ক্লাচিক লেজেণ্ডছ-য়ে জাৱা, য়েজদি আৰু বিএছএ ডিলাৰশ্বিপ নেটৱৰ্কৰ চৌপাশে ৯-দিনীয়া ‘‘লিজেণ্ডছ কেয়াৰ কেম্প’’ মুকলি কৰিছে

ক্লাছিক লিজেণ্ডছ-এ গ্ৰাহক সেৱা আৰু বিক্ৰী পৰৱৰ্তী সহায়ক ব্যৱস্থা অধিক শক্তিশালী কৰাৰ উদ্দেশ্যে সমগ্ৰ দেশজুৰি ইয়াৰ কৰ্তৃত্বপ্ৰাপ্ত জাৱা, য়েজদি আৰু বিএছএ  ডিলাৰশ্বিপ নেটৱৰ্কত ২০২৬ চনৰ ২৩ মে’ৰ পৰা ৩১ মে’লৈকে ৯ দিনীয়া এক “লিজেণ্ডছ কেয়াৰ কেম্প” অনুষ্ঠিত কৰাৰ কথা ঘোষণা কৰিছে। কোম্পানীটোৱে কয় যে এই সেৱাৰ পদক্ষেপ একাধিক চহৰত আয়োজন কৰা হ’ব য’ত গ্ৰাহকে বাহনৰ চাৰ্ভিচিং, স্পেয়াৰ পাৰ্টছ, শ্ৰমিক মাচুল আৰু প্ৰকৃত আনুষংগিক সামগ্ৰীৰ বিশেষ অফাৰৰ লগতে বাহনৰ বিস্তৃত স্বাস্থ্য পৰীক্ষাৰ সুবিধা ল’ব পাৰিব।

 এই কেম্প চলি থকাৰ সময়ত, প্ৰশিক্ষণপ্ৰাপ্ত টেকনিচিয়ানসকলে মটৰচাইকেলসমূহৰ এক বিতং ৭২-পইণ্ট পৰীক্ষণ চলাব। বাইক চলোৱাৰ দক্ষতা আৰু সুৰক্ষা উন্নত কৰিবলৈ ইয়াত ইঞ্জিনৰ কাৰ্যক্ষমতা, ব্ৰেক, ক্লাচ চিষ্টেম, ইলেক্ট্ৰিকেল, ছাছপেঞ্চন, টায়াৰ, বেটাৰীৰ অৱস্থা আৰু বাহনখনৰ সামগ্ৰিক স্বাস্থ্য পৰীক্ষা কৰা হ’ব। এই বিশেষ অভিযানৰ সময়ছোৱাত কৰ্তৃত্বপ্ৰাপ্ত ডিলাৰশ্বিপলৈ অহা গ্ৰাহকসকলে বাৰিষা ঋতুৰ পূৰ্বে বাহনৰ তত্বাৱধান আৰু যাত্ৰাৰ প্ৰস্তুতিৰ সন্দৰ্ভত বিশেষজ্ঞৰ পৰামৰ্শও লাভ কৰিব। ইয়াৰ লগতে, এই পদক্ষেপৰ অংশ হিচাপে কোম্পানীটোৱে ফাইনেন্স (ঋণ) আৰু এক্সচেঞ্জৰ সুবিধাও আগবঢ়াইছে।

জয়প্ৰদীপ বাসুদেৱনে এই মুকলিৰ সন্দৰ্ভত মন্তব্য কৰি কয় যে, গ্ৰাহকৰ অভিজ্ঞতা আৰু বাইক আৰোহীসকলৰ সন্তুষ্টি কোম্পানীটোৰ কাৰ্যপন্থাৰ মূল কেন্দ্ৰবিন্দু হৈয়েই থাকিব। তেওঁ লগতে কয় যে, এই পদক্ষেপৰ লক্ষ্য হৈছে বাইক আৰোহীসকলে যাতে নিজৰ মটৰচাইকেলৰ পৰা নিৰ্ভৰযোগ্য প্ৰদৰ্শন লাভ কৰি থাকে, তাৰ বাবে আগতীয়া বাহন যত্ন আৰু বিশেষজ্ঞ সেৱা সঁহাৰি প্ৰদান কৰা। ক্লাছিক লিজেণ্ডছে বৰ্তমান ভাৰত আৰু আন্তঃৰাষ্ট্ৰীয় বজাৰত জাৱা, য়েজদি আৰু বিএছএ আদি মটৰচাইকেল ব্ৰেণ্ডসমূহ পৰিচালনা কৰি আছে।