বংগোপসাগৰৰ পৰা অন্ধ্ৰপ্ৰদেশৰ উপকূলৰ দিশে আগবাঢ়িছে ঘূৰ্ণীবতাহ ‘অৰ্ণৱ’

দক্ষিণ-পূব বংগোপসাগৰত উৎপন্ন হোৱা নিম্নচাপ আজি অৰ্থাৎ সোমবাৰৰ ভিতৰত তীব্ৰতৰ হৈ ঘূৰ্ণীবতাহলৈ পৰিণত হোৱাৰ সম্ভাৱনা আছে ৷ বংগোপসাগৰত ঘূৰ্ণীবতাহ শক্তিশালী হোৱাৰ লগে লগে অহা সোমবাৰে দক্ষিণ ভাৰতৰ বহু ঠাইত বৰষুণৰ সম্ভাৱনা আছে ৷তামিলনাডু আৰু কেৰালাৰ কিছু অংশত বৰষুণ আৰু ধুমুহাৰ আশংকা ব্যক্ত কৰা হৈছে ৷ প্ৰচণ্ড বতাহ আৰু তীব্ৰ ঢৌৱে উপকূলীয় অঞ্চল, মাছমৰীয়া আৰু সাগৰীয় কাৰ্যকলাপৰ প্ৰতি ভাবুকি কঢ়িয়াই অনাৰো সম্ভাৱনা আছে ৷ভাৰতৰ বতৰ বিজ্ঞান বিভাগৰ তথ্য অনুসৰি ২৬ অক্টোবৰৰ ভিতৰত বংগৰ পূব-মধ্য আৰু ইয়াৰ কাষৰীয়া দক্ষিণ-পূব উপসাগৰৰ নিম্নচাপ তীব্ৰতৰ হৈ ঘূৰ্ণীবতাহৰ ধুমুহালৈ পৰিণত হোৱাৰ পূৰ্ণ সম্ভাৱনা আছে ৷ এই ঘূৰ্ণীবতাহ ভাৰত উপকূলৰ দিশে আগবাঢ়ি যোৱাৰ লগে লগে ২৭ অক্টোবৰৰ পুৱালৈকে ই তীব্ৰ ঘূৰ্ণীবতাহৰ ধুমুহাৰ ৰূপ ল’ব ।বতাহৰ গতিবেগ ঘণ্টাত ১১৫-১২৫ কিলোমিটাৰ হোৱাৰ সম্ভাৱনা আছে, ঘণ্টাত ১৪০ কিলোমিটাৰ পৰ্যন্ত ধুমুহা ব’ব ৷ এই প্ৰচণ্ড বতাহে ঘৰ-দুৱাৰৰ ক্ষতিসাধন কৰিব পাৰে, গছ-গছনি আৰু বিদ্যুতৰ খুঁটা উভালি পেলাব পাৰে, পথ আৰু ৰে’ল সেৱাত ব্যাঘাত জন্মাব পাৰে ৷