টাটা চ’লফুলে ক্ৰমবৰ্ধমান সুস্থতাৰ বজাৰত লাভ আদায় কৰিবলৈ মুকলি কৰিছে মিলেট মুয়েচলিৰ নতুন পৰিসৰ

টাটা চ’লফুলে ওজন ব্যৱস্থাপনা, প্ৰটিন গ্ৰহণ আৰু আন্ত্ৰিক স্বাস্থ্যৰ সৈতে জড়িত লক্ষ্যভিত্তিক পুষ্টি সেৱা বিচৰা গ্ৰাহকসকলক লক্ষ্য কৰি নতুন আল্টিমেট মিলেট মুয়েচলি ৰেঞ্জ মুকলি কৰি নিজৰ ব্ৰেকফাষ্ট পৰ্টফলিঅ’ৰ সম্প্ৰসাৰণ কৰিছে। কোম্পানীটোৱে মঙলবাৰে ঘোষণা কৰে যে এই নতুন পৰিসৰত তিনিটা ভিন্ন প্ৰকাৰ অন্তৰ্ভুক্ত কৰা হৈছে — ওজন নিয়ন্ত্ৰণৰ লক্ষ্যৰ বাবে টাটা চ’লফুল আল্টিমেট মিলেট মুয়েচলি শ্লিমকেয়াৰ, প্ৰ’টিনৰ লক্ষ্যৰ বাবে আল্টিমেট মিলেট মুয়েচলি হাই-প্ৰ’টিন আৰু অন্ত্ৰৰ স্বাস্থ্যত সহায়ক হোৱাকৈ আল্টিমেট মিলেট মুয়েচলি প্ৰ’বায়’টিক আদি। ভাৰতৰ ক্ৰমবৰ্ধমান মিলেট ভিত্তিক খাদ্য খণ্ডত কোম্পানীটোৱে নিজৰ স্থান শক্তিশালী কৰাৰ বাবে এই সামগ্ৰীসমূহ মূল উপাদান হিচাপে মিলেটক কেন্দ্ৰ কৰি প্ৰস্তুত কৰা হৈছে।

এই শুভাৰম্ভণিৰ সমান্তৰালভাৱে ব্ৰেণ্ডটোৱে দীৰ্ঘম্যাদী সুস্থতাৰ লক্ষ্যত উপনীত হোৱাৰ ক্ষেত্ৰত সামঞ্জস্যপূৰ্ণ দৈনন্দিন পুষ্টিৰ গুৰুত্বৰ ওপৰত আলোকপাত কৰি নিজৰ নতুন অভিযান “মিলেটেৰে আপোনাৰ লক্ষ্য পূৰণ কৰক” উন্মোচন কৰিছে। ইউটিউব, মেটা প্লেটফৰ্ম, প্ৰভাৱশালী সহযোগিতা আৰু ছ’চিয়েল মিডিয়া চেনেলসমূহত ডিজিটেল-প্ৰথম মিডিয়া কৌশলৰ জৰিয়তে এই অভিযান আৰম্ভ হ’ব। কেপিটেল ফুডছ আৰু চ’লফুলৰ পেকেজযুক্ত খাদ্য শাখাৰ অধ্যক্ষা দীপিকা খট্টৰ ভানে এই বিষয়ে কয় যে, গ্ৰাহকে জেনেৰিক স্বাস্থ্যসন্মত খাদ্যাভ্যাসৰ পৰা নিৰ্দিষ্ট জীৱনশৈলীৰ লক্ষ্যৰ সৈতে সংগতি থকা খাদ্যৰ পছন্দলৈ ক্ৰমান্বয়ে স্থানান্তৰিত হৈছে।

স্বাস্থ্যবৰ্ধক ৰাতিপুৱাৰ আহাৰৰ বিকল্প বিচাৰি থকা নগৰীয়া গ্ৰাহকসকলক আকৰ্ষিত কৰিবলৈ পৰম্পৰাগত মিলেট পুষ্টিৰ সৈতে আধুনিক খাদ্যৰ বিন্যাসক একত্ৰিত কৰাৰ টাটা চ’লফুলৰ কৌশলক এই শুভাৰম্ভণিয়ে অধিক শক্তিশালী কৰিলে। গুৱাহাটী মহানগৰীৰ নগৰীয়া পৰিয়ালসমূহৰ মাজত স্বাস্থ্যকৰ পেকেটযুক্ত খাদ্য আৰু মিলেটভিত্তিক সামগ্ৰীৰ বৰ্ধিত চাহিদাই টাটা চ’লফুলৰ দৰে ব্ৰেণ্ডৰ বাবে ন ন সুযোগ সৃষ্টি কৰিব বুলি আশা কৰা হৈছে।  গুৱাহাটীৰ খুচুৰা বিক্ৰেতাসকলে কয় যে প্ৰ’টিন সমৃদ্ধ আৰু অন্ত্ৰৰ অনুকূল খাদ্যৰ বিষয়ে গ্ৰাহকৰ সজাগতা ক্ৰমান্বয়ে বৃদ্ধি পাইছে, বিশেষকৈ যুৱ পেছাদাৰী আৰু স্বাস্থ্য সচেতন ক্ৰেতাসকলৰ মাজত অন্বেষণ বাঢ়িছে।