২০২৬ চনৰ মে’ মাহত ২,৯৪৮খন পাইকাৰী বিক্ৰীৰে ১১৮% ঘৰুৱা বৃদ্ধি অব্যাহত ৰাখিছে নিছান মটৰ ইণ্ডিয়াই

নিছান মটৰ ইণ্ডিয়া প্ৰাইভেট লিমিটেড(এনএমআইপিএল)-এ আজি নিজৰ বিক্ৰীৰ প্ৰদৰ্শন ঘোষণা কৰি ২০২৬ চনৰ মে’ মাহত ঘৰুৱা বিক্ৰীৰ ক্ষেত্ৰত বছৰি ১১৮% শক্তিশালী বিকাশ লাভ কৰাৰ কথা প্ৰকাশ কৰিছে। কোম্পানীটোৱে ২০২৬ চনৰ মে’ মাহত ২,৯৪৮খন ঘৰুৱা পাইকাৰী বিক্ৰী কৰিবলৈ সক্ষম হৈছে। এই মাহত ৰপ্তানিৰ পৰিমাণ আছিল ৫,০২৩খন বাহন, যাৰ ফলত সৰ্বমুঠ পাইকাৰী বিক্ৰী ৭,৯৭১খন হৈছেগৈ। ই নিছান মটৰ ইণ্ডিয়াৰ বাবে ক্ৰমাগত তৃতীয়টো বৰ্ষভিত্তিক ঘৰুৱা বিকাশক চিহ্নিত কৰিছে, যিয়ে ভাৰতীয় বজাৰত কোম্পানীটোৰ ধাৰাবাহিক গতিশীলতাক অধিক শক্তিশালী কৰি তুলিছে।

নিছান মটৰ ইণ্ডিয়া প্ৰাইভেট লিমিটেডৰ পৰিচালন সঞ্চালক সৌৰভ বৎসই এই প্ৰদৰ্শন সন্দৰ্ভত মন্তব্য কৰি কয় যে, “ঘৰুৱা বিক্ৰীৰ ক্ষেত্ৰত আমাৰ ক্ৰমাগত তৃতীয়টো বৰ্ষভিত্তিক বিকাশ হ’ল গ্ৰাহকে নিছানৰ ওপৰত ধাৰাবাহিকভাৱে ৰখা বিশ্বাসৰ এক উৎসাহজনক প্ৰতিফলন। সম্পূৰ্ণ নতুন নিছান গ্ৰেভাইটৰ প্ৰতি লাভ কৰা সঁহাৰি আৰু ইয়াৰ লগতে আমাৰ চিএনজি বাহনসমূহৰ ক্ৰমবৰ্ধমান গ্ৰহণযোগ্যতাকে ধৰি নিছান মেগনাইটৰ ধাৰাবাহিক শক্তিয়ে আমাক আমাৰ ভাৰতীয় কৌশলৰ ওপৰত আত্মবিশ্বাস প্ৰদান কৰিছে। আমি যিহেতু নিছান টেক্টনৰ বিশ্ব প্ৰিমিয়াৰৰ বাবে সাজু হৈছোঁ, আমাৰ মনোযোগ সমগ্ৰ দেশজুৰি আমাৰ নেটৱৰ্কৰ পৰিসৰ বৃদ্ধি কৰা, উপলব্ধতা সহজসাধ্য কৰা আৰু গ্ৰাহকক এক অধিক শক্তিশালী অভিজ্ঞতা প্ৰদান কৰাৰ ওপৰত অটুট আছে।“

সম্পূৰ্ণ নতুন নিছান গ্ৰেভাইটৰ প্ৰতি লাভ কৰা সবল বজাৰ সঁহাৰিৰ দ্বাৰা সমৰ্থিত হৈ নিছানৰ ভাৰতীয় বাহন সূচীৰ প্ৰতি গ্ৰাহকৰ আগ্ৰহ উৎসাহজনক হৈয়েই আছে। নতুন নিছান মেগনাইট ভাৰতত নিছানৰ বাবে এটা মুখ্য স্তম্ভ হৈয়েই আছে, যিয়ে প্ৰতিযোগিতামূলক সংপৃক্ত এছইউভি খণ্ডত ব্ৰেণ্ডটোৰ উপস্থিতিক অধিক সুদৃঢ় কৰিছে আৰু মুখ্য বজাৰসমূহত ধাৰাবাহিক গ্ৰাহক সম্পৰ্কত অৰিহণা যোগাইছে।নিছান মটৰ ইণ্ডিয়াই নিছান টেক্টনৰ ৱৰ্ল্ড প্ৰিমিয়াৰৰ বাবেও সাজু হৈছে, যিয়ে ব্ৰেণ্ডটোৰ ভাৰতৰ বিকাশৰ যাত্ৰাত এক গুৰুত্বপূৰ্ণ মাইলৰ খুঁটি চিহ্নিত কৰিব। এই আগন্তুক প্ৰিমিয়াৰে নিছানৰ নিজৰ প্ৰডাক্ট পৰ্টফ’লিঅ’ সম্প্ৰসাৰণ কৰা আৰু বিশ্বৰ অন্যতম গতিশীল অটোম’টিভ বজাৰত নিজৰ উপস্থিতি শক্তিশালী কৰাৰ ওপৰত থকা মনোযোগক প্ৰতিফলিত কৰে।