অহা বছৰ গুৱাহাটীত অনুষ্ঠিত হ’ব বিশ্ব জুনিয়ৰ বেডমিণ্টন চেম্পিয়নশ্বিপ

ভাৰতে অহা বছৰ গুৱাহাটীত  বিশ্ব জুনিয়ৰ বেডমিণ্টন চেম্পিয়নশ্বিপ আয়োজন কৰিব। ক্ৰীড়াৰ গোলকীয় পৰিচালনা সংস্থা বিডব্লিউএফে এই কথা ঘোষণা কৰে। ২০০৮ চনৰ পিছত এইটো প্ৰথমবাৰৰ বাবে হ’ব যে বেডমিণ্টন ৱৰ্ল্ড ফেডাৰেচন (বিডব্লিউএফ)ৰ প্ৰতিষ্ঠিত ইভেণ্ট ভাৰতত অনুষ্ঠিত হ’ব।

বিডব্লিউএফে এক বিজ্ঞপ্তিত কয়, -দল আৰু ব্যক্তিগত দুয়োটা অনুষ্ঠান দেশৰ উত্তৰ-পূব অঞ্চলৰ বেডমিণ্টন এছ’চিয়েচন অৱ ইণ্ডিয়াৰ (বিএআই) ৰাষ্ট্ৰীয় উৎকৰ্ষ কেন্দ্ৰত অনুষ্ঠিত হ’ব। ভাৰতে শেষবাৰৰ বাবে পুনেত অনুষ্ঠানটো আয়োজন কৰিছিল। বিডব্লিউএফৰ সভাপতি পল-এৰিক হোয়াৰে কয়-ভাৰতত অভিজাত বেডমিণ্টন প্ৰতিভাৰ দ্ৰুত উত্থান দেখা গৈছে আৰু দ্বিতীয়বাৰৰ বাবে আমাৰ বিশ্ব জুনিয়ৰ চেম্পিয়নশ্বিপ ভাৰতলৈ অনাটো বিডব্লিউএফৰ বাবে অতি গুৰুত্বপূৰ্ণ।

নতুন বিএআই নেচনেল চেণ্টাৰ অৱ এক্সেলেন্স হৈছে বেডমিণ্টনৰ বাবে এক অত্যাধুনিক সুবিধা আৰু ই আমাৰ পৰৱৰ্তী প্ৰজন্মৰ প্ৰতিভাৰ বাবে দল আৰু ব্যক্তিগত খিতাপৰ বাবে প্ৰতিযোগিতা কৰাৰ বাবে এক উপযুক্ত স্থান হ’ব।