অননুমোদিত ৰাজনৈতিক বিজ্ঞাপন আঁতৰাবলৈ ৰাজ্য চৰকাৰসমূহলৈ নিৰ্দেশ নিৰ্বাচন আয়োগৰ

নিৰ্বাচন আয়োগে বুধবাৰে ৰাজ্য চৰকাৰসমূহক চৰকাৰ, ৰাজহুৱা আৰু ব্যক্তিগত সম্পত্তিৰ সকলো অননুমোদিত ৰাজনৈতিক বিজ্ঞাপন আঁতৰাবলৈ আৰু অহা ২৪ ঘণ্টাৰ ভিতৰত এক নিৰ্দেশ পালনৰ ৰিপ’ৰ্ট প্ৰেৰণ কৰিবলৈ নিৰ্দেশ দিয়ে।

কেন্দ্ৰীয় কেবিনেট সচিব আৰু সকলো ৰাজ্য আৰু কেন্দ্ৰীয় শাসিত অঞ্চলৰ মুখ্য সচিবলৈ লিখা এখন পত্ৰত আয়োগে কয় যে চাৰিখন ৰাজ্যৰ লোকসভা নিৰ্বাচন আৰু বিধানসভা নিৰ্বাচনৰ বাবে ১৬ মাৰ্চত কাৰ্যকৰী হোৱা আদৰ্শ আচৰণ বিধিৰ সৈতে এখন পত্ৰ জাৰী কৰাৰ পিছতো, অভিযোগ পোৱা গৈছে যে সমগ্ৰ দেশৰ বহু ঠাইত এতিয়াও অননুমোদিত ৰাজনৈতিক বিজ্ঞাপন প্ৰদৰ্শন কৰা হৈছে আৰু এনে বিজ্ঞাপন আঁতৰোৱা হোৱা নাই।কংগ্ৰেছে শেহতীয়াকৈ আয়োগৰ সন্মুখত বিষয়টো উত্থাপন কৰিছিল।

নিৰ্বাচন আয়োগে তেঁওলোকৰ নিৰ্দেশত কয়-দেৱাল লিখনি, পোষ্টাৰ, কাগজপত্ৰ বা আন যিকোনো ধৰণৰ বিকৃতি, কাটআউট, হৰ্ডিং, বেনাৰ, পতাকাৰ ৰূপত সকলো অননুমোদিত ৰাজনৈতিক বিজ্ঞাপন ৰাজহুৱা স্থান যেনে ৰেল ষ্টেচন, বাছ ষ্টেণ্ড, বিমানবন্দৰ, ৰে’লৱে দলং, পথ, চৰকাৰী বাছ, বিদ্যুৎ/টেলিফোন খুঁটা, নিৰ্ধাৰিত সময়ৰ ভিতৰত পৌৰ/স্থানীয় সংস্থাৰ ভৱনৰ পৰা আঁতৰাবলৈ নিৰ্দেশ দিয়া হৈছে আৰু নিৰ্দেশ পালন নিশ্চিত কৰিব লাগিব।