একাধিক অপহৰণৰ পিছত ইৰাণত ভুৱা চাকৰিৰ প্ৰস্তাৱৰ বিৰুদ্ধে ভাৰতে এডভাইজাৰী জাৰি কৰিছে

ভাৰত চৰকাৰে ইৰানত চাকৰি বিচৰা ভাৰতীয় নাগৰিকসকলৰ বাবে এক পৰামৰ্শ জাৰি কৰিছে, শেহতীয়াকৈ কেইবাটাও ঘটনা সংঘটিত হৈছিল, য’ত নাগৰিকসকলক ভুৱা তথ্যৰে প্ৰলোভিত কৰা হৈছিল আৰু পিছত আবদ্ধ কৰা হৈছিল। এক বিবৃতিত বৈদেশিক পৰিক্ৰমা মন্ত্ৰালয়ে কয় যে, “শেহতীয়াকৈ ভাৰতীয় নাগৰিকক কৰ্মসংস্থাপনৰ মিছা প্ৰতিশ্ৰুতি আৰু নিয়োগৰ বাবে তৃতীয় দেশলৈ পঠোৱা হ’ব বুলি আশ্বাস দি ইৰানলৈ যাবলৈ প্ৰলোভিত কৰা হৈছে।”

মন্ত্ৰালয়ে লগতে উল্লেখ কৰে যে ইৰানত উপস্থিত হোৱাৰ লগে লগে এই ব্যক্তিসকলৰ বহুজনক অপৰাধী গোটে অপহৰণ কৰিছিল, পিছত তেওঁলোকক মুক্তিৰ বাবে মুক্তিপণ দাবী কৰিছিল।এই সতৰ্কবাণীত বিশেষকৈ ইৰানত চাকৰিৰ বাবে ভিছাবিহীন প্ৰৱেশৰ দাবী কৰা অফাৰৰ ক্ষেত্ৰত ভাৰতীয় নাগৰিকসকলক সৰ্বোচ্চ সাৱধানতা অৱলম্বন কৰিবলৈ আহ্বান জনাইছে।  ইয়াত কোৱা হৈছে, “এই সন্দৰ্ভত, সকলো ভাৰতীয় নাগৰিকক এনে নিয়োগৰ প্ৰতিশ্ৰুতি বা অফাৰ ক্ষেত্ৰত কঠোৰ সতৰ্কতা অৱলম্বন কৰিবলৈ সতৰ্ক কৰি দিয়া হৈছে।

মন কৰিবলগীয়া যে, ইৰান চৰকাৰে ভাৰতীয়সকলক কেৱল পৰ্যটনৰ উদ্দেশ্যেহে ভিছা-মুক্ত প্ৰৱেশৰ অনুমতি দিয়ে। চাকৰি বা অন্য উদ্দেশ্যৰ বাবে ইৰানত ভিছা-মুক্ত প্ৰৱেশৰ প্ৰতিশ্ৰুতি দিয়া যিকোনো এজেণ্ট অপৰাধী দলৰ সৈতে জড়িত হ’ব পাৰে।  সেয়েহে ভাৰতীয় নাগৰিকসকলক এনে অফাৰৰ বলি নহ’বলৈ পৰামৰ্শ দিয়া হৈছে।”  ভাৰত চৰকাৰে এই ক্ষেত্ৰত গুৰুত্ব আৰোপ কৰি কয় যে, বিদেশত থকা ভাৰতীয় নাগৰিকসকলৰ সুৰক্ষাৰ ওপৰত সৰ্বোচ্চ অগ্ৰাধিকাৰ অব্যাহত ৰাখিছে আৰু ভাৰতীয়সকলৰ স্বাৰ্থ সুৰক্ষিত কৰিবলৈ পৰিস্থিতি নিবিড়ভাৱে নিৰীক্ষণ কৰি আছে।