ভি-এ আইএমচি ২০২৫ত উন্মোচন কৰে ‘ভি প্ৰটেক্ট’: গ্ৰাহক আৰু উদ্যোগৰ বাবে বিস্তৃত এআই-চালিত সুৰক্ষা

দেশৰ আগশাৰীৰ টেলিকম অপাৰেটৰ ভি-এ ভি প্ৰটেক্ট নামৰ এআই-চালিত এক বিস্তৃত পদক্ষেপ মুকলি কৰিছে, যিয়ে ভি-ৰ গ্ৰাহক, নেটৱৰ্ক আৰু উদ্যোগৰ সকলো সুৰক্ষা আৰু সুৰক্ষা ব্যৱস্থাক এটা ছাতিৰ তলত স্পেম, প্ৰৱঞ্চনা আৰু চাইবাৰ আক্ৰমণৰ দ্ৰুতগতিত বিকশিত হোৱা পৰিৱেশৰ বিৰুদ্ধে একত্ৰিত কৰিছে। এই পদক্ষেপৰ অংশ হিচাপে ভি-এ ইণ্ডিয়া মোবাইল কংগ্ৰেছ (আইএমচি) ২০২৫ত দুটা শক্তিশালী ব্যৱস্থা মুকলি কৰিছে। ইয়াৰ মূল নেটৱৰ্কৰ বাবে এআই-ভিত্তিক ভইচ স্পেম ডিটেকচন চিষ্টেম আৰু এআই-চালিত নেটৱৰ্ক ডিফেন্স আৰু ইঞ্চিডেণ্ট ৰেচপন্স চিষ্টেম। ভি-ৰ ভইচ স্পেম চিনাক্তকৰণ কৰি বাস্তৱ সময়ত প্ৰৱঞ্চনামূলক আৰু স্পেম কল ধৰা পেলায় আৰু ফ্লেগ কৰি সতৰ্ক কৰে৷

উন্নত এআই মডেল, ৱেব ক্ৰ’লাৰ আৰু ব্যৱহাৰকাৰীৰ মতামত ব্যৱহাৰ কৰি সন্দেহজনক কলাৰসকলক গ্ৰাহকৰ ওচৰ পোৱাৰ পূৰ্বে চিনাক্ত কৰে। যেতিয়া কোনো সম্ভাৱ্য প্ৰৱঞ্চনামূলক নম্বৰৰ পৰা ভি-ৰ গ্ৰাহকক ফোন কৰে, তেতিয়া ফোনটোৰ পৰ্দাত ‘সন্দেহযুক্ত স্পেম’ প্ৰদৰ্শিত হ’ব, যাৰ ফলত গ্ৰাহকে কলটোৰ উত্তৰ দিব নে নিদিয়ে সেয়া নিৰ্ণয় কৰাত সহায় কৰিব। তৃতীয় পক্ষৰ(থাৰ্ড পাৰ্টী) কলাৰ আইডি এপসমূহৰ দৰে নহয়, এই বৈশিষ্ট্য ভি নেটৱৰ্কৰ ভিতৰত স্থানীয়ভাৱে কাম কৰে, যিয়ে অধিক সঠিকতা আৰু উন্নত গোপনীয়তা নিশ্চিত কৰে৷ এই নতুন বৈশিষ্ট্যই ভিআইৰ বৰ্তমানৰ শক্তিশালী গ্ৰাহক সুৰক্ষা ব্যৱস্থাসমূহৰ ওপৰত ভিত্তি কৰি প্ৰস্তুত কৰিছে, যিবোৰ এতিয়া ভিআই প্ৰটেক্ট আমব্ৰেলাৰ অধীনত পৰে, যাৰ ভিতৰত আছে : টেক্সট মেছেজৰ স্পেম ফিল্টাৰ, আন্তঃৰাষ্ট্ৰীয় ফোনকল ডিছপ্লে আৰু এআই-চালিত ভাবুকি-প্ৰত্যাহ্বানৰ বিশ্লেষণ আদি।

ভিআই-এ অচিৰে বাস্তৱ সময়ত ইউআৰএল সুৰক্ষা আৰম্ভ কৰিব : ফিছিং আৰু ম্যালৱেৰ আক্ৰমণ প্ৰতিৰোধ কৰিবলৈ সন্দেহজনক লিংকসমূহ স্কেন আৰু ব্লক কৰা আদি।  ভি প্ৰটেক্টৰ অধীনত, ভি-এ নিজৰ মূল নেটৱৰ্ক আৰু উদ্যোগৰ কাৰ্য-কলাপ সুৰক্ষিত কৰিবলৈ এক উন্নত এআই-চালিত চাইবাৰ ডিফেন্স আৰু ঘটনা সঁহাৰি প্ৰণালীও মুকলি কৰিছে। এই সমাধানে পাঁচটা স্তৰৰ প্ৰতিৰক্ষা ব্যৱস্থা অনুসৰণ কৰিছে যাৰ ভিতৰত অন্যতম : অস্বাভাৱিকতা চিনাক্তকৰণ, প্ৰাসংগিকীকৰণ আৰু শ্ৰেণীবিভাজন, ইণ্টাৰফেচ ইঞ্জিন এজেণ্ট, পৰামৰ্শমূলক বুদ্ধিমত্তা আৰু মানৱ বৈধকৰণ(ভেলিডেচন)।  ভিআই প্ৰটেক্টৰ বিষয়ে সদৰি কৰি ভিআইৰ মুখ্য প্ৰযুক্তি বিষয়া জগবীৰ সিঙে কয় যে, “ভিআই প্ৰটেক্টে আমাৰ গ্ৰাহকসকলক সুৰক্ষিত কৰিবলৈ আৰু আমাৰ নেটৱৰ্ক শক্তিশালী কৰিবলৈ উন্নত এআই আৰু সক্ৰিয় ব্যৱস্থা ব্যৱহাৰ কৰে।”