মালাবাৰ গ্ৰুপৰ অধ্যক্ষ এম পি আহম্মদক ২০২৬ বৰ্ষৰ লোকমত মহাৰাষ্ট্ৰীয়ান অৱ দ্য য়েৰ বঁটা প্ৰদান অনুষ্ঠানত ব্যৱসায়িক ভূষণ সন্মানেৰে সন্মানিত কৰা হয়

বিশ্বব্যাপী গহণাৰ খুচুৰা উদ্যোগক ৰূপান্তৰিত কৰি সমাজলৈ অৰিহণা যোগোৱাত নেতৃত্ব প্ৰদানৰ বাবে মালাবাৰ গ্ৰুপৰ অধ্যক্ষ এম পি আহম্মদক ২০২৬ বৰ্ষৰ লোকমত মহাৰাষ্ট্ৰীয়ান অৱ দ্য য়েৰ বঁটা প্ৰদান অনুষ্ঠানত ব্যৱসায়িক ভূষণ সন্মানেৰে সন্মানিত কৰা হয়। মুম্বাইৰ আইকনিক গেটৱে অৱ ইণ্ডিয়াত অনুষ্ঠিত এক অনুষ্ঠানত এই বঁটা প্ৰদান কৰা হয়। এই অনুষ্ঠানত নীতি নিৰ্ধাৰক, উদ্যোগৰ নেতা আৰু ব্যৱসায় আৰু মনোৰঞ্জনৰ বিশিষ্ট ব্যক্তিসকলক একত্ৰিত কৰা হয়। মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নৱিশ আৰু উপ-মুখ্যমন্ত্ৰী একনাথ সিন্দেৰ লগতে লোকমতৰ অধ্যক্ষ বিজয় দৰ্দা, মন্ত্ৰী, আমোলা আৰু অন্যান্য বিশিষ্ট অতিথিসকল উপস্থিত থাকে।

লোকমত মিডিয়া গ্ৰুপে প্ৰদান কৰা বঁটাই সেই ব্যক্তিসকলক স্বীকৃতি দিয়ে, যাৰ নেতৃত্ব আৰু সাফল্যই সমগ্ৰ উদ্যোগ আৰু সমাজত গুৰুত্বপূৰ্ণ প্ৰভাৱ পেলাইছে। আহম্মদৰ এই স্বীকৃতিয়ে তেওঁৰ উদ্যমী যাত্ৰা আৰু মালাবাৰ গোল্ড এণ্ড ডায়মণ্ডছক বিশ্বৰ পঞ্চম বৃহত্তম খুচুৰা গহণা বিক্ৰেতা আৰু ভাৰতীয় মূলৰ সৰ্ববৃহৎ গহণা খুচুৰা বিক্ৰেতা হিচাপে গঢ়ি তোলাত তেখেতৰ ভূমিকাৰ ওপৰত আলোকপাত কৰিছে। কৃতজ্ঞতা প্ৰকাশ কৰি আহম্মদে কয় যে এই স্বীকৃতিয়ে সমগ্ৰ মালাবাৰ টীমৰ সমৰ্পণ আৰু ব্ৰেণ্ডটোৰ ওপৰত গ্ৰাহকসকলে ৰখা আস্থাক প্ৰতিফলিত কৰে। তেওঁ লগতে কয় যে, আমাৰ দলটো দায়িত্বশীল বিকাশ, অখণ্ডতা আৰু সমাজৰ বাবে সুদূৰপ্ৰসাৰী মূল্য সৃষ্টিৰ বাবে প্ৰতিশ্ৰুতিবদ্ধ।

কোম্পানীটোৰ ব্যৱসায়িক বৃদ্ধিত মহাৰাষ্ট্ৰই গুৰুত্বপূৰ্ণ ভূমিকা পালন কৰি আহিছে, ৰাজ্যখনৰ মুম্বাই, পুনে, নাগপুৰ আৰু নাচিককে ধৰি বিভিন্ন চহৰত ৩৪টা শ্ব’ৰুমত সেৱা আগবঢ়াই আছে। ২০২৯ চনৰ ভিতৰত ৰাজ্যখনত ৬৪টা ষ্ট’ৰলৈ নিজৰ উপস্থিতি বৃদ্ধি কৰাৰ পৰিকল্পনা কৰিছে। ১৯৯৩ চনত প্ৰতিষ্ঠিত মালাবাৰ গোল্ড এণ্ড ডাইমণ্ডছে বৰ্তমান ১৪খন দেশত ৪২৫টাতকৈও অধিক শ্ব’ৰুম চলাই আছে আৰু ইয়াৰ লাভৰ পাঁচ শতাংশ শিক্ষা, স্বাস্থ্যসেৱা, গৃহ নিৰ্মাণ সমৰ্থন আৰু মহিলা সবলীকৰণৰ ওপৰত গুৰুত্ব আৰোপ কৰা চিএছআৰ পদক্ষেপসমূহত অৱদান আগবঢ়াই আহিছে।