গুৱাহাটীত নতুন গাৰ্গ্য টয়োটা ডিলাৰশ্বিপৰ জৰিয়তে উত্তৰ-পূৱৰ নেটৱৰ্ক শক্তিশালী কৰিলে টয়োটাই

দেশৰ উত্তৰ-পূৰ্বাঞ্চলত নিজৰ উপস্থিতি শক্তিশালী কৰাৰ দিশত এক উল্লেখযোগ্য পদক্ষেপ হিচাপে টয়োটা কিৰ্লোস্কাৰ মটৰ(টিকেএম)-এ আজি উঃ-পূবৰ প্ৰাণকেন্দ্ৰ গুৱাহাটীত এটা নতুন ডিলাৰশ্বিপ – গাৰ্গ্য টয়োটা উদ্বোধন কৰে। নতুন সুবিধা কেন্দ্ৰটোৱে টয়োটাৰ অভিগম্যতা বৃদ্ধি, গ্ৰাহকৰ আস্থা বৃদ্ধি আৰু উদীয়মান আঞ্চলিক বজাৰসমূহত গতিশীলতা সমাধানৰ ক্ৰমবৰ্ধমান চাহিদাক সমৰ্থন কৰাত অবিৰত মনোনিৱেশৰ ওপৰত আলোকপাত কৰিছে। টয়োটা কিৰ্লোস্কাৰ মটৰৰ বিক্ৰী-সেৱা-ব্যৱহৃত বাহন শাখাৰ পূব অঞ্চলৰ মুখ্য প্ৰতিনিধিৰ উপাধ্যক্ষ অৰুণ জি নায়াৰ আৰু গাৰ্গ্য টয়োটাৰ ডিলাৰৰ অধ্যক্ষ ৰাহুল দেৱ শৰ্মাৰ উপস্থিতিত নতুন গাৰ্গ্য টয়োটা কেন্দ্ৰটো আনুষ্ঠানিকভাৱে উদ্বোধন কৰা হয়। গুৱাহাটী মহানগৰী ৰাজ্যখনৰ প্ৰধান অৰ্থনৈতিক আৰু সাংস্কৃতিক কেন্দ্ৰ হিচাপে আত্মপ্ৰকাশৰ লগে লগে নতুন টয়োটা ডিলাৰশ্বিপে সমগ্ৰ অঞ্চলটোৰ গ্ৰাহকৰ এক বিস্তৃত বৰ্ণালীৰ সেৱা আগবঢ়াবলৈ কৌশলগত গুৰুত্ব আছে—কিয়নো চহৰখনৰ সম্প্ৰসাৰিত নগৰীয়া জনসংখ্যাৰ পৰা আৰম্ভ কৰি ওচৰৰ চহৰ আৰু সম্প্ৰদায়লৈকে সকলোৱে গুৱাহাটীৰ ওপৰতে সৰ্বাধিক নিৰ্ভৰ কৰে। ৫,১০০ বৰ্গফুট এলেকাত বিস্তৃত এই সুবিধা কেন্দ্ৰটো হৈছে এটা নিৰ্দিষ্ট ১এছ (বিক্ৰী) আউটলেট, যি টয়োটাৰ অভূতপূৰ্ব বিক্ৰীৰ উৎকৃষ্টতাৰ চিহ্নিত মানদণ্ড প্ৰদান কৰিবলৈ প্ৰতিশ্ৰুতিবদ্ধ এটা প্ৰশিক্ষিত দলৰ দ্বাৰা সমৰ্থিত।

