২০২৪ত ভাৰতৰ জিডিপিত ২১.১৫ ট্ৰিলিয়ন টকাৰ অৰিহণা যোগাব পৰ্যটন খণ্ডই

অৰ্থনৈতিক বিকাশ আৰু সাংস্কৃতিক বিনিময়ৰ প্ৰচাৰত পৰ্যটনৰ গুৰুত্বপূৰ্ণ ভূমিকাৰ ওপৰত আলোকপাত কৰিবলৈ প্ৰতি বছৰে ২৭ ছেপ্টেম্বৰত বিশ্ব পৰ্যটন দিৱস পালন কৰা হয়। এই দিৱসৰ উদ্দেশ্য হৈছে সকলোৰে বাবে দায়িত্বশীল, বহনক্ষম আৰু সুলভ পৰ্যটনক উৎসাহিত কৰা। ১৯৮০ চনত ৰাষ্ট্ৰসংঘৰ বিশ্ব পৰ্যটন সংস্থাই (ইউএনডব্লিউটিঅ’) আৰম্ভ কৰিছিল এই অভিযান। অৰ্থনৈতিক বিকাশত ইয়াৰ ভূমিকাৰ বাবে পৰ্যটনক প্ৰায়ে স্বীকৃতি দিয়া হয়। সমগ্ৰ বিশ্বতে য’ত ৰাষ্ট্ৰসমূহ আন্তঃসংযোগযুক্ত আৰু ইজনে সিজনৰ ওপৰত নিৰ্ভৰশীল, পৰ্যটন হৈছে মানুহৰ দ্বাৰা আৰু মানুহৰ বাবে সৃষ্টি কৰা এক উদ্যোগ।
পৰ্যটনক আনৰ সংস্কৃতি জনা আৰু বুজাৰ প্ৰতীক বুলি গণ্য কৰা হয়। পৰ্যটনে বিদেশী ভাষা শুনিবলৈ, বিদেশী ফ্লেভাৰৰ সোৱাদ লোৱাত, আন লোকৰ সৈতে সম্পৰ্ক গঢ়ি তোলাত আৰু সহনশীলতা গঢ়ি তোলাত সহায় কৰে। যোৱা কেইবছৰমানত ভাৰতৰ পৰ্যটন উদ্যোগ যথেষ্ট বৃদ্ধি পাইছে। পৰ্যটন খণ্ডই ২০২৪ চনত ভাৰতৰ মুঠ ঘৰুৱা উৎপাদনত (জিডিপি) ২১.১৫ ট্ৰিলিয়ন টকাৰ অধিক অৰিহণা যোগাব বুলি আশা কৰা হৈছে। এইটোৱে আগৰ বছৰবোৰৰ তুলনাত এক গুৰুত্বপূৰ্ণ বৃদ্ধি দেখুৱায়। ভাৰত চৰকাৰৰ পৰ্যটন মন্ত্ৰালয়ৰ ২০২৩-২৪ বৰ্ষৰ বাৰ্ষিক প্ৰতিবেদন অনুসৰি ভাৰতত ৯২.৪ লাখ বিদেশী পৰ্যটক আহিছিল, যি ২০২২ তুলনাত ৪৩.৫ শতাংশ অধিক। বৈদেশিক মুদ্ৰা উপাৰ্জন (এফইই) ২,৩১,৯২৭ কোটি টকা, যি ২০২৩ চনৰ তুলনাত ৬৫.৭৪ শতাংশ অধিক। ঘৰুৱা পৰ্যটনৰ ক্ষেত্ৰত ভাৰতে ২০২২ চনত ১৭৩.১০১ কোটি ঘৰুৱা পৰ্যটক ভ্ৰমণ পঞ্জীভূত কৰিছিল, যি মহামাৰীৰ পিছত উদ্যোগটোক পুনৰুজ্জীৱিত কৰাত সহায় কৰিছিল।