গোলকীয় বিনিয়োগকাৰীসকলে আই.পি.এল. (IPL)-ক সৰ্বাধিক বিকাশৰ সুযোগ হিচাপে দেখিছে: গজৱানী

‘টাইমছ ইণ্টাৰনেট লিমিটেড’ৰ (Times Internet Limited) অধ্যক্ষ সত্যান গজৱানীয়ে শুকুৰবাৰে কয় যে, ভাৰতীয় প্ৰিমিয়াৰ লীগৰ (IPL) ফ্ৰেঞ্চাইজীসমূহত আগশাৰীৰ আমেৰিকান বিনিয়োগকাৰীৰ প্ৰৱেশে এই টুৰ্ণামেণ্টখনক “বিশ্বৰ সৰ্বাধিক বিকাশশীল ক্ৰীড়া সুযোগ” হিচাপে বিশ্বজুৰি বৰ্ধিত আস্থা প্ৰতিফলিত কৰিছে।

শেহতীয়া মালিকীস্বত্বৰ চুক্তিয়ে আই.পি.এল. ফ্ৰেঞ্চাইজীসমূহৰ মূল্য বিলিয়ন ডলাৰৰ পৰিসৰলৈ লৈ গৈছে, যাৰ ফলত ই এক বিশ্বমানৰ ক্ৰীড়া সম্পত্তি হিচাপে প্ৰতিষ্ঠিত হৈছে।

১.৭৮ বিলিয়ন মাৰ্কিন ডলাৰত ৰয়েল চেলেঞ্জাৰ্ছ বেংগালুৰু (RCB) অধিগ্ৰহণ কৰা কনচৰ্টিয়ামৰ (একত্ৰিত গোট) অংশ হিচাপে গজৱানীয়ে কয় যে, নিলাম প্ৰক্ৰিয়াৰ সময়ত প্ৰকাশ পোৱা তীব্ৰ আন্তঃৰাষ্ট্ৰীয় আগ্ৰহে এই লীগৰ দীৰ্ঘকালীন সম্ভাৱনাক আলোকপাত কৰিছে।

তেওঁ সংবাদ সংস্থা PTI-ক জনোৱা মতে, “এই বিনিয়োগকাৰীসকলৰ বহুতেই আই.পি.এল.-ক বৰ্তমান বিশ্বৰ সৰ্বাধিক বিকাশৰ সম্ভাৱনা থকা ক্ৰীড়া ক্ষেত্ৰ হিচাপে গণ্য কৰে।”

RCB-ক ১.৭৮ বিলিয়ন মাৰ্কিন ডলাৰত ক্ৰয় কৰা হৈছে।
ইয়াত আদিত্য বিৰলা গ্ৰুপ, টাইমছ গ্ৰুপ, ডেভিদ ব্লিটজাৰৰ নেতৃত্বত বল্ট গ্ৰুপ আৰু ব্লেকষ্টোনৰ BXPE অন্তৰ্ভুক্ত আছে। তেওঁলোকে ইউনাইটেড স্পিৰিটছ লিমিটেডৰ পৰা এই ফ্ৰেঞ্চাইজীটোৰ ১০০ শতাংশ অংশীদাৰিত্ব ক্ৰয় কৰিছে।

দলৰ আইকন বিৰাট কোহলীৰ সৈতে ভৱিষ্যতৰ লক্ষ্য নিৰ্ধাৰণ আৰু সফলতাৰ বাবে আলোচনা কৰাৰ পৰিকল্পনা কৰা হৈছে।

RCB-ৰ ব্ৰেণ্ড নামটো সলনি কৰাৰ কোনো তাৎক্ষণিক পৰিকল্পনা নাই, কাৰণ ইয়াক অতি শক্তিশালী বুলি গণ্য কৰা হয়।

গজৱানীয়ে লগতে উল্লেখ কৰে যে আই.পি.এল. আৰু মহিলা প্ৰিমিয়াৰ লীগ (WPL)-ৰ মিডিয়া স্বত্ব আৰু অনুৰাগীৰ সক্ৰিয়তাৰ জৰিয়তে এতিয়াও যথেষ্ট বিকাশৰ সম্ভাৱনা আছে।