৩টা নতুন ইউএলটি পাৱাৰ চাউণ্ড পাৰ্টী স্পীকাৰ মুকলি চনী ইণ্ডিয়াৰ, ৩৪,৯৯০ টকাৰ প্ৰাৰম্ভিক মূল্যত উপলব্ধ

চনী ইণ্ডিয়াই তিনিটা দ্বিতীয় প্ৰজন্মৰ পাৰ্টি স্পীকাৰ — ইউএলটি টাৱাৰ ৫, ইউএলটি টাৱাৰ ৭ আৰু ইউএলটি টাৱাৰ মেক্স মুকলি কৰি নিজৰ ইউএলটি পাৱাৰ চাউণ্ড পৰ্টফ’লিঅ’ৰ সম্প্ৰসাৰণ কৰিছে। এই স্পীকাৰসমূহত উন্নত বেছ, আপগ্ৰেডেড লাইটিং চিষ্টেম আৰু ডিজে-কেন্দ্ৰিক সংযোগ ব্যৱস্থা অন্তৰ্ভুক্ত কৰা হৈছে। এই নতুন বিকল্পসমূহ ঘৰৰ ভিতৰৰ সৰু সমাৱেশৰ পৰা আৰম্ভ কৰি ডাঙৰ আউটড’ৰ অনুষ্ঠানলৈকে বিভিন্ন পাৰ্টীৰ পৰিৱেশৰ বাবে উপযোগী হোৱাকৈ ডিজাইন কৰা হৈছে। ইউএলটি টাৱাৰ ৫-এ ৩০০ ৱাট আউটপুট দিয়ে আৰু ই ২০ ঘণ্টালৈকে বেটাৰী লাইফ প্ৰদান কৰে। আনহাতে ইউএলটি টাৱাৰ ৭-এ ৪২০ ৱাট আউটপুট আৰু ৩০ ঘণ্টালৈকে বেটাৰী লাইফ প্ৰদান কৰে। এই দুয়োটা মডেলতে আইপিএক্স৪ পানী প্ৰতিৰোধী, সহজে কঢ়িয়াই নিব পৰা সুবিধা আৰু কাৰাওকে ফাংচন সন্নিৱিষ্ট কৰা হৈছে।

এই শৃংখলাৰ ফ্লেগশ্বিপ মডেল ইউএলটি টাৱাৰ মেক্সে ২,১৫০ ৱাট আউটপুট আৰু ৩৬০ ডিগ্ৰী চাউণ্ড প্ৰদান কৰে, য’ত ৩টা ২৮০ এমএম ৱুফাৰ, ১০০টা এলইডি  আৰু ডিজে তথা পাৰ্টী আয়োজকসকলৰ বাবে সংযোগৰ বিভিন্ন বিকল্প আছে। আন দুটা মডেলৰ বিপৰীতে ইয়াত কোনো ইন-বিল্ট বেটাৰী নাই। বৰ্তমান ইউএলটি টাৱাৰ ৫-ৰ মূল মূল্য ৪৪,৪৯০ টকা, কিন্তু এই মুহূৰ্তত ক্ৰয় কৰিলে ৰেহাই মূল্য হ’ব ৩৪,৯৯০ টকা। আনহাতে ইউএলটি টাৱাৰ ৭ৰ মূল্য ৬৪,৯৯০ টকা, বৰ্তমানৰ ৰেহাই মূল্য হৈছে ৪৯,৯৯০ টকা। এই দুয়োটা মডেল ৮ অক্টোবৰৰ পৰা উপলব্ধ হৈছে। ইউএলটি টাৱাৰ মেক্সৰ মূল্য ১,৭৪,৯৯০ টকা ধাৰ্য কৰা হৈছে, যাৰ অফাৰ মূল্য হ’ল ১,৩৯,৯৯০ টকা আৰু এই মডেলটো ১৫ নৱেম্বৰৰ পৰা উপলব্ধ হ’ব।

শুভাৰম্ভণি অফাৰ হিচাপে ১৫,০০০ টকালৈকে কেচবেক আৰু ইউএলটি টাৱাৰ মেক্সৰ সৈতে ১৯,৯৯০ টকা মূল্যৰ এটা দুটকীয়া ৱায়াৰলেচ মাইক্ৰ’ফোন আগবঢ়োৱা হৈছে। এই স্পীকাৰসমূহ চনী চেণ্টাৰ ষ্ট’ৰকে ধৰি চনীৰ ৰিটেইল আউটলেট আৰু আমাজনৰ জৰিয়তে ক্ৰয় কৰিব পাৰিব।