ইয়াৰ লগতে, নতুনকৈ মুকলি কৰা গাৰ্গ্য টয়োটাত টয়োটা ইউ-ট্ৰাষ্টৰ সুবিধাও আছে, যিয়ে গ্ৰাহকৰ সুবিধা আৰু মালিকীস্বত্বৰ অভিজ্ঞতা আৰু অধিক বৃদ্ধি কৰাৰ লক্ষ্যৰে ব্যৱহৃত গাড়ী ক্ৰয়, বিক্ৰী আৰু বিনিময়ৰ সুবিধা প্ৰদান কৰে। নতুন আউটলেটত টয়োটাৰ সকলো ধৰণৰ সামগ্ৰীৰ খুচুৰা লেনদেন কৰিব পাৰিব, জনপ্ৰিয় মডেল যেনে-ইনোভা হাইক্ৰছ, ফৰ্চুনাৰ, হাইলাক্স, আৰ্বান ক্ৰুজাৰ হাইৰাইডাৰ আৰু বহুতো, লগতে কেম্ৰী হাইব্ৰিড আৰু ভেলফায়াৰৰ দৰে আকাংক্ষিত অফাৰসমূহলৈকে, যিয়ে অঞ্চলটোৰ গ্ৰাহকৰ বিকশিত পছন্দসমূহ পূৰণ কৰিব।  নতুন ডিলাৰশ্বিপ মুকলিৰ সময়ত গাৰ্গ্য টয়োটাৰ ডিলাৰৰ অধ্যক্ষ ৰাহুল দেৱ শৰ্মাই কয় যে, “গুৱাহাটী আৰু চুবুৰীয়া অঞ্চলৰ জনসাধাৰণৰ ওচৰলৈ টয়োটাৰ প্ৰসিদ্ধ মানদণ্ড, নিৰ্ভৰযোগ্যতা আৰু উদ্ভাৱন আগবঢ়াবলৈ পাই মই অতি আনন্দিত হৈছোঁ।  এই নতুন ডিলাৰশ্বিপ কেৱল এক বিক্ৰী কেন্দ্ৰই নহয়, লগতে নিৰ্ভৰযোগ্য সামগ্ৰী আগবঢ়োৱা আৰু এক আনন্দদায়ক টয়োটা অভিজ্ঞতা প্ৰদান কৰি আমাৰ গ্ৰাহকসকলৰ সৈতে স্থায়ী সম্পৰ্ক গঢ়ি তোলাৰ এখন প্লেটফৰ্ম।  টয়োটাৰ প্ৰতিশ্ৰুতিবদ্ধ অংশীদাৰ হিচাপে, আমি ব্ৰেণ্ডৰ মূল মূল্যবোধ সমৰ্থন কৰিবলৈ আৰু প্ৰতিজন গ্ৰাহকৰ সম্পৰ্কই টয়োটাৰ উৎকৃষ্টতা, আস্থা আৰু গ্ৰাহক সেৱা প্ৰতিফলিত কৰাটো নিশ্চিত কৰিবলৈ প্ৰতি মুহূৰ্ততে সমৰ্পিত।‘’

নতুন ডিলাৰশ্বিপ উদ্বোধনৰ বিষয়ে অভিমত প্ৰকাশ কৰি টয়োটা কিৰ্লোস্কাৰ মটৰৰ বিক্ৰী-সেৱা-ব্যৱহৃত বাহন শাখাৰ পূব অঞ্চলৰ মুখ্য প্ৰতিনিধিৰ উপাধ্যক্ষ অৰুণ জি নায়াৰে কয় যে, “উত্তৰ-পূৰ্বাঞ্চলে বজাৰ সম্প্ৰসাৰণ আৰু গ্ৰাহকৰ আকাংক্ষা বিকশিত কৰা দুয়োটা দিশতে উল্লেখযোগ্য সম্ভাৱনা প্ৰতিনিধিত্ব কৰে। টয়োটাত আমি সমগ্ৰ দেশতে আমাৰ পদচিহ্ন শক্তিশালী কৰি আমাৰ গ্ৰাহকসকলৰ সৈতে গভীৰ সংযোগ গঢ়ি তোলাৰ প্ৰতিশ্ৰুতিত অটল হৈ আছোঁ। গুৱাহাটীত আমাৰ ডিলাৰশ্বিপৰ উদ্বোধনে এই প্ৰয়োজনীয়তাৰ ওপৰত গুৰুত্ব আৰোপ কৰে, যিয়ে আমাক আমাৰ মূল্যৱান গ্ৰাহকসকলৰ কাষ চপাই আনে।  বিশ্বমানৰ সামগ্ৰী আগবঢ়োৱাৰ লগতে আমি আস্থা, স্বচ্ছতা আৰু সুবিধাৰ ওপৰত প্ৰতিষ্ঠিত এক মালিকানাৰ অভিজ্ঞতা প্ৰদান কৰি যাম।  আমি আত্মবিশ্বাসী যে, এই নতুন সুবিধাই অঞ্চলটোত সুৰক্ষিত, নিৰ্ভৰযোগ্য আৰু বহনক্ষম গতিশীলতা সমাধান প্ৰদানৰ টয়োটাৰ লক্ষ্যক আগুৱাই নিয়াৰ ক্ষেত্ৰত অৰ্থপূৰ্ণ অৰিহণা যোগাব।”