ফিফাৰ প্ৰতিযোগিতা বৰ্জন কৰিব ইউৱেফাই

ইউৱেফাই নিশ্চিত কৰিছে যে ফিফাৰ প্ৰতিযোগিতা সমূহত তেওঁলোকৰ বৰ্জন কাৰ্যসূচী অব্যাহত থাকিব। জিয়ানী ইনফান্টিনো ফুটবলৰ সৰ্বোচ্চ সংস্থা ফিফাৰ সভাপতি হিচাপে বাহাল থকা সত্ত্বে ইউৰোপীয় ফুটবলৰ পৰিচালন সমিতি ইউৱেফাই এই সিদ্ধান্ত গ্ৰহণ কৰিছে। ইউৱেফাৰ ফালৰ পৰা স্পষ্ট কৰি দিয়া হৈছে যে ফিফাৰ বৰ্তমানৰ পৰিচালনা আৰু নীতিৰ প্ৰতি থকা অসন্তুষ্টিৰ বাবেই এই সিদ্ধান্ত গ্ৰহণ কৰা হৈছে। এই বৰ্জনৰ ফলত ইউৰোপৰ ডাঙৰ ডাঙৰ ফুটবল দলসমূহৰ ফিফাৰ প্ৰতিযোগিতাত অংশগ্ৰহণক লৈ অনিশ্চয়তাই দেখা দিছে। ইউৱেফাৰ বিষয়াসকলে জনায় যে ফুটবলৰ স্বাৰ্থত আৰু সঠিক পৰিচালনাৰ বাবে তেওঁলোকৰ এই স্থিতি অপৰিবৰ্তিত থাকিব।

উল্লেখ্য যে ফিফাই তেওঁলোকৰ সভাপতি জিয়ানি ইনফাণ্টিনোৰ ২০ বিলিয়ন ডলাৰৰ এটা বিশেষ বিশ্বকাপ প্ৰস্তাৱত হোৱা ভুলৰ বাবে ক্ষমা বিচাৰিছে। এই প্ৰস্তাৱটোত বিশ্বকাপৰ বাণিজ্যিক অংশ বিক্ৰী কৰাৰ কথা আছিল, যিটো বিশ্ব ফুটবলৰ বিষয়াসকলৰ তীব্ৰ বিৰোধিতাৰ পাছত প্ৰত্যাহাৰ কৰা হয়। মৰক্কোত অনুষ্ঠিত এক সন্মিলনত ফিফাৰ জ্যেষ্ঠ বিষয়াসকলে ইনফাণ্টিনোৰ নেতৃত্বৰ প্ৰতি পুনৰ সম্পূৰ্ণ সমৰ্থন ব্যক্ত কৰে। ফিফাই কয় যে প্ৰক্ৰিয়াটো চম্ভালোঁতে ভুল হৈছিল আৰু এই কামটো বেলেগ ধৰণে কৰিব লাগিছিল।

ফিফাই নিজৰ কাউঞ্চিল আৰু সদস্য সংস্থাসমূহলৈ এখন চিঠি প্ৰেৰণ কৰি আনুষ্ঠানিকভাৱে ক্ষমা খুজিছে। ভৱিষ্যতে যাতে এনে ধৰণৰ ভুল পুনৰ নহয়, তাৰ বাবে সংস্থাটোৱে প্ৰতিশ্ৰুতি দিছে।ইনফাণ্টিনোৱে ‘ফিফা ফৰৱাৰ্ড এণ্টাৰপ্ৰাইজ’ নামৰ এটা বাণিজ্যিক প্ৰতিষ্ঠানৰ জৰিয়তে বিনিয়োগকাৰীৰ পৰা ৪.২ বিলিয়ন ডলাৰ সংগ্ৰহ কৰাৰ পৰিকল্পনা কৰিছিল, যিটো বৰ্তমান বাতিল কৰা হৈছে।