ৰেন’ ডাষ্টাৰ টাৰ্বো ১৬০-এ প্ৰদান কৰে ১৮.৪৫ কিলোমিটাৰ/লিটাৰ মাইলেজ

ৰেন’ ইণ্ডিয়াই টাৰ্বো টিচিই ১৬০ ইঞ্জিনেৰে চালিত নতুন ৰেন’ ডাষ্টাৰৰ বাবে এআৰএআই প্ৰমাণিত ইন্ধন কাৰ্যক্ষমতাৰ পৰিসংখ্যাৰ তথ্য সদৰি কৰি প্ৰদৰ্শন আৰু কাৰ্যক্ষমতাৰ ওপৰত গুৰুত্ব আৰোপ কৰিছে। ডিচিটি অটোমেটিক ট্ৰেন্সমিছনৰ সৈতে ১৮.৪৫ কিলোমিটাৰ প্ৰতি লিটাৰ আৰু ৬ স্পীড মেনুৱেল ভেৰিয়েণ্টত ১৭.৭৫ কিলোমিটাৰ প্ৰতিলিটাৰ গতি প্ৰদান কৰে। ৰেন’ গ্ৰুপ ইণ্ডিয়াৰ ৰেন’ ইঞ্জিনিয়াৰিঙৰ মুৰব্বী ড০ ভি বিক্ৰমনে এই বিষয়ে কয় যে, প্ৰমাণিত সংখ্যাই কোম্পানীটোৰ প্ৰযুক্তিগত শক্তি আৰু উৎকৃষ্ট মূল্য প্ৰদানৰ প্ৰতিশ্ৰুতি প্ৰতিফলিত কৰে। তেওঁ লগতে উল্লেখ কৰে যে, টাৰ্বো ১৬০ ইঞ্জিনে দহন আৰু দক্ষতা অনুকূল কৰিবলৈ নিম্ন-ঘৰ্ষণ আৱৰণ আৰু উচ্চ চাপৰ ইন্ধন ইনজেকচনৰ দৰে উন্নত বৈশিষ্ট্য ব্যৱহাৰ কৰে, আনহাতে শেহতীয়া ডিচিটি ট্ৰেন্সমিছনে নিৰবিচ্ছিন্ন গিয়েৰ শ্বিফ্ট আৰু সঁহাৰি প্ৰদৰ্শন নিশ্চিত কৰে।

ভাৰতীয় বাহন চালনা পৰিৱেশৰ সৈতে খাপ খোৱাকৈ বিশেষভাৱে প্ৰস্তুত কৰা নতুন ডাষ্টাৰে ১৬৩ পিএছ শক্তি আৰু ২৮০ এনএম টৰ্ক উৎপন্ন কৰে, যাৰ ফলত ই শিতানৰ আটাইতকৈ শক্তিশালী অফাৰ ৰূপে পৰিগণিত হৈছে। ৰেন’ই কয় যে, এই মডেলটোৱে শ্ৰেণীৰ ভিতৰতে শ্ৰেষ্ঠ বাহন চালনা আৰু হেণ্ডলিঙৰ সৈতে শক্তিশালী প্ৰদৰ্শনৰ সংমিশ্ৰণ ঘটাইছে, যি এক অনুকূলিত পাৱাৰট্ৰেইন ডিজাইনৰ দ্বাৰা সমৰ্থিত।

উত্তৰ-পূৰ্বাঞ্চল বিভিন্ন ভূখণ্ডৰে পৰিৱেষ্টিত আৰু দীৰ্ঘ দূৰত্বৰ ভ্ৰমণৰ বাবে উপযুক্ত, শক্তিশালী আৰু ইন্ধন-দক্ষ এছইউভিৰ বৰ্ধিত চাহিদাই গুৱাহাটী মহানগৰীতো নতুন ডাষ্টাৰে শক্তিশালী আগ্ৰহ বৃদ্ধি কৰিব বুলি আশা কৰা হৈছে। ব্যৱসায়ীসকলে অনুমান কৰিছে যে প্ৰদৰ্শন আৰু মাইলেজৰ ভাৰসাম্যই এই মডেলটোক অঞ্চলটোত প্ৰতিযোগিতামূলকভাৱে স্থাপন কৰিব পাৰে। ৰেন’ এছএএছৰ সহযোগী প্ৰতিষ্ঠান ৰেন’ ইণ্ডিয়াই চেন্নাইৰ অৰাগাডাম কেন্দ্ৰত বাহন নিৰ্মাণ কৰে আৰু দেশজুৰি ৩৫০তকৈও অধিক বিক্ৰী আৰু ৪৫০টা সেৱাকেন্দ্ৰ পৰিচালনা কৰি আছে।