ৰেডমি নোট ১৭ প্ৰ’ চিৰিজৰ জৰিয়তে মধ্যমীয়া দামৰ স্মাৰ্টফোন বজাৰত বজাৰ দখলৰ লক্ষ্য

শ্বাওমি ইণ্ডিয়াই মধ্যমীয়া দামৰ স্মাৰ্টফোন শাখাত অধিক বেটাৰীৰ কাৰ্যক্ষমতা, দীৰ্ঘস্থায়িত্ব, ইমেজিং আৰু প্ৰদৰ্শন বিচৰা গ্ৰাহকসকলক উদ্দেশ্যি ৰেডমি নোট ১৭ প্ৰ’ চিৰিজ মুকলি কৰিছে, দেশৰ বজাৰত উপলব্ধ হৈছে ৰেডমি নোট ১৭ প্ৰ’ আৰু ৰেডমি নোট ১৭ প্ৰ’ মেক্স ।

ৰেডমি নোট ১৭ প্ৰ’ মেক্সত ১০০ ৱাট  শ্বাওমি হাইপাৰ চাৰ্জৰ সৈতে এটা ১০,০০০ এমএএইচ চিলিকন-কাৰ্বন বেটাৰী থকাৰ বিপৰীতে প্ৰ’ আৰ্হিটোত ৬৭ ৱাট হাইপাৰ চাৰ্জৰ সৈতে এটা ৯,০০০ এমএএইচ বেটাৰী প্ৰদান কৰা হৈছে। দুয়োটা মডেলে ৱায়াৰ্ড ৰিভাৰ্ছ চাৰ্জিং সমৰ্থন কৰে আৰু বক্সৰ ভিতৰতে নিজা নিজা চাৰ্জিং এডাপ্টৰ আগবঢ়োৱা হয়। স্মাৰ্টফোনকেইটাই শ্বাওমিৰ টাইটান কোৱালিটী মানদণ্ডৰ অধীনত এছজিএছ আৰু টিইউভি ডাবল ফাইভ-ষ্টাৰ কোৱালিটী চাৰ্টিফিকেচন, কৰ্নিং গৰিলা ভিক্টাচ ২ সুৰক্ষা আৰু আইপি৬৬, আইপি৬৮, আইপি৬৯ আৰু আইপি৬৯কে ৰেটিং বহন কৰে।

দুয়োটা মোবাইলতে ৩,৫০০ নিটছ পিক ব্ৰাইটনেছ, ১২০ হাৰ্টজ ৰিফ্ৰেছ ৰেট আৰু টিইউভি ত্ৰিপল আই প্ৰটেকচনৰ সৈতে এটা ৬.৮৩ ইঞ্চিৰ ১.৫কে এমোলেড ছুপাৰ ছানলাইট ডিছপ্লে’ আছে। প্ৰ’ মেক্সত এটা ৫০ মেগাপিক্সেলৰ অ’আইএছ মূল কেমেৰা থকাৰ বিপৰীতে প্ৰ’ মডেলত এটা ৫০ মেগাপিক্সেলৰ অ’আইএছ প্ৰাথমিক কেমেৰা উপলব্ধ। গুৱাহাটী মহানগৰীত এই শুভাৰম্ভণিয়ে ক্ৰমান্বয়ে প্ৰতিযোগিতামূলক হৈ পৰা মিড-ৰেঞ্জ শাখাত আন এক বিকল্প সংযোজিত কৰিছে, বিশেষকৈ সেইসকল গ্ৰাহকৰ বাবে যিসকলে বেটাৰী লাইফ, দীৰ্ঘস্থায়িত্ব, ৫জি সংযোগ আৰু কেমেৰাৰ সামৰ্থ্যক অগ্ৰাধিকাৰ দিয়ে। ৰেডমি নোট ১৭ প্ৰ’ ৫জি ১৭ ছেপ্টেম্বৰৰ পৰা আৰু প্ৰ’ মেক্স ৫জি ২৩ ছেপ্টেম্বৰৰ পৰা mi.com, Amazon.in আৰু শ্বাওমি ৰিটেইলৰ জৰিয়তে বিক্ৰীৰ বাবে উপলব্ধ হ’ব। প্ৰাৰম্ভিক অফাৰসমূহৰ ভিতৰত ৫,০০০ টকালৈকে ইনষ্টেণ্ট বেংক ডিচকাউণ্ট বা যোগ্য কেছবেকৰ লগতে একাধিক ডিজিটেল সুবিধা অন্যতম।