নিছান মটৰ ইণ্ডিয়াৰ ৪৫% মাহেকীয়া ঘৰুৱা বিক্ৰী বৃদ্ধি

নিছান মটৰ ইণ্ডিয়া প্ৰাইভেট লিমিটেড(এনএমআইপিএল)-এ ২০২৫ চনৰ অক্টোবৰ মাহত ৯৬৭৫খন বাহনৰ একত্ৰিত বিক্ৰীৰ কথা সদৰি কৰিছে, যিয়ে মাহেকীয়া ৰূপত ৪৫% বৃদ্ধি পাইছে। নতুন নিছান মেগনাইটৰ শক্তিশালী চাহিদাৰ বলত ঘৰুৱা পাইকাৰী বিক্ৰী ২৪০২ ইউনিটত উপনীত হোৱাৰ বিপৰীতে ৭২৭৩খন বাহন ৰপ্তানি হৈছিল, যিয়ে নিছান ইণ্ডিয়াৰ বিশ্বব্যাপী ৰপ্তানি কেন্দ্ৰ হিচাপে স্থিতি শক্তিশালী কৰিছে। শেহতীয়াকৈ প্ৰতিষ্ঠানটোৱে নিজৰ “মেক ইন ইণ্ডিয়া, মেক ফৰ দ্য ৱৰ্ল্ড” দৰ্শনক শক্তিশালী কৰি ১.২ মিলিয়ন সংখ্যক বাহনৰ ৰপ্তানি উদযাপন কৰে।

নৱৰাত্ৰি, দছেৰা আৰু দীপাৱলীৰ সময়ত হোৱা ফেষ্টিভ আনন্দৰ লগতে জিএছটিৰ হাৰ হ্ৰাসক চাহিদা বৃদ্ধিৰ মূল কাৰণ বুলি প্ৰতিষ্ঠানটোৱে কৃতিত্ব দিয়ে। নিছান মটৰ ইণ্ডিয়াৰ পৰিচালন সঞ্চালক সৌৰভ বৎসই কয় যে, উদ্যোগটোৱে ইতিবাচক উৎসৱমুখৰ গতি লাভ কৰিছে। লগতে পৰিচালন সঞ্চালকজনে কয় যে, জিএনচিএপিৰ ৫ ষ্টাৰ সুৰক্ষা ৰেটিং আৰু ৪০টা মানসম্পন্ন সুৰক্ষা বৈশিষ্ট্যৰ সৈতে মেগনাইটে গ্ৰাহকৰ শক্তিশালী আস্থা লাভ কৰি আহিছে। ব্ৰেণ্ডটোৱে চিএনজি ৰেট্ৰ’ফিটমেণ্ট প্ৰগ্ৰেম সম্প্ৰসাৰণ কৰি আগন্তুক ৩খন নতুন বাহন মুকলিৰ বাবে প্ৰস্তুতি চলাইছে, য’ত আছে নিছান টেকটন (৭খন আসনৰ বি-এমপিভি) আৰু ৭খন আসনৰ চি-এছইউভি।

অসম আৰু সমগ্ৰ উত্তৰ-পূৱৰ বজাৰত নিছানৰ ডিলাৰসকলে উৎসৱৰ সময়ছোৱাত শ্ব’ৰুমত অধিক পদচিহ্ন আৰু বুকিং বৃদ্ধিৰ কথা সদৰি কৰিছে। গুৱাহাটীৰ ডিলাৰসমূহে মেগনাইটৰ প্ৰতি প্ৰবল আগ্ৰহ প্ৰকাশ কৰিছে — বিশেষকৈ কুৰো বিশেষ সংস্কৰণ আৰু নতুন মেটালিক গ্ৰে ভেৰিয়েণ্ট — কাৰণ গ্ৰাহকে জিএছটিৰ সুবিধাৰ পিছত ১ লাখ টকাপৰ্যন্ত মূল্য হ্ৰাসৰ সুবিধা লাভ কৰিছে।