নতুন ফিছ নাৰসিংহা পাত মছলাৰে অসমৰ আঞ্চলিক খাদ্য বজাৰত প্ৰৱেশ ছানৰাইজ স্পাইচেছৰ

আইটিচি লিমিটেডৰ ছানৰাইজ স্পাইচেছ, পূব ভাৰতৰ অন্যতম আগশাৰীৰ মছলা ব্ৰেণ্ডে অসমত ছানৰাইজ ফিছ নৰসিংহ পাত মছলা মুকলি কৰিছে। অসমীয়া পৰিয়ালসমূহৰ অতি প্ৰিয় এই ব্যঞ্জনটোৱে নৰসিংহ পাতৰ পৰা পোৱা সুকীয়া সোৱাদ আৰু সুবাসৰ বাবে বিশেষ স্থান দখল কৰি আহিছে।
আঞ্চলিক খাদ্যসংস্কৃতিৰ সৈতে গভীৰভাৱে জড়িত ছানৰাইজে সদায় স্থানীয় উপভোক্তাৰ ৰুচি আৰু পছন্দৰ পৰা অনুপ্ৰেৰণা লৈ আহিছে। হাঁহ চালকোমোৰা মছলাৰ দৰে অসম-কেন্দ্ৰিক মছলা মিশ্ৰণৰ পৰা আৰম্ভ কৰি পৰম্পৰাগত মাংসৰ মছলালৈকে, ব্ৰেণ্ডটোৱে অঞ্চলভেদে স্বাদৰ উপযোগী সামগ্ৰী আগবঢ়াইছে। নতুন এই মুকলিয়ে ছানৰাইজৰ অঞ্চল-কেন্দ্ৰিক সম্ভাৰত এক উল্লেখযোগ্য সংযোজন ঘটোৱাৰ লগতে সুচিন্তিত উদ্ভাৱনৰ জৰিয়তে স্থানীয় খাদ্য পৰম্পৰাক উদযাপন কৰাৰ প্ৰতিশ্ৰুতি অধিক দৃঢ় কৰিছে। পৰিয়ালৰ একেলগে বহি খোৱা আহাৰত সঘনাই উপভোগ কৰা ফিছ নৰসিংহ পাত অসমৰ ৰন্ধন ঐতিহ্যৰ এক আপোন অংশ। কিন্তু পৰম্পৰাগত পদ্ধতিত এই ব্যঞ্জন প্ৰস্তুত কৰাটো সময়সাপেক্ষ। সতেজ নৰসিংহ পাত সংগ্ৰহ কৰা, বটি বা পিহি লোৱা আৰু সঠিক অনুপাতত মছলা মিলোৱাত যথেষ্ট যত্ন লাগে। ফলত প্ৰতিবাৰেই একে সোৱাদ আৰু গাঢ়ত্ব বজাই ৰখাটো কঠিন হ’ব পাৰে।
সযতনে প্ৰস্তুত কৰা এই মছলা মিশ্ৰণত পৰম্পৰাগত ৰেচিপিটোৰ চিনাকি সুবাস, উজ্জ্বল সেউজীয়া ৰং আৰু মাটিৰ সোৱাদ একেলগে ধৰা হৈছে। ইয়াৰ সহায়ত উপভোক্তাই ঘৰুৱা পাকঘৰত অধিক সহজে এই ব্যঞ্জন প্ৰস্তুত কৰিব পাৰিব, অথচ ইয়াৰ নিজস্ব আঞ্চলিক সোৱাদ অটুট থাকিব। সতেজ নৰসিংহ পাত সহজে নোপোৱা আৰু ইয়াৰ কম সংৰক্ষণকালৰ সমস্যাও এই মছলাই দূৰ কৰে।
মুকলি অনুষ্ঠানৰ বিষয়ে ছানৰাইজ স্পাইচেছ, ফুডছ ডিভিজন, আইটিচি লিমিটেডৰ বিজনেছ হেড পীয়ূষ মিশ্ৰই কয়, “ফিছ নৰসিংহ পাত অসমীয়া খাদ্যসংস্কৃতিৰ সৈতে গভীৰভাৱে জড়িত আৰু ইয়াৰ অনন্য সোৱাদ আৰু সুবাসৰ বাবে প্ৰজন্মৰ পাছত প্ৰজন্ম ধৰি উপভোগ কৰি অহা হৈছে। কিন্তু পৰম্পৰাগতভাৱে এই ব্যঞ্জন প্ৰস্তুত কৰাটো সময়সাপেক্ষ আৰু কিছু জটিল, বিশেষকৈ সতেজ নৰসিংহ পাত সংগ্ৰহ আৰু পিহি লোৱাৰ লগতে মছলাৰ সঠিক সামঞ্জস্য বজাই ৰখাত যথেষ্ট পৰিশ্ৰম লাগে। এই মুকলিৰ জৰিয়তে ছানৰাইজে অসমৰ সমৃদ্ধ ৰন্ধন পৰম্পৰাক সন্মান, সংৰক্ষণ আৰু আগুৱাই নিয়াৰ লক্ষ্য লৈছে। ব্যৱহাৰৰ বাবে সাজু এই মছলাই আধুনিক জীৱনশৈলীৰ সৈতে সহজে খাপ খুৱাই প্ৰামাণিক আঞ্চলিক সোৱাদ আগবঢ়াব, যাতে উপভোক্তাই অধিক সহজে আৰু সুবিধাজনকভাৱে এই জনপ্ৰিয় ব্যঞ্জন উপভোগ কৰিব পাৰে।”
ছানৰাইজ ফিছ নৰসিংহ পাত মছলা অসমৰ খুচুৰা বিপণীসমূহত ১৩ গ্ৰামৰ পেকেট মাত্ৰ ১০ টকাত উপলব্ধ হ’ব।