এইচপিচিএলে দেশজুৰি যোগানৰ পৰিসৰ বৃদ্ধিৰ লগতে শক্তিশালী কৰিছে সতৰ্কতা

হিন্দুস্তান পেট্ৰলিয়াম কৰ্পৰেচন লিমিটেড(এইচপিচিএল)-এ এলপিজি আৰু ইন্ধন যোগানৰ চাহিদা বৃদ্ধিৰ সমান্তৰালভাৱে সমগ্ৰ দেশতে নিজৰ সতৰ্কতা আৰু নিৰীক্ষণ কাঠামো শক্তিশালী কৰিছে বুলি বৃহস্পতিবাৰে প্ৰকাশ কৰে। এইচপিচিএলৰ তথ্য অনুসৰি ২০২৬ চনৰ ১ এপ্ৰিলৰ পৰা ২৯ এপ্ৰিলৰ ভিতৰত কোম্পানীটোৱে দেশজুৰি ৩৬২ লাখ এলপিজি চিলিণ্ডাৰ ডেলিভাৰী কৰিছিল, য’ত কেৱল ২৯ এপ্ৰিলত ১২.৭ লাখ চিলিণ্ডাৰ আছিল। বৃহৎ পৰিসৰৰ বিতৰণ নেটৱৰ্কক সহায় কৰিবলৈ এইচপিচিএলে এই সময়ছোৱাত ২,১৬,৫০৭খন টেংকাৰ প্ৰেৰণ কৰিছিল, য’ত এদিনতে ৯,৫২২খন টেংকাৰো আছিল। এই সময়ছোৱাত কোম্পানীটোৱে ১২,০২,৬৯৪ কেএল মটৰ স্পিৰিট (পেট্ৰ’ল) আৰু ২০,৭৮,৭৫৬ কেএল হাই-স্পীড ডিজেল বিক্ৰীৰ কথা সদৰি কৰিছে, যিয়ে বিভিন্ন শিতানৰ মাজত সুস্থিৰ ইন্ধন যোগান ব্যৱস্থাৰ ইংগিত দিয়ে।

এইচপিচিএলে বলৱৎকাৰী অভিযানৰ অংশ হিচাপে ১৪ মাৰ্চৰ পৰা ২৯ এপ্ৰিলৰ ভিতৰত সমগ্ৰ এলপিজি বিতৰণ নেটৱৰ্কত ৬,২১৭ বাৰ পৰিদৰ্শন চলাইছিল যাতে কাৰ্যকৰী আৰু সুৰক্ষাৰ মানদণ্ড মানি চলাটো নিশ্চিত কৰিব পৰা যায়। কোম্পানীটোৱে বিতৰকসকলৰ বিৰুদ্ধে ১৭৩টা ব্যৱস্থা গ্ৰহণ কৰিছিল, কথিত অনিয়মৰ বাবে ৩৪গৰাকীক নিলম্বন কৰা হৈছিল।  এইচপিচিএলে জনোৱা অনুসৰি দেশৰ বিভিন্ন প্ৰান্তত ৬৬৪ বাৰ অভিযান চলোৱাৰ লগতে ৪৪টা গোচৰ পঞ্জীয়ন কৰা হয় আৰু অন্য পথলৈ হস্তান্তৰ, জমা কৰা আৰু অকৰ্তৃত্বশীল বিক্ৰীৰ সৈতে জড়িত ঘটনাত ৪১৫৫টা এলপিজি চিলিণ্ডাৰ জব্দ কৰা হয়।

কোম্পানীটোৱে লগতে কয় যে এতিয়া ৯৯.৩ শতাংশ এলপিজি বুকিং অনলাইনযোগে কৰা হৈছে, যাৰ ফলত যোগান শৃংখলত স্বচ্ছতা আৰু বাস্তৱ সময়ৰ অনুসৰণ উন্নত হৈছে। এইচপিচিএলে কম আয়ৰ পৰিয়াল আৰু প্ৰব্ৰজিত শ্ৰমিকক সহায় কৰাৰ লক্ষ্যৰে ৫ কেজি চিলিণ্ডাৰৰ ৭,৬৮,৮৯২ ইউনিট আৰু ২ কেজি চিলিণ্ডাৰৰ ২৬,৯১৬ ইউনিট বিক্ৰীৰে অভিলেখ গঢ়িছে।