ভাৰততে অনুষ্ঠিত হ’ব আই পি এল: অধ্যক্ষ অৰুণ ধুমল

ইণ্ডিয়ান চুপাৰ লীগৰ (আই পি এল) অধ্যক্ষ অৰুণ ধুমলে ১৯ এপ্ৰিলৰ পৰা ১ জুনৰ ভিতৰত অনুষ্ঠিত হ’বলগীয়া সাধাৰণ নিৰ্বাচনৰ বাবে প্ৰতিযোগিতাখন ইউএইলৈ স্থানান্তৰিত কৰা হ’ব বুলি কৰা আশংকা খাৰিজ কৰে। নিৰ্বাচনসমূহ সাতটা পৰ্যায়ত অনুষ্ঠিত হ’ব আৰু অনুমান কৰা হৈছে যে লীগটো ইউ.এ.ই.লৈ স্থানান্তৰিত কৰা হ’ব আৰু ছ’চিয়েল মিডিয়াত চৰ্চা চলি আছিল যে খেলুৱৈসকলক তেওঁলোকৰ পাছপোৰ্ট সংশ্লিষ্ট ফ্ৰেঞ্চাইজিৰ ওচৰত জমা দিবলৈ কোৱা হৈছে।

অৱশ্যে ধুমলে এনে ধৰণৰ অনুমানক সম্পূৰ্ণৰূপে খাৰিজ কৰে। তেওঁ কয় যে আই পি এল ক’তো স্থানান্তৰ কৰা হোৱা নাই। প্ৰতিযোগিতাৰ বাকী সময়সূচী সোনকালেই ঘোষণা কৰা হ’ব।  আই পি এলৰ অনুসূচীৰ প্ৰথম দুসপ্তাহ মুকলি কৰা হৈছে। প্ৰথমখন খেল ২২ মাৰ্চত চেন্নাইত ডিফেণ্ডিং চেম্পিয়ন চেন্নাই চুপাৰ কিংছ আৰু ৰয়েল চেলেঞ্জাৰ্ছ বাংগালোৰৰ মাজত অনুষ্ঠিত হ’ব।

বিচিচিআইৰ সচিব জয় শ্বাহে আগতে স্পষ্ট কৰি দিছিল যে সমগ্ৰ আই পি এল ভাৰতত খেলা হ’ব, ঠিক যেনেদৰে ২০১৯ চনত যোৱা লোকসভা নিৰ্বাচনৰ সময়ত হৈছিল। তেওঁ কেৱল নিৰ্বাচন আয়োগে নিৰ্বাচনৰ তাৰিখ ঘোষণা কৰাৰ বাবে অপেক্ষা কৰি আছিল। অৱশ্যে ইয়াৰ পূৰ্বে ২০১৪ চনৰ সাধাৰণ নিৰ্বাচনৰ সময়ত ইউপিএ চৰকাৰ শাসনত থকাৰ সময়ত লীগটো দেশৰ বাহিৰলৈ স্থানান্তৰিত কৰা হৈছিল। প্ৰথম লেগটো সংযুক্ত আৰৱ আমিৰাত খেলা হৈছিল আৰু দ্বিতীয় লেগটো ভাৰতত অনুষ্ঠিত হৈছিল।