পলাশবাৰীৰ আৱৰ্জনা ব্যৱস্থাপনাক ৰূপান্তৰিত কৰিছে জিচিপিএলে, অন্য দিশলৈ লৈ যোৱা হ’ল ৩,২০০ টন আৱৰ্জনাক

গড্ৰেজ কনজিউমাৰ প্ৰডাক্টছ লিমিটেড(জিচিপিএল)-এ অসমৰ অন্যতম পুৰণি চহৰ পলাশবাৰীত ৩ বছৰীয়া সম্প্ৰদায়কেন্দ্ৰিক এক পদক্ষেপৰ জৰিয়তে আৱৰ্জনা ব্যৱস্থাপনাক সফলতাৰে ৰূপান্তৰিত কৰি ৩২০০ টনতকৈ অধিক আৱৰ্জনা অন্য দিশলৈ লৈ যোৱাৰ লগতে স্থানীয় অনাময় ব্যৱস্থাৰ যথেষ্ট উন্নতি সাধন কৰিছে। জিচিপিএলৰ কৰ্পৰেট সামাজিক দায়বদ্ধতা (চিএছআৰ) কাৰ্যসূচীৰ অধীনত পলাশবাৰী পৌৰসভা আৰু ফিডবেক ফাউণ্ডেচন চেৰিটেবল ট্ৰাষ্টৰ অংশীদাৰিত্বৰে ৰূপায়ণ কৰা এই প্ৰকল্পটোৱে ১৫৫০ টন আৱৰ্জনাৰ সংশোধন কৰিছিল আৰু বিভিন্ন পৰিয়াল, প্ৰতিষ্ঠান আৰু বজাৰত ৯৮.৫ শতাংশ উৎসৰ পৃথকীকৰণ সম্ভৱ কৰিছিল।

ইয়াৰ পূৰ্বে পলাশবাৰীত দৈনিক প্ৰায় দুই টন মিশ্ৰিত আৱৰ্জনা উৎপন্ন হৈছিল, যাৰ অধিকাংশই মুকলি স্থানত পেলাই দিয়া হৈছিল, যাৰ ফলত পৰিৱেশৰ ক্ষতি আৰু স্বাস্থ্যজনিত সমস্যাৰ সৃষ্টি হৈছিল, বিশেষকৈ কালভুগ নদীৰ পাৰত পেলাই দিয়া হৈছিল। এই পদক্ষেপৰ অধীনত এক সামগ্ৰী পুনৰুদ্ধাৰ আৰু এটা মাইক্ৰ’ কম্পোষ্টিং চেণ্টাৰকে ধৰি এখন মিনি অনাময় উদ্যান স্থাপন কৰা হয়, আনহাতে পৃথক কৰা আৱৰ্জনা ঘৰে ঘৰে সংগ্ৰহৰ বাবে ১০টা ৱাৰ্ডৰ সকলোতে স্বচ্ছতা সাথী নিয়োজিত কৰা হয়। গড্ৰেজ ইণ্ডাষ্ট্ৰীজ গ্ৰুপৰ বহনক্ষমতা আৰু চিএছআৰ শাখাৰ মুৰব্বী পাকজান দস্তুৰে কয় যে, নাগৰিক, কৰ্তৃপক্ষ আৰু অংশীদাৰসকলৰ মাজত সহযোগিতাই কেনেদৰে বহনক্ষম সামূহিক ব্যৱস্থা সৃষ্টি কৰিব পাৰে সেয়া এই পদক্ষেপে বাস্তৱিক অৰ্থত প্ৰদৰ্শন কৰিছে। এই কাৰ্যসূচীয়ে আচৰণগত পৰিৱৰ্তনৰ ওপৰতো গুৰুত্ব আৰোপ কৰিছিল, ৯২,০০০ৰো অধিক বাসিন্দাৰ ওচৰৰ কাষ চাপি প্ৰায় ৩০,০০০ সজাগতা অধিবেশন অনুষ্ঠিত কৰিছিল। প্ৰায় ২৫টা আৱৰ্জনা-সংবেদনশীল স্থান পৰিষ্কাৰ কৰা হৈছিল আৰু ঘৰুৱা সাৰৰ সৈতে চাৰিটা বিন পৃথকীকৰণৰ ব্যৱস্থা কৰা হৈছিল।

পলাশবাৰী আৰ্হিৰ সফলতাই উত্তৰ গুৱাহাটী পৌৰসভাকে ধৰি অন্যান্য নগৰীয়া সংস্থাসমূহকো দৃষ্টি আকৰ্ষণ কৰিছে আৰু গুৱাহাটী মহানগৰীতো আৱৰ্জনা ব্যৱস্থাপনা পদ্ধতিত প্ৰভাৱ পেলাব পাৰে য’ত দ্ৰুত নগৰায়নে পৌৰসভাৰ আৱৰ্জনা ব্যৱস্থাৰ ওপৰত চাপ বৃদ্ধি কৰিছে। বিশেষজ্ঞসকলে কয় যে, পলাশবাৰীত গ্ৰহণ কৰা বিকেন্দ্ৰীকৃত পদ্ধতিয়ে গুৱাহাটীৰ দৰে ক্ৰমবৰ্ধমান নগৰ কেন্দ্ৰত আৱৰ্জনা পৃথকীকৰণ আৰু প্ৰক্ৰিয়াকৰণৰ উন্নতিৰ বাবে এক ব্যৱহাৰিক আৰ্হি আগবঢ়াব পাৰে।