মহিলাই অধিক বিষ অনুভৱ কৰে: বৈজ্ঞানিক গৱেষণাৰ তথ্য

বহু পুৰুষে নিজৰকেই ‘শক্তিশালী’ বুলি প্ৰমাণ কৰিবলৈ চেষ্টা কৰে, আৰু মহিলাক ‘দুৰ্বল’ বুলি আখ্যা দিয়া সমাজত বহু পুৰণি ধাৰণা। কিন্তু এই বিষয়টো লৈ বিজ্ঞান কি কয়, সেইটো জানিলে বহুতে হয়তো নিজৰ মত সলনি কৰিব পাৰে।

বিভিন্ন গৱেষণাত পোৱা গৈছে যে, শাৰীৰিক বিষৰ অনুভুতি মহিলাৰ মাজত তুলনামূলকভাৱে অধিক। যদিও এই কথা শুনি বহুতে আচৰিত হ’ব পাৰে, কিন্তু ইয়াৰ পিছত আছে জৈৱিক, স্নায়ুবৈজ্ঞানিক আৰু সামাজিক বহুতো কাৰণ।

বিষ অনুভৱৰ প্ৰক্ৰিয়াটো শৰীৰৰ কোনো এটা অংশত আঘাত লাগি আৰম্ভ হয়। সেই আঘাতৰ সংকেত স্নায়ুতন্ত্ৰৰ জৰিয়তে মগজুলৈ যায়, আৰু মগজুৱে সেই সংকেত বিশ্লেষণ কৰি বিষৰ অনুভুতি সৃষ্টি কৰে। এই সমগ্ৰ প্ৰক্ৰিয়াত মহিলা আৰু পুৰুষৰ মাজত কিছুমান গুৰুত্বপূৰ্ণ পাৰ্থক্য থাকে।

গৱেষকসকলে কয় যে, হৰমোন এই পাৰ্থক্যৰ অন্যতম মূল কাৰণ। পুৰুষৰ শৰীৰত থকাৰ টেষ্টষ্ট’ষ্টেৰন নামৰ হৰমোনে বিষ সহ্য কৰিবলৈ সহায় কৰে। এইটো প্ৰাকৃতিক পেইনকিলাৰৰ দৰে কাম কৰে। আনফালে, মহিলাৰ শৰীৰত থকা ইষ্ট্ৰ’জেন হৰমোনে বিষৰ তীব্ৰতা বঢ়াই দিব পাৰে। বিশেষকৈ ঋতুচক্ৰৰ বিভিন্ন পৰ্যায়ত ইষ্ট্ৰ’জেনৰ পৰিমাণ উঠা-নমাৰ বাবে বিষৰ অনুভৱো সময়-সময়ত সলনি হ’ব পাৰে।

মহিলা আৰু পুৰুষৰ মগজুৰ গঠন আৰু কাৰ্যপদ্ধতিতো পাৰ্থক্য আছে। ‘ব্ৰেইন ইমেজিং’ গৱেষণাত দেখা গৈছে যে, মহিলাৰ ক্ষেত্ৰত বিষৰ সংকেত মগজুৰ এনে এটা অংশ উত্তেজিত কৰে যি আবেগৰ সৈতে জড়িত। ফলস্বৰূপ, মহিলাই কেৱল শাৰীৰিক নয়, মানসিক কষ্টো বেছি অনুভৱ কৰে।

আংকিক তথ্য অনুসৰি, দীঘলীয়া বিষ-সম্পৰ্কীয় ৰোগ যেনে মাইগ্ৰেইন, ফাইব্ৰ’মায়ালজিয়া, বা ৰিউমাটয়েড আৰ্থ্ৰাইটিছত মহিলাৰ আক্ৰান্ত হোৱাৰ হাৰ বহুত বেছি। পৃথিৱীজুৰি কৰা বিভিন্ন অধ্যয়নত পোৱা গৈছে যে, পুৰুষৰ তুলনাত মহিলাই প্ৰায় দুগুণ হাৰত এই ধৰণৰ ৰোগত ভুগে। এই পাৰ্থক্যৰ পিছতো হৰমোন আৰু জেনেটিক কাৰণক দায়ী কৰা হৈছে।

কিন্তু বিষৰ অনুভুতি কেৱল শাৰীৰিক দৃষ্টিকোণৰ পৰা নহয়, সামাজিক আৰু মনস্তাত্ত্বিক দিশৰ পৰা এতিয়াও গুৰুত্বপূৰ্ণ। সৰুৰে পৰা পুৰুষসকলক শিকোৱা হয় যে ছোৱালাই কান্দা নালাগে, তেওঁলোকে বিষ সহ্য কৰিব লাগে। ফলস্বৰূপ বহু পুৰুষে নিজৰ কষ্ট প্ৰকাশ নকৰে বা সংকোচ অনুভৱ কৰে। আনফালে, মহিলাসকলে আবেগ প্ৰকাশ কৰাত তুলনামূলকভাৱে মুক্ত, যাৰ ফলত বিষৰ ক্ষেত্ৰতো তেওঁলোকে অধিক প্ৰকাশ কৰে।

কানাডাৰ টৰ’ণ্ট’ বিশ্ববিদ্যালয়ৰ এটা গৱেষণাত দেখা গৈছে যে, পুৰুষে বিষৰ স্মৃতি দীঘলীয়া সময়লৈকে মনত ৰাখে আৰু সেই পৰিস্থিতিত পুনৰ নাপৰিবলৈ চায়। তুলনাত মহিলাই সেই কষ্ট তাড়াতাড়ি পাহৰি যায়।

তথাপি এইৰ অৰ্থ এইটো নহয় যে পুৰুষে বিষ অনুভৱ নকৰে, বা মহিলাই সহজেই কাতৰ হৈ পৰে। বিষ এটা সম্পূৰ্ণ ব্যক্তিগত অনুভূতি, আৰু ই ব্যক্তিভেদে সলনি হ’ব পাৰে। কিন্তু সামগ্ৰিকভাৱে বিচাৰ কৰিলে দেখা যায় যে, মহিলাই শাৰীৰিক আৰু মানসিকভাৱে বিষ অধিক তীব্ৰভাৱে অনুভৱ কৰে।

সেয়ে, ভবিষ্যতে যদি কোনো মহিলা সৰু আঘাতত অধিক কষ্ট প্ৰকাশ কৰে, তেন্তে তেওঁক ‘দুৰ্বল’ বুলি ভাবাৰ আগতে বিজ্ঞান কি কয়, সেইটো এবাৰ ভাবি লোৱা উচিত।