নতুন দিল্লীত ২০২৬ বৰ্ষৰ ইউপিএছচি পৰীক্ষাৰ বাবে প্ৰশিক্ষণ ল’ব অসমৰ দ্বিতীয় বেটচৰ জিএপিপিৱাই জলপানিপ্ৰাপকে

অসমৰ মাননীয় ৰাজ্যপাল লক্ষ্মণ প্ৰসাদ আচাৰ্যই ২০২৪ বৰ্ষত আৰ্য প্ৰতিভা বিকাশ সংস্থা(এপিভিএছ-অখিল ভাৰতীয় দয়ানন্দ সেৱাশ্ৰম সংঘৰ উদ্যোগ)ৰ সহযোগত আৰম্ভ কৰা ৰাজ্যপাল অসম প্ৰতিভা প্ৰোত্সাহন যোজনা(জিএপিপিৱাই)ই ৰ নিৰ্বাচিত জলপানি(স্কলাৰ)সকলৰ দ্বিতীয়টো দলৰ ঘোষণাৰ সৈতে এক যুগান্তকাৰী মাইলৰ খুঁটিত উপনীত হৈছে। ২০২৬ বৰ্ষৰ ইউপিএছচি অসামৰিক সেৱা পৰীক্ষাৰ বাবে এতিয়া নতুন দিল্লীত আৰ্থিকভাৱে দুৰ্বল শ্ৰেণীৰ ১০গৰাকী প্ৰতিভাৱান শিক্ষাৰ্থীয়ে অবিৰত বিনামূলীয়া প্ৰশিক্ষণ গ্ৰহণৰ সুযোগ লাভ কৰিব। জিএপিপিৱাই ২০২৫ৰ বাছনি প্ৰক্ৰিয়া চলিত বৰ্ষৰ আৰম্ভণিতে ৰাজ্যজুৰি প্ৰতিভা অনুসন্ধান পৰীক্ষাৰ জৰিয়তে আৰম্ভ হৈছিল, য’ত শিৱসাগৰ, নগাঁও আৰু পশ্চিম কাৰ্বি আংলং আদি জিলাকে ধৰি সমগ্ৰ অসমৰ ২৭০ গৰাকী আকাংক্ষী প্ৰাৰ্থীয়ে অংশগ্ৰহণ কৰিছিল।

যোগ্যতাৰ ভিত্তিত গুৱাহাটীত অনুষ্ঠিত হোৱা কাউন্সেলিং, ৰচনা পৰীক্ষা, ব্যক্তিগত সাক্ষাৎকাৰৰ বাবে ৪০জন প্ৰাৰ্থীক তালিকাভুক্ত কৰি চৰ্টলিষ্ট কৰা হৈছিল। এই কঠোৰ প্ৰক্ৰিয়াৰ অন্তত দিল্লীত বিনামূলীয়া ইউপিএছচি প্ৰশিক্ষকৰ বাবে ১০গৰাকী অসাধাৰণ প্ৰাৰ্থীক নিৰ্বাচিত কৰা হয়।অসমৰ ৰাজ্যপালৰ দ্বাৰা পৰিচালিত এই পদক্ষেপে অসমৰ প্ৰতিভাৱান যুৱক-যুৱতীসকলক কেৱল আগুৱাই নিয়াই নহয়, লগতে অসামৰিক সেৱাত উৎকৃষ্টতাৰ জৰিয়তে দেশৰ সেৱা কৰিবলৈ শক্তিশালী কৰি তুলিছে। এই শিক্ষাৰ্থীসকলক ভাৰতৰ কিছুমান আগশাৰীৰ অসামৰিক সেৱাৰ প্ৰশিক্ষণ প্ৰতিষ্ঠানত প্ৰশিক্ষণ দিয়া হ’ব, য’ত আছে ভিজন আইএএছ একাডেমী, বাজিৰাম এণ্ড ৰবি আইএএছ ইনষ্টিটিউট, নেক্সট আইএএছ একাডেমী, শুভ্ৰ ৰঞ্জন আইএএছ একাডেমী, এএলএছ আইএএছ একাডেমী, সুন্যা আইএএছ একাডেমী, আৰু দৃষ্টি আইএএছ একাডেমী।

আৰ্য প্ৰতিভা বিকাশ সংস্থাই এই বৰ্ষৰ বাবে অভিভাৱক হিচাপে কাম কৰিব, দিল্লীত মেণ্টৰশ্বিপ আৰু শৈক্ষিক পথ প্ৰদৰ্শনৰ লগতে সহায়ক আৱাসিক পৰিৱেশ প্ৰদান কৰিব। সকলো খৰচ জিএপিপৱাই আঁচনিৰ অধীনত বহন কৰা হ’ব। এই পদক্ষেপৰ বিষয়ে সদৰি কৰি এছ কে আৰ্য প্ৰতিভা বিকাশ সংস্থাৰ অধ্যক্ষ আৰ্যই কয় যে, “২০২৪ চনত যেতিয়া ৰাজ্যপালে জিএপিপিৱাই আৰম্ভ কৰিছিল, তেতিয়া অসমৰ উজ্জ্বল মনবোৰক জাতিৰ সেৱাৰ ন্যায্য সুযোগ দিয়াৰ দৃষ্টিভংগীৰে আৰম্ভ কৰৈ হৈছিল। আজি দ্বিতীয়টো শিক্ষাবৰ্ষই ২০২৬ চনৰ ইউপিএছচি পৰীক্ষাৰ দিশত যাত্ৰা আৰম্ভ কৰাৰ লগে লগে এই দৃষ্টিভংগীয়ে গঢ় লৈ উঠিছে বুলি আমি অপৰিসীম সন্তুষ্টি অনুভৱ কৰিছোঁ।”