ভাৰতৰ অৱসৰৰ সূচকাংক ৪৮ লৈ বৃদ্ধি: এক্সিছ মেক্স লাইফ আই আৰ আই এছ ৫.০ত নগৰীয়া ভাৰতীয়সকলৰ মাজত সজাগতা আগতীয়া পৰিকল্পনা অধিক শক্তিশালী

ভাৰতৰ অৱসৰৰ প্ৰস্তুতিৰ ক্ৰমাগত উন্নতি হৈছে, এক্সিছ মেক্স লাইফ ইঞ্চুৰেন্সৰ ইণ্ডিয়া ৰিটায়াৰমেণ্ট ইণ্ডেক্স ষ্টাডী (আইআৰআইএছ) ৫.০ত ৪ বছৰৰ ভিতৰত ৰাষ্ট্ৰীয় সূচকাংক স্ক’ৰ ৪৪ৰ পৰা ৪৮লৈ উৰ্ধ্বগামী হোৱাৰ কথা প্ৰকাশ পাইছে। কাণ্টাৰৰ সৈতে অংশীদাৰিত্বৰে কৰা এই অধ্যয়নত নগৰীয়া ভাৰতীয়সকলৰ মাজত সজাগতা বৃদ্ধি আৰু আগতীয়াকৈ বিত্তীয় পৰিকল্পনাৰ ওপৰত আলোকপাত কৰা হৈছে, আধাসংখ্যক লোকে বিশ্বাস কৰে যে উপাৰ্জন আৰম্ভ কৰাৰ লগে লগে অৱসৰৰ পৰিকল্পনা আৰম্ভ হ’ব লাগে। এই প্ৰতিবেদনত স্বাস্থ্য সজাগতা আৰু ফিটনেছৰ অভ্যাস বৃদ্ধি পোৱা দেখা গৈছে, কিয়নো ৮১% লোকে নিয়মীয়া শাৰীৰিক কাৰ্য-কলাপত জড়িত হৈছে আৰু ৫০% লোক এতিয়া স্বাস্থ্য বীমাৰ গৰাকী হৈছে। কিন্তু আৰ্থিক পৰ্যাপ্ততা কম হৈয়েই আছে, ৬৩% লোকে কয় যে তেওঁলোকৰ সঞ্চয় অৱসৰৰ পিছত ১০ বছৰতকৈও কম সময়ৰ বাবেহে চলিব। মহিলা আৰু অস্থায়ী শ্ৰমিকসকলে অধিক প্ৰস্তুতি প্ৰদৰ্শন কৰাৰ বিপৰীতে পূব ভাৰতে সামগ্ৰিক প্ৰস্তুতিৰ ক্ষেত্ৰত সমগ্ৰ দেশৰ ভিতৰত আগৰুণৱা হৈ আছে।

গুৱাহাটীৰ বিত্তীয় উপদেষ্টাসকলে উল্লেখ কৰিছে যে যুৱ পেছাদাৰীসকলে শৃংখলাবদ্ধ সঞ্চয় আৰু বীমা-আধাৰিত বিনিয়োগৰ দিশত এক পৰিৱৰ্তন দেখুৱাইছে।  তথাপিও, বিশেষজ্ঞসকলে বিশ্বাস কৰে যে সজাগতা আৰু প্ৰকৃত অৱসৰৰ কৰ্পাছ সৃষ্টিৰ মাজৰ ব্যৱধান দূৰ কৰিবলৈ অসমৰ নগৰীয়া অঞ্চলসমূহত অধিক সজাগতাৰ প্ৰয়োজন। এক্সিছ মেক্স লাইফৰ এমডি আৰু চিইঅ’ সুমিত মাদানে এই বিষয়ে সদৰি কৰি কয় যে, আইআৰআইএছ ৫.০-এ “স্মাৰ্টাৰ আৰু অধিক সামগ্ৰিক অৱসৰ পৰিকল্পনাৰ দিশত স্পষ্ট পৰিৱৰ্তন”ৰ সংকেত দিছে, যিয়ে বিভিন্ন কৰ্মচাৰী খণ্ডৰ বাবে অন্তৰ্ভুক্তিমূলক পৰামৰ্শমূলক সমৰ্থনৰ আহ্বান জনায়।