ভাৰতত চৰকাৰী তথ্যতকৈ ক’ভিড-১৯ত ৮ গুণ অধিক লোকৰ ঘটিছিল মৃত্যু

২০১৯ চনৰ তুলনাত ২০২০ত ভাৰতত ক’ভিড-১৯ত অধিক লোকৰ মৃত্যু হয়। এই তথ্য এক আন্তৰ্জাতিক অধ্যয়নত প্ৰকাশ পাইছে। অধ্যয়ন অনুসৰি, ২০২০ চনত মহামাৰীৰ সময়ত ১১.৯ লাখ লোক অতিৰিক্ত মৃত্যু হৈছিল, যি ২০১৯ চনৰ তুলনাত ১৭ শতাংশ অধিক। কাটাৰ মিডিয়া প্ৰতিষ্ঠান আলজাজীৰাই ইউকেৰ অক্সফৰ্ড বিশ্ববিদ্যালয়কে ধৰি বিভিন্ন অৰ্থনীতিবিদে প্ৰকাশ প্ৰতিবেদনৰ আধাৰত এই কথা প্ৰকাশ কৰিছে। তেওঁলোকে প্ৰকাশ কৰা অনুসৰি ক’ভিড -১৯ মৃত্যুৰ চৰকাৰী সংখ্যাতকৈ প্ৰায় আঠ গুণ অধিক আৰু বিশ্ব স্বাস্থ্য সংস্থাতকৈ ১.৫ গুণ অধিক। ইফালে, অধ্যয়নটোৰ প্ৰতি প্ৰতিক্ৰিয়া ব্যক্ত কৰি কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে অধ্যয়নৰ প্ৰতিবেদন বিভ্ৰান্তিকৰ বুলি অভিহিত কৰিছে। ভাৰত চৰকাৰৰ মতে, ২০২০ চনত কোৰোনাৰ ফলত প্ৰায় ১ লাখ ৪৮ হাজাৰ লোকৰ মৃত্যু হৈছিল। নতুন প্ৰতিবেদন অনুসৰি, প্ৰকৃত সংখ্যা আছিল ১২ লাখ।

এই তথ্যবোৰ চাইন্স এডভান্স পাব্লিকেশ্বনে ১৯ জুলাইৰ এক প্ৰতিবেদনত প্ৰকাশ কৰিছে, যাক ভাৰত চৰকাৰৰ ২০১৯-২১ ৰাষ্ট্ৰীয় পাৰিবাৰিক স্বাস্থ্য জৰীপৰ (এনএফএইচএছ) আধাৰত প্ৰস্তুত কৰা হৈছে। প্ৰতিবেদনত দিয়া পৰিসংখ্যাবোৰ বিশ্ব স্বাস্থ্য সংস্থাৰ পৰিসংখ্যাতকৈ ডেৰ গুণ বেছি। গৱেষণা অনুসৰি, ২০২০ চনত উচ্চ বৰ্ণৰ হিন্দুসকলৰ গড় জীৱনহাৰ ১.৩ বছৰ হ্ৰাস পাইছিল। একে সময়তে, অনুসূচীত জাতিৰ লোকসকলৰ গড় জীৱনহাৰ ২.৭ বছৰ হ্ৰাস পাইছে। ইয়াৰ উপৰিও, ভাৰতৰ মুছলমান নাগৰিকৰ জীৱনৰ হাৰ আগৰ তুলনাত ৫.৪ বছৰ হ্ৰাস পাইছে। পুৰুষতকৈ মহিলাৰ ক্ষেত্ৰত কোৰোনাৰ প্ৰভাৱ বেছি দেখা গৈছিল। এফালে, পুৰুষৰ গড় আয়ুস ২.১ বছৰ আৰু মহিলাৰ আয়ুস ৩ বছৰ হ্ৰাস হয়।

যদি সমগ্ৰ বিশ্বৰ পৰিসংখ্যাবোৰ লক্ষ্য কৰা যায় পুৰুষৰ জীৱনৰ হাৰ মহিলাতকৈ অধিক হ্ৰাস পাইছে। চৰকাৰী তথ্য অনুসৰি, ২০২০ চনত ৰোনাৰ প্ৰথম পৰ্যায় আৰু ২০২১ চনত ডেল্টা ঢৌৰ সৈতে অহা দ্বিতীয় পৰ্যায়ৰ পিছত, দেশত মহামাৰীৰ ফলত ৪.৮১ লাখ লোকৰ মৃত্যু হৈছিল। বিশ্ব স্বাস্থ্য সংস্থাই ইয়াৰ প্ৰতিবেদনত ভুলকৈ দাবী কৰিছিল যে ভাৰতত প্ৰকৃততে ২০-৬৫ লাখ লোকৰ মৃত্যু হৈছিল, যি সমগ্ৰ বিশ্বত সৰ্বাধিক আছিল। কেন্দ্ৰীয় চৰকাৰে এই তথ্য নাকচ কৰিছে। চৰকাৰে কৈছে যে তথ্য আহৰণৰ ৰাষ্ট্ৰসংঘৰ আৰ্হিটো ভুল আৰু ইয়াক ভাৰতত সঠিকভাৱে প্ৰয়োগ কৰিব নোৱাৰি। বিশেষ কথাটো হ’ল যে এই পৰিসংখ্যাবোৰ কেৱল বিশ্ব স্বাস্থ্য সংস্থাৰ নহয়। বহুতো জনস্বাস্থ্য বিশেষজ্ঞ আৰু গৱেষকে ভাৰত চৰকাৰৰ তথ্যবোৰ ধাৰাবাহিকভাৱে মিছা কৈ আহিছে।