২৬৩ লাখ নীলা শিখাৰ আঁৰত: সমগ্ৰ ভাৰতত দৈনিক এলপিজি সুৰক্ষা, সহজলভ্যতা আৰু নিৰ্ভৰযোগ্যতাৰ আঁৰত ফ্ৰণ্টলাইন কৰ্মশক্তি

হিন্দুস্তান পেট্ৰলিয়াম কৰ্পৰেচন লিমিটেড(এইচপিচিএল)-এ ঘৰুৱা সামগ্ৰী নিৰৱচ্ছিন্নভাৱে বজাই ৰখাৰ বাবে বৰ্ধিত সময় কাম কৰা ডিলাৰ, বিতৰক আৰু ডেলিভাৰী কৰ্মীসকলৰ সমন্বিত প্ৰচেষ্টাৰ ফলত চাহিদা তীব্ৰভাৱে বৃদ্ধিৰ মাজতো ২০২৬ চনৰ ১ এপ্ৰিলৰ পৰা ২১ এপ্ৰিলৰ ভিতৰত সমগ্ৰ ভাৰতত ২৬৩ লাখতকৈ অধিক এলপিজি চিলিণ্ডাৰ ডেলিভাৰী কৰিবলৈ সক্ষম হৈছে। কোম্পানীটোৱে জনোৱা অনুসৰি, বিতৰকসকলে বুকিং পৰিচালনা, বটলিং প্লাণ্টৰ পৰা ষ্টক পুনৰ ভৰোৱা আৰু অধিক চাহিদা থকা অঞ্চলত যোগান বজাই ৰখাৰ বাবে ২৪ ঘণ্টাই সমগ্ৰ চক্ৰটোৰ অধীনত সুচাৰুৰূপে কাম কৰি আহিছে। ডেলিভাৰী কৰ্মীসকলে দীৰ্ঘ দূৰত্ব অতিক্ৰম কৰি ভিৰ থকা নগৰীয়া কেন্দ্ৰ আৰু দূৰৱৰ্তী স্থানসমূহত বৃদ্ধি পোৱা কামৰ বোজা নিয়ন্ত্ৰণ কৰি সময়মতে দুৱাৰমুখত ডেলিভাৰী নিশ্চিত কৰিছে।

এইচপিচিএলে কয় যে, পৰিৱৰ্তিত খৰচৰ ধৰণে চাহিদাক অধিক প্ৰভাৱিত কৰিছে, কোম্পানীটোৱে এই সময়ছোৱাত ৫ কিলোগ্ৰামৰ ৫.৫৭ লাখতকৈ অধিক ফ্ৰী ট্ৰেড এলপিজি চিলিণ্ডাৰ আৰু ২ কিলোগ্ৰামৰ ২৪,৫০০ৰো অধিক চিলিণ্ডাৰ যোগান ধৰিছে, যিয়ে প্ৰব্ৰজিত শ্ৰমিক, ক্ষুদ্ৰ বিক্ৰেতা আৰু পৰিবহনযোগ্য শক্তি সেৱা বিচৰা পৰিয়ালসমূহক ইন্ধন যোগান ধৰিছে। কোম্পানীটোৱে উল্লেখ কৰিছে যে এতিয়া ৯৯.২ শতাংশ এলপিজি বুকিং ডিজিটেল প্লেটফৰ্মৰ জৰিয়তে কৰা হয়, যিয়ে বিতৰকসকলক ডেলিভাৰীৰ পথসমূহ অনুকূল কৰি তোলা আৰু বিতৰণৰ সময় উন্নত কৰাত সহায় কৰে। একে সময়ছোৱাতে বিতৰণ স্থানসমূহৰ মাজেৰে নিৰৱচ্ছিন্নভাৱে পুনৰ ভৰোৱাটো বজাই ৰাখিবলৈ ১,৬১,৭২৯খনতকৈও অধিক ইন্ধন টেংকাৰ প্ৰেৰণ কৰা হৈছিল।

গুৱাহাটী মহানগৰ আৰু কাষৰীয়া অঞ্চলৰ এলপিজি বিতৰকসকলে বিশেষকৈ চহৰীয়া পৰিয়াল আৰু ক্ষুদ্ৰ খাদ্য ব্যৱসায়ৰ চাহিদা ক্ৰমাগতভাৱে বৃদ্ধি পোৱা দেখা গৈছে। উদ্যোগ পৰ্যবেক্ষকসকলে কয় যে গুৱাহাটী মহানগৰীত প্ৰব্ৰজিত শ্ৰমিক আৰু পথৰ কাষৰ বিক্ৰেতাসকলৰ মাজত সৰু এলপিজি চিলিণ্ডাৰৰ ব্যৱহাৰ বৃদ্ধিয়ে সমগ্ৰ অসমৰ নগৰীয়া বজাৰসমূহত ব্যৱহাৰৰ ধৰণ বৃদ্ধিত অৰিহণা যোগাইছে।এইচপিচিএলে জনোৱা মতে, ১৪ মাৰ্চৰ পৰা ২১ এপ্ৰিলৰ ভিতৰত ৫৬৭৫ বাৰ পৰিদৰ্শন কৰি ৩৩গৰাকীক নিলম্বনকে ধৰি ১৫৫গৰাকী বিতৰকৰ বিৰুদ্ধে ব্যৱস্থা গ্ৰহণ কৰা হৈছে। যোগান শৃংখলৰ ধাৰাবাহিকতা শক্তিশালী কৰাৰ বাবে কৰা নিৰীক্ষণ অভিযানৰ অংশ হিচাপে কোম্পানীটোৱে ৬৬২ বাৰ অভিযান চলাই ৪২টা গোচৰ পঞ্জীয়ন কৰাৰ লগতে ৩৭০০টা এলপিজি চিলিণ্ডাৰ জব্দ কৰিছে।