ইৰাণত হেলিকপ্টাৰ দুৰ্ঘটনাত ৰাষ্ট্ৰপতি, বৈদেশিক মন্ত্ৰীসহ ৯ জনৰ মৃত্যু

ইৰাণৰ ৰাষ্ট্ৰপতি ইব্ৰাহিম ৰাইচিৰ হেলিকপ্টাৰ দুৰ্ঘটনাত মৃত্যু হৈছে। ৰাষ্ট্ৰপতি ৰাইচিৰ সৈতে হেলিকপ্টাৰত থকা ইৰাণৰ বৈদেশিক মন্ত্ৰীৰো মৃত্যু ঘটিছে। ৰাষ্ট্ৰপতি ৰাইচিৰ হেলিকপ্টাৰ দুৰ্ঘটনা দেওবাৰে সংঘটিত হৈছিল, কিন্তু সোমবাৰে ধ্বংসাৱশেষ পোৱাৰ পিছত মৃত্যু নিশ্চিত কৰা হয়। এই দুৰ্ঘটনাত মুঠ নজন লোকৰ মৃত্যু হৈছে। ইৰাণৰ কেবিনেটে তেওঁলোকৰ চৰকাৰী বিবৃতিত ৰাষ্ট্ৰপতিৰ মৃত্যুত শোক প্ৰকাশ কৰিছে আৰু কৈছে যে ইৰাণৰ শাসন ব্যৱস্থা আগৰ দৰেই অব্যাহত থাকিব। খবৰ অনুসৰি, দেহৰক্ষী, পাইলট, সহ-পাইলট, নিৰাপত্তা প্ৰধানৰ দৰে বিষয়াও হেলিকপ্টাৰত আছিল।এজন ইৰানী বিষয়াই কয় যে দুৰ্ঘটনাটোত হেলিকপ্টাৰখন সম্পূৰ্ণৰূপে জ্বলি যায়। হেলিকপ্টাৰ দুৰ্ঘটনা সংঘটিত হোৱা ঠাইখনত প্ৰতিকূল বতৰ আছিল। ইয়াৰ বাবে, উদ্ধাৰকাৰী কৰ্মীসকলে ঘটনাস্থলীত উপস্থিত হ’বলৈ যথেষ্ট প্ৰচেষ্টা কৰিব লগা হৈছিল। ৰাষ্ট্ৰপতি ৰাইচিয়ে দেওবাৰে কিজ কালচি আৰু খোদাফ্ৰিন বান্ধ উদ্বোধন কৰিবলৈ আজাৰবাইজান ভ্ৰমণ কৰিছিল। এই উদ্বোধনৰ পিছত, ৰাইচি তাব্ৰেজ চহৰৰ ফালে গৈ আছিল। তাব্ৰিজ হৈছে ইৰাণৰ পূব আজাৰবাইজান প্ৰদেশৰ ৰাজধানী।ইফালে, পথত হেলিকপ্টাৰখন দুৰ্ঘটনাগ্ৰস্ত হয়।হেলিকপ্টাৰখন দুৰ্ঘটনাগ্ৰস্ত হোৱা এলেকাটো তাব্ৰিজ চহৰৰ পৰা ৫০ কিলোমিটাৰ দূৰত ভাৰ্জেকানৰ ওচৰত।