টিভিএছ মটৰৰ উদ্যোগত পৰিৱেশ সম্পৰ্কীয় কৰ্মশালা, প্ৰকৃতি-কেন্দ্ৰিক বহনক্ষমতা প্ৰতিবেদন প্ৰকাশ

টিভিএছ মটৰ কোম্পানীয়ে  প্ৰকৃতি-অনুকূল আৰু জলবায়ু-সহনশীল ব্যৱসায়িক বিকাশৰ সন্দৰ্ভত আলোচনা কৰাৰ উদ্দেশ্যে ২০২৬ চনৰ বিশ্ব পৰিৱেশ দিৱসত এক বহু-অংশীদাৰী কৰ্মশালাৰ আয়োজন কৰে। এই কৰ্মশালাত উদ্যোগ জগতৰ নেতৃবৃন্দ, নীতি নিৰ্ধাৰক, শিক্ষাবিদ আৰু বহনক্ষমতা বিশেষজ্ঞসকল একত্ৰিত হয়। বেংগালুৰুৰ আনেকালত অৱস্থিত টিভিএছ ইনষ্টিটিউট ফৰ কোৱালিটি এণ্ড লিডাৰশ্বিপত ৰাষ্ট্ৰসংঘৰ গ্লবেল কম্পেক্ট নেটৱৰ্ক ইণ্ডিয়াৰ সহযোগত এই অনুষ্ঠানটোৰ আয়োজন কৰা হয়। এইবাৰৰ কৰ্মশালাৰ মূল বিষয়বস্তু  আছিল— প্ৰকৃতিৰ দ্বাৰা অনুপ্ৰাণিত। জলবায়ুৰ বাবে। আমাৰ ভৱিষ্যতৰ বাবে।”

এই কৰ্মশালাত কৰ্ণাটকৰ গ্ৰামোন্নয়ন আৰু পঞ্চায়ত বিভাগৰ মন্ত্ৰী ঈশ্বৰ বি খাণ্ড্ৰে, ৰাষ্ট্ৰসংঘৰ গ্লবেল কম্পেক্ট নেটৱৰ্ক ইণ্ডিয়াৰ কাৰ্যবাহী সঞ্চালক ৰত্নেশ ঝা, টেৰিৰ সঞ্চালক প্ৰধান ড° বিভা ধাৱান, পিডব্লিউচি আৰু টেৰি স্কুল অৱ এডভান্সড ষ্টাডিজৰ প্ৰতিনিধিৰ লগতে বিভিন্ন উদ্যোগৰ জ্যেষ্ঠ বহনক্ষমতা নেতৃবৃন্দ উপস্থিত থাকে। অনুষ্ঠানৰ সময়ছোৱাত টিভিএছ মটৰে পিডব্লিউচি আৰু টেৰী স্কুল অৱ এডভান্সড ষ্টাডিজৰ সৈতে যুটীয়াভাৱে প্ৰস্তুত কৰা ভাৰতত এক কৌশলগত ব্যৱসায়িক প্ৰয়োজনীয়তা হিচাপে প্ৰকৃতিৰ মূলধন শীৰ্ষক এখন শ্বেতপত্ৰও প্ৰকাশ কৰে। এই পত্ৰখনত ব্যৱসায়িক স্থিতিস্থাপকতা আৰু দীৰ্ঘম্যাদী মূল্য সৃষ্টিৰ ক্ষেত্ৰত পানী, জৈৱ-বৈচিত্ৰ্য, মাটিৰ অৱস্থা আৰু জলবায়ু নিয়ন্ত্ৰণৰ দৰে পৰিস্থিতিতন্ত্ৰ সেৱাসমূহৰ ভূমিকা পৰীক্ষা কৰা হৈছে।

ইয়াৰ লগতে প্ৰতিষ্ঠানটোৱে নিজৰ প্ৰথমটো টাস্কফৰ্চ অন নেচাৰ-ৰিলেটেড ফাইনেন্সিয়েল ডিচক্ৰ’জাৰ্ছ (টিএনএফডি) সংগতিপূৰ্ণ প্ৰতিবেদন “প্ৰকৃতিৰ সৈতে সম্প্ৰীতিৰ গতিশীলতা” প্ৰকাশ কৰে। ইয়াৰ লগে লগে টিভিএছ মটৰ এই ফ্ৰেমৱৰ্ক গ্ৰহণ কৰা ভাৰতৰ প্ৰথমসমূহ অটোমটাইল প্ৰতিষ্ঠানসমূহৰ ভিতৰত অন্যতম হৈ পৰিল। টিভিএছ মটৰে জানিবলৈ দিয়ে যে এই প্ৰতিবেদনে ব্যৱসায়িক সিদ্ধান্ত গ্ৰহণৰ ক্ষেত্ৰত প্ৰকৃতি সম্পৰ্কীয় বিপদাশংকা আৰু সুযোগসমূহক একত্ৰিত কৰাৰ প্ৰচেষ্টাক প্ৰতিফলিত কৰে।কোম্পানীটোৱে নিজৰ বহনক্ষমতাৰ সাফল্যসমূহো দাঙি ধৰে, যাৰ ভিতৰত আছে ভাৰতৰ তিনিটা প্ৰকল্পই জিৰ’ ৱেষ্ট টু লেণ্ডফিল  আৰু নেট ৱাটাৰ পজিটিভ মৰ্যাদা লাভ কৰা, ভাৰতীয় কাৰ্য-কলাপত প্ৰায় ৯৭ শতাংশ নৱীকৰণযোগ্য শক্তিৰ ব্যৱহাৰ, আৰু বৈদ্যুতিক গতিশীলতা, পুনৰ ব্যৱহাৰ তথা বৃত্তাকাৰ অৰ্থনীতিৰ পদক্ষেপসমূহত অবিৰত ধাৰাবাহিক বিনিয়োগ।