয়ৰ ৰাজহ বিভাগ আৰু BIMSTEC সচিবালয়ক ধন্যবাদ জ্ঞাপন কৰে